12-ئاينىڭ 10-كۈنى ئۈرۈمچى ۋاقتى سەھەر 1:45 دە، ياۋروپا ئۇزغۇنلۇق گۇرۇپپا مۇسابىقىسىنىڭ ئەڭ ئاخىرقى بىر ئايلانمىسىنىڭ داۋامىدىكى مۇسابىقىلەر ئوينىلىدۇ، چېلسى ساھىبخان مەيدان سىتەنفورد كۆۋرۈكىدە پورتوگالىيە كوماندىسى پورتونى كۈتىۋالىدۇ.

كۆرۈش نۇقتىسى

چېلسى تەڭلەشسىلا گۇرۇپپىدىن چىقىدۇ:  بۇ گۇرۇپپىدا چېلسى، پورتو ۋە كىيىۋ دىنامو ئۈچىلىسىنىڭ گۇرۇپپىدىن چىقىش پۇرسىتى بار، نۆۋەتتىكى ۋەزىيەت ئەڭ ياخشى بولغىنى ئۈچىنچى ئورۇندىكى كىيىۋ دىنامو، ئەڭ ئاخىرقى ئايلانمىدا ساھىبخان مەيدان ئالدىنقى بەش ئايلانمىدا تولۇق مەغلۇپ بولغان تېل ئاۋىۋ ماكابىنى مەغلۇپ قىلسىلا، ئۇكرائىنا كوماندىسى ئوڭۇشلۇق گۇرۇپپىدىن چىقىدۇ.

چېلسىغا نىسبەتەن ئېيىتقاندا، ساھىبخان مەيدان پورتو بىلەن تەڭلەشسىلا گۇرۇپپىدىن چىقىشقا كاپالەتلىك قىلالايدۇ، ئەمما ناۋادا كىيىۋ دىنامو ماكابىنى مەغلۇپ قىلسا، ئۇ ۋاقىتتا چېلسى پەقەت گۇرۇپپىدىن ئىككىنچى بولۇپ چىقىدۇ، پورتو ياۋروپا ئىتتىپاق لوڭقىسى مۇسابىقىسى ئويناش سالاھىيىتىگە ئېرىشىدۇ؛ ناۋادا چېلسى ساھىبخان مەيدان غەلبە قىلسا، ئۇلار گۇرۇپپىنىڭ بىرىنچىلىك ئورنىنى مۇقىملايدۇ؛ ناۋادا ساھىبخان مەيدان مەغلۇپ بولسا، چېلسى پەقەت كىيىۋ دىنامونىڭ ئەھۋالىغا قاراشقا مەجبۇر بولىدۇ، ئۇكرائىنا كوماندىسى غەلبە قىلىسا، مەغلۇپ بولغان چېلسى ياۋروپا ئىتتىپاق لوڭقىسى ئوينايدۇ.

مورىنىھو ئۆزىنى قۇتقۇزۇشقا ئېھتىياجلىق: چېلسى بىرلەشمىدە توتىنھام رېس بىلەن 0-0 نەتىجىدە تەڭلەشكەن مۇسابىقىدە، مورىنىھو «مۇشۇ پەسىلدىكى ئەڭ قالتىس بىر مەيدان مۇسابىقە» دېدى، نەتىجىدە ئالدىنقى ھەپتە ئاخىرىدا ساھىبخان مەيدان دەرىجە ساقلاش رايونىدىكى كوماندىغا ئۇتتۇرۇپ قويدى. بۇ قېتىم پورتو بىلەن بولغان گۇرۇپپا مۇسابىقىدە، چېلسى يەنىلا ساھىبخان مەيدان مۇسابىقە ئوينايدۇ، گەرچە تەڭلەشسىلا گۇرۇپپىدىن چىقىدىغان بولسىمۇ، ئەمما ئۆزىنى قۇتقۇزۇشقا ئېھتىياجلىق بولغان مورىنىھوغا نىسبتەن ئېيىتقاندا، ئۇ بىر مەيدان غەلبە ئارقىلىق كوماندىنىڭ روھىنى كۆتۈرۈشكە مۇھتاج، كېيىنكى ئايلانما بىرلەشمە مۇسابىقىدە چېلسى بىرلەشمە سەركىسى لەيچېستىر بىلەن ئۇچرىشىدۇ.

12-ئاينىڭ 10-كۈنى ئۈرۈمچى ۋاقتى سەھەر 1:45 دە، ياۋروپا ئۇزغۇنلۇق گۇرۇپپا مۇسابىقىسىنىڭ ئەڭ ئاخىرقى بىر ئايلانمىسىنىڭ داۋامىدىكى مۇسابىقىلەر ئوينىلىدۇ، بارسېلونا مېھمان مەيدان لېۋېركۇسىن بىلەن ئۇچرىشىدۇ.

بارسېلونا ئاللىقاچان گۇرۇپپا بىرىنچىلىك ئورنىنى مۇقىملاپ بولدى، لىۋېركۇسىن گۇرۇپپىدىن چىقىش ئۈچۈن جەڭ قىلىدۇ، MSN كوماندىغا ئەگىشىپ جەڭگە ئاتلىنىدۇ.

