سائادەت ساتتار ئايتۇغ ئەسەرلىرى

版权声明：转载时请以超链接形式标明文章原始出处和作者信息及本声明
http://www.blogbus.com/saadat-logs/234825421.html

يۈرىكىڭنى سىزىۋالىمەن

سائادەت ساتتار ئايتۇغ

سۈرىتىڭنى سىزىۋالىمەن،

يۈرۈكۈمنىڭ بىنەملىكىگە.

 خاتىمە بەر يالغۇزلىقىڭنىڭ،

مەغرۇر تۇرقى،بېغەملىكىگە.

ھەيرانغىنە قالىدۇ ھەممە،

پاك سۆيگۈمنىڭ تېمەنلىكىگە.

يۈرىكىڭنى سىزىۋالىمەن،

ھارارەتلىك ئالقانلىرىمغا.

بويسۇنمايمەن تەقدىر دېگەننىڭ،

شۇم-رەھىمسىز ئارقانلىرىغا.

ھىجران ئاتلىق ئاشۇ قەسىرنىڭ،

باغرىم ئۇراي قالقانلىرىغا.

كۆزلىرىڭنى سىزىۋالىمەن،

سۈبھىيدىكى بارخانلىرىمغا.

 يۈرىكىڭنى تېڭىۋالىمەن،

چاچقۇ كەبى ئارمانلىرىمغا.

نۇرغۇن جاۋاپ بېرىسەن تېخى،

تالاي قۇرۇق يانغانلىرىمغا.

سىمايىڭنى سىزىۋالىمەن،

تۈندە ھەمراھ خىياللىرىمغا.

تۇتقۇن بولۇپ كېتىسەن ئەركەم،

مىسرالارنىڭ قىيانلىرىغا.

شېئىر تولغان كۆزۈمگە قاراپ،

ھاياجاندىن تىترەيدۇ دۇنيا!