سائادەت ساتتار ئايتۇغ ئەسەرلىرى

版权声明：转载时请以超链接形式标明文章原始出处和作者信息及本声明
http://www.blogbus.com/saadat-logs/234825424.html

كۆز ۋە كۆڭۈل

سائادەت ساتتار ئايتۇغ

شاختا مۇڭلۇق سايرىغان بۇلبۇل،

ئۈركىگەندەك زەررە تىۋىشتىن.

مەن قورقاتتىم ئۇزۇندىن بېرى ،

كۆزلىرىڭگە قاراپ سېلىشتىن.

تىنىق كۆزۈڭ مىسالى بۇلاق،

 ئەندىكەتتىم چۆكۈپ كېتىشتىن.

ئېيتىپ بەرسەڭ ئۈنسىز سىرىڭنى.

ئەنسىرەيتىم سۆيۈپ قېلىشتىن.

كۆزلىرىڭدىن تارىغان مۇڭ كۈي،

چەكمەكچىدەك  قەلىب تارىمنى.

قاراشلىرىڭ خەنجەر كەبى ئاھ،

تىشىپ ئۆتتى يۈرەك- باغرىمنى.

شۇندىن بېرى شۇ قاراشلىرىڭ،

قېتىپ قالدى قاراقلىرىمدا.

كېلەرسەنمۇ پەرھادىم كەبى،

كۈتسەم پىنھان راۋاقلىرىمدا.