12-ئاينىڭ 16-كۈنى، دۆلەت رەئىسى شى جىنپىڭ جېجاڭ ئۆلكىسى ۋۇجېن بازىرىدا پاكىستان زۇڭتۇڭى ھۈسەيىن بىلەن كۆرۈشتى    شى جىنپىڭ مۇنۇلارنى بىلدۈردى: بۇ يىل جۇڭگو-پاكىستان ئىككى دۆلەتنىڭ يۇقىرى قاتلام ئالاقىسى قويۇقلىشىپ، ھەرقايسى ساھەلەردىكى ئەمەلىي ھەمكارلىق چوڭقۇر تەرەققىي قىلدى. بۇ يىل 4-ئايدا مەن پاكسىتاندا دۆلەت ئىشلىرى زىيارىتىدە بولۇپ، ئىككى تەرەپ جۇڭگو-پاكىستان مۇناسىۋىتىنى ئومۇميۈزلۈك ئىستراتېگىيەلىك ھەمكارلىق، شېرىكلىك مۇناسىۋىتى دەرىجىسىگە كۆتۈرۈشنى قارار قىلىپ، جۇڭگو-پاكىستان ئىقتىساد كارېدورىنى مەركەز، گۋادار پورتى، ئېنېرگىيە، قاتناش ئۇل ئەسلىھەلىرى، كەسىپلەر ھەمكارلىقىنى مۇھىم نۇقتا قىلغان «4+1» ھەمكارلىق ئەندىزىسىنى بېكىتىپ، جۇڭگو-پاكىستان مۇناسىۋىتىنىڭ كېيىنكى باسقۇچلۇق تەرەققىياتى ئۈچۈن ئىستراتېگىيەلىك پىلان تۈزدۇق. بىز پاكىستان تەرەپ بىلەن بىرلىكتە تىرىشىپ، جۇڭگو بىلەن پاكىستاننىڭ ئومۇميۈزلۈك ئىستراتېگىيەلىك ھەمكارلىق، شېرىكلىك مۇناسىۋىتىنىڭ مەزمۇنىنى ئۈزلۈكسىز تولۇقلاپ ۋە بېيىتىپ، جۇڭگو-پاكىستان دوستلۇقىنى ئەمەلىي ھەمكارلىقنى چوڭقۇرلاشتۇرىدىغان ۋە قانات يايدۇرىدىغان ھەرىكەتلەندۈرگۈچ كۈچكە ئايلاندۇرۇشنى خالايمىز.(تامام)