ئامېرىكىنىڭ مۇئاۋىن پرېزىدېنتى جوۋ بايدىن 11-يانۋار ئامېرىكا سىملىق تېلېۋىزىيە ئاخبارات تورى (CNN)نىڭ زىيارىتىنى قوبۇل قىلغاندا دېيىشىچە، ئۇنىڭ بۇلتۇر كېسەل بىلەن ئالەمدىن ئۆتكەن ئوغلى بىئۇ بايدىن راك كېسىلىنى داۋالىتىۋاتقان مەزگىلدە، پرېزىدېنت باراك ئوباما پۇل بېرىشنى خالايدىغانلىقىنى بىلدۈرگەن. بايدىننىڭ دېيىشىچە، ئۇ كۈنى چۈشلۈك تاماق ۋاقتىدا، ئۇ دەل ئۆيىنى سېتىپ، ئوغلىنى كېسىلىنى داۋالىتىشنى ئويلىشىۋاتقان ئىكەن.

       ئۇ ئوغلى بىئۇ بايدىننىڭ كېسەل سەۋەبلىك دېلاۋارى ئىشتاتىنىڭ باش تەپتىش باشلىقلىق خىزمىتىدىن چېكىنسە مائاشى يوق بولىشىدىن ئەندىشە قىلغان، «بىراق، مەن بۇ مەسىلىنى ھەل قىلالايمەن، ئاپىسى ۋە مەن ئۆينى سېتىۋەتسەكلا بولىدۇ» دېدى.

        بېئۇ بايدىن

         ئوباما بۇلارنى ئاڭلىغاندىن كېيىن تۇرۇپ كېتىپ:«ئۆيۈڭنى ساتما، ماڭا ئۆيۈڭنى ساتماسلىققا كاپالەت بەر! مەن پۇل بېرىمەن. مەيلى قانچىلىك لازىم قىل، مەن ساڭا پۇل بېرىمەن. جوۋ، ئۆينى ساتما، ماڭا ۋەدە بەر» دېگەن.

       جوۋ بايدىننىڭ دېيىشىچە، ئوباما ئۆزىنىڭ ئائىلىسىنى ھەم بايدىننىڭ ئائىلىسىنى سۆيىدىكەن، شەخسىي مۇناسىