جىنايەتچىنىڭ رەسىمى

      ئامېرىكا خەنزۇچە تورىنىڭ ئۇنىۋېرسال خەۋىرىگە ئاساسلانغاندا، نىيۇيورك ساقچى تەرەپنىڭ 16-ئۆكتەبىر بىلدۈرۈشىچە، بىر جۇڭگولۇق 16 ياشلىق قىز ئوقۇغۇچى شۇ كۈنى سەھەردە مەكتەپكە بېرىش يولىدا بىر  ئەر تەرىپىدىن يۈزى ۋە بوينى پىچاق بىلەن يارىلاندۇرۇلغان، جىنايەتچى دېلو تۇغدۇرغاندىن كېيىن قېچىپ كەتكەن، يارىلانغۇچىنىڭ نۆۋەتتىكى ئەھۋالى ئېنىق ئەمەس.

      ساقچى تەرەپنىڭ ئېيتىشىچە، ۋەقە 16-دېكابىر سەھەر سائەت 8 دىن 20 مىنۇت ئۆتكەندە يۈز بەرگەن بولۇپ، دېلو يۈز بەرگەن ۋاقىتتا 16 ياشلىق زىيانلانغۇچى خانىش رايونىدىكى مەكتىپىگە پىيادە كېتىۋاتقان ئىكەن. ئۇ خانىش رايونى ئاقتاش بازىرى 13-كوچىسى ئارىسىدىكى 147-نومۇرلۇق كوچىغا كەلگەندە ئوپېراتسىيە ماسكىسى ۋە پەلىيى تاقىۋالغان بىر ئەر تۇيۇقسىز ئۇنىڭ ئارقىسىدىن كەلگەن، ئۇ ئاۋۋال زىيانلانغۇچىنى قالايمىقان ئاختۇرغاندىن كېيىن پىچاق بىلەن يۈزىنى ئىككى قېتىم كەسكەن، بۇنىڭ ئىچىدە بىر پىچاق قۇلاق تۈۋىدىن كېكىردىكىگىچە يېتىپ بارغان.

     زىيانلانغۇچى دەرھال ئۇزۇن ئارالدىكى «يەھۇدى تېغى داۋالاش مەركىزى» (Jewish Hillside Medical Center)گە ئېلىپ بېرىلغان، نۆۋەتتە ئەھۋالى تۇراقلاشقان بولۇپ، ئاكىسى ۋە ھەدىسى ئۇنىڭغا ھەمراھ بولماقتا. ساقچىلارنىڭ ئېتىشىچە، بۇ زىيانلانغۇچى جۇڭگودىن كەلگەن بولۇپ، ئامېرىكىغا كەلگىلى ئاران 8 ئاي بولغانىكەن.

    ئاڭلاشلارغا قارىغاندا، جىنايەتچى قارا پوسما كىيىۋالغان، ئۇچىسىغا كۈلرەڭ ياكى كۆك رەڭلىك تەنھەرىكەت كىيىمى كىيگەن. بۇ ئەر ھۇجۇم قىلىشتىن ئىلگىرى زىيانلانغۇچى بىلەن پاراڭلاشمىغان، دېلو تۇغدۇرغاندىن كېيىن دەرھال قېچىپ كەتكەن، ساقچى تەرەپ جىنايەتچىنىڭ  قول سېلىشتىن ئىلگىرى زىيانلانغۇچىغا خېلى ۋاقىت ئەگەشكەنلىكىنى جەزىملەشتۈردى.

   نۆۋەتتە ساقچىلار دېلو سادىر بولغان ۋاقىتتىكى كۆزىتىش كامېراسى خاتىرىلىگەن ۋىدىيوغا ئېرىشتى ھەمدە يىپ ئۇچىنى بىلىدىغان ئاممىنىڭ ساقچىلار بىلەن ئالاقىلىشىشىنى ئۈمىد قىلدى.