سائادەت ساتتار ئايتۇغ ئەسەرلىرى

版权声明：转载时请以超链接形式标明文章原始出处和作者信息及本声明
http://www.blogbus.com/saadat-logs/234015341.html

31-ئىيۇل

سائادەت ساتتار ئايتۇغ

دەرەخلەر جىم، شاماللارمۇ جىم،

بۇلۇتلاردا ئېغىر سۈكۈنات.

غەزەپلەنگەن قۇياش تەپتىدىن،

ئۇخلىغاندەك بارچە كائىنات.

ئېتىزلار جىم، خامانلارمۇ جىم،

يۇلغۇنمۇ جىم خۇددى توقايدەك.

قۇمئېرىقتا ئاقار ئىسسىق سۇ،

كۈلۈپ تۇرغان مىسكىن بوۋايدەك.

بۇلاقمۇ جىم، ئېقىنلارمۇ جىم،

شىلدىرلىماس تۇنجۇققان سۇلار.

قەلەممۇ ئوت، قەغەزلەرمۇ ئوت،

تۇتقۇن مىسرا،چاڭقىغان ھىسلار.

توختاپ قالدى سۈكۈتتە ۋاقىت،

ئاچالمىغاچ ھارغىن كۆزىنى.

تېنەپ يۈرەر پەقەت بىر شائىر،

تاپالمىغاچ تېخى ئۆزىنى.

2012.7.31