كومپيۇتېر ھەۋەسكارلىرى چەكلىك شىركىتىنىڭ تەشكىللىشى ئارقىسىدا «2012-يىللىق 10 نادىر بىلوگنى باھالاش پائالىيىتى» تەرتىپلىك ھەم باسقۇچلۇق ھالدا ئېلىپ بېرىلغانلىقىغا شۇنداقلا داغدۇغا بىلەن ئاخىرلاشقانلىقىغا خېلە كۈنلەر بولۇپ قالدى، دوستلارنىڭ ئىسىدە بارمىكىن پرېستان بلوگى ئالدىنقى 10 نىڭ ئىچىگە كىرەلمىگەن بولسىمۇ شەرەپ بىلەن ئالدىنقى 20 نىڭ ئىچىگە كىرگەن. ئالدىنقى 20 نىڭ ئىچىگە كىرگەن ھەر بىر بلوگېرغا ئۇيغۇرسوفت شىركىتى رىغبەتلەندۇرۇش سۈپىتىدە ئۈزنىڭ «تۆت تىللىق ئۇيغۇرسوفت لۇغىتى 2008 (شەخسلەر نۇسخىسى)» تارقاتماقچى بولغان ئىدى. مانا بۈگۈن مۇكاپاتنى تاپشۇرۇپ ئالدىم (ھا ھا... كۆزۈڭلار قىزاردىمۇ). مەزكۇر يازمىدا پائالىيەت توغرۇلۇق سۆزلىمەيمەن، سۆزلەيدىغىنىم مۇكاپات ئالغان ئۇيغۇرسوفت لۇغىتى.

ئىشنىڭ جەريانى مۇنداق، كومپيۇتېر ھەۋەسكارلىرى چەكلىك شىركىتىگە ئادرېسىمنى دەپ بەردىم، ئۇلار ئۇزۇن يوللۇق ئاپتوبۇس ئارقىلىق لۇغەتنى ئەۋەتىپتۇ، ئەتتىگەن شۇنداق شىرىن ئۇخلاۋاتسام بىرسى تېلغۇن قىلىپ نەرسەمنى ئېلىپ كېتىشىمنى ئېيتتى، چۈشتىن كېىين بېرىپ ئېلىۋالدى، ئۆيگە ئېلىپ كېلىپ قېپىنىمۇ ئاچماي پاس-پۇس قىلىپ xiaomi يانغۇنىمدا رەسىمگە تارتىۋەتتىم. كۆرەمسىلەر؟

خۇشاللىقىمدىن قۇلاپ تىتىرەپ كېتىپ 1-پارچە رەسىمدە ئۈچۇق چىقماي قاپتۇ، ئەمما مۇھىمى 2-پارچە رەسىم، قاپنى ئېچىپ قارىسام «ئۇيغۇرسوفت لۇغىتى 2008» نىڭ ئىچدە 2007 نىڭ چۈشەندۈرۈش كىتابى چىقۋاتىدۇ، ئەمما نۇر تەخسىسى 2008 نىڭ ئىكەن، بەلكىم قاچىلاشتا خاتالىق سادىر قىلغان بولسا كېرەك ياكى 2007 نىڭ كىتابى 2008 گە ئىشلىشى مۇمكىن ۋە ياكى،،،لولولولو ....، مەنغۇ ئەزەلدىن چۈشەندۈرۈش كىتابىغا قاراپمۇ قويمايمەن.

لۇغەتنى تېخىچە قاچىلاپ سىناپ باقمىدىم، چۈنكى قايسى كومپىيۇتېرىمغا قاچىلاشنى بىلەلمەي قالدىم، ئۆيدە بار PC غا قاچىلاي دىسەم يېقىن كەلگۈسىدە بىر دانە خاتېرە كومپىيۇتېر ئېلىپ قالىدىغاندەك قىلىمەن. ئەگەر ئېلىپ قالسام ئۇنىڭغا قاچىلىيالمىغۇدەكمەن، ئەگەردە قارانچۇق بولغان بولسا پەيزى بولاتتىدە. چۈشەندۈرۈشىدە 2 كومپىيۇتېرغا قاچىلىسىڭىز بولىدۇ دېگەندەك گەپلەرمۇ باردەك قىلىدۇ (يەنى تۆۋەندىكى رەسىم) بەلكىم مەن خاتا چۈشۈنۈپ قالغاندىمەن.

لۇغەتنى قاچىلاپ بولغاندىن كېيىن لۇغەتنىڭ ئىقتىدارى ۋە كۆرۈنمە يۈزى ھەققىدە توختالماقچى مەن.

ئەڭ ئاۋۋال مەزكۇر پائالىيەتنىڭ ئۇلىنى تىكلىگەن يۈكسەل بلوگىغا، ئاندىن مەزكۇر پائالىيەتنىڭ ئۇتۇقلۇق ئېلىپ بېرىلىشى ئۈچۈن ئەجىر سىڭدۈرگەن كومپىيۇتېر ھەۋەسكارلىرى تور بېكىتىگە چوڭقۇر رەھمىتىمنى بىلدۈرىمەن ھەمدە ئالىي ئېھتىرام بىلدۈرىمەن. بارلىق بلوگگىر دوستلارنى داۋاملىق تۈردە ئۆز بلوگىنى مەزمۇن ۋە باشقا جەھەتتىن يەنىمۇ ئەلالاشتۇرۇپ، ئۆزى ۋە بلوگىنى تەڭ يۈكسەلدۈرۈپ، ئۇيغۇر تور مەدەنىيىتىنىڭ كۆپ قىرلىق، ساغلام راۋاجلىنىشى ئۈچۈن تېگىشلىك ھەسسە قوشۇشلىرىنى، شۇنداقلا كېلەر يىللىق 10 نادىر بلوگلار قاتارىدىن ئورۇن ئېلىشقا تىرىشىشلىرىنى ئۈمىد قىلىمەن.

ئاخىرىدا، مەزكۇر پائالىيەتنى تەشكىللىگەن، قوللىغان، ئارقا سەپتە بەجانىدىل خىزمەت قىلغان ھۆرمەت ساھىبلىرىغا يەنە بىر قېتىم ئېھترام بىلدۈرىمەن. جاپا چەكتىڭلار! مەزكۇر ئۇيغۇرلاردىكى يىللىق 10 نادىر بلوگنى باھالاش پائالىيىتىنىڭ يىلسېرى ئۇتۇقلۇق تەشكىللىنىشىگە تېلەكداشمەن.

ئەڭ ئاخىرىدا ماڭا مۇكاپات بەرگەن ئۇيغۇرسوفت شىركىتىگە، ئالىم مۇئەللىمگە رەھمەت!