كۆرۈش نۇقتىسى:

بارسېلونا مۇددەتتىن بۇرۇن بىرىنچىلىك ئورنىنى مۇقىملاپ بولدى

ئوق-دورا زاۋۇتى ھايات-ماماتلىق مۇسابىقە ئوينايدۇ

2012\\13-مۇسابىقە پەسىلىدىن كېيىن، بارسېلونا تۇنجى قېتىم مۇددەتتىن بۇرۇن بىرىنچىلىك ئورنىنى مۇقىملاپ بولدى، ئاخىرقى ئايلانما بارسېلوناغا نىسبەتەن پەقەت مەشىق مۇسابىقە ئەھمىيىتىگىلا ئىگە. ئەكىسچە لىۋېركۇسىنغا نىسبەتەن ئېيىتقاندا ھايات-ماماتلىق مۇسابىقە، ئالدىنقى بەش ئايلانمىدا لىۋېركۇسىن رىم بىلەن ئوخشاش بەش نومۇرغا ئېرىشتى، بورىسوف تۆت نومۇرغا ئېرىشتى، ھەممىسىنىڭ گۇرۇپپىدىن چىقىشىدىن ئۈمىد بار. لىۋېركۇسىن ئۆزئارا مۇسابىقىدە رىمغا ئۇتتۇرغانلىقتىن، شۇ سەۋەبتىن يەنە بىر مەيدان مۇسابىقە نەتىجىسى قانداق بولسۇن، لىۋېركۇسىن چوقۇم غەلبە قىلغاندىلا ئاندىن گۇرۇپپىدىن چىقالايدۇ.

MSN قايتا ھەيۋە كۆرسىتەمدۇ؟

ياۋروپا ئۇزغۇنلۇق مۇسابىقىسىدە گېرمانىيە كوماندىسىغا قارىتا مېسسى 14 توپ كىرگۈزگەن، بۇ سان باشقا بارلىق بىرلەشمىدىن ئېشىپ كېتىدۇ، يالغۇز لىۋېركۇسىنغىلا مېسسى ئالتە توپ كىرگۈزگەن، بۇنىڭ ئىچىدە 2012-يىلى مېسسى تارىختا تۇنجى بولۇپ ياۋروپا ئۇزغۇنلۇقتا بەش توپ كىرگۈزگەن قالتىس ماھىرغا ئايلانغان.

سۇيارىس بارسېلوناغا قوشۇلغاندىن كېيىن، 15 مەيدان ياۋروپا ئۇزغۇنلۇق مۇسابىقىسىدە 12 توپ كىرگۈزۈپ بەش قېتىم پاس بەردى، 17 توپنىڭ كىرىشىگە بىۋاستە قاتناشتى، ئۈنۈمى بىر توپتىن يۇقىرى، بىراق ئېنرىك بۇ مەيدان مۇسابىقىدە تېخىمۇ كۆپلىگەن ياشلارغا پۇرسەت بېرىشى مۇمكىن، MSN  گۇرۇپپىسى ئاساسلىق ئەزا بولۇپ مەيدانغا چىقماسلىقى مۇمكىن.

12-ئاينىڭ 10-كۈنى ئۈرۈمچى ۋاقتى سەھەر 1:45 دە، ياۋروپا ئۇزغۇنلۇق گۇرۇپپا مۇسابىقىسىنىڭ ئەڭ ئاخىرقى بىر ئايلانمىسىنىڭ داۋامىدىكى مۇسابىقىلەر ئوينىلىدۇ، ئارسېنال ساھىبخان مەيدان ئولىمپىياكىس بىلەن ئۇچرىشىدۇ. بارسېلونا ئاللىقاچان گۇرۇپپا بىرىنچىلىك ئورنىنى مۇقىملاپ بولدى، لىۋېركۇسىن گۇرۇپپىدىن چىقىش ئۈچۈن جەڭ قىلىدۇ، MSN كوماندىغا ئەگىشىپ جەڭگە ئاتلىنىدۇ.

كۆرۈش نۇقتىسى:

ئارسېنال گۇرۇپپىدىن چىقالامدۇ-يوق

ئالدىنقى بەش ئايلانما مۇسابىقىدە، ئارسېنال ئالتە نومۇرغا ئېرىشىپ ۋاقتىنچە گۇرۇپپىدا ئۈچىنچىلىككە ئېرىشتى، گۇرۇپپا سەركىسى بايرېن مىيۇنخېندىن ئالتە نومۇر ئارقىدا قالدى، ئىككىنچى ئورۇندىكى ئولىمپىياكىس بىلەن ئۈچ نومۇر پەرق بار. ئارسېنالغا نىسبەتەن ئېيىتقاندا، تۇنجى ئايلانما ئۇچرىشىشتا 2-3 نەتىجىدە ئولىمپىياكىسقا مەغلۇپ بولغانلىقتىن، بۇ مەيدان مۇسابىقىدە ئۇلار چوقۇم كەمىدە ئىككى ساپ توپ ئۈستۈنلۈك بىلەن غەلبە قىلسا ئاندىن گۇرۇپپىدىن چىقالايدۇ، ناۋادا بىر ساپ توپ بىلەن غەلبە قىلسا، ئۇنداقتا كىرگۈزگەن توپ سانى چوقۇم ئۈچتىن ئېشىشى كېرەك. ناۋادا تەڭلىشىپ قالسا ياكى ئۇتتۇرسا ئارسېنال گۇرۇپپىدىن چىقالمايدۇ.

ئارسېنالنىڭ يارىدارلار قوشۇنى: ئارسېنالدىكى نۆۋەتتىكى ئەڭ چوڭ مەسىلە يارىدارلار، كازولا ۋە سانچېس ئىككى يادرولۇق ئوتتۇرا مەيدان توپچى بۇ مەيدان مۇسابىقىگە قاتنىشالمايدۇ، بۇندىن سىرت، ئارتېتا، كوكۇلىن، روسكى، ۋىلبېك، ۋىلشېرمۇ بۇ مەيدان مۇسابىقىگە قاتنىشالمايدۇ. ئارسېنالنىڭ ئوتتۇرا مەيداندا ئاساسلىق ئەزالار كەمچىل، ۋېنگىر قانداق تاقابىل تۇرىدۇ؟ پرافېسسورنىڭ قابىلىيىتىنى سىنايدىغان پەيىتلەر يېتىپ كەلدى.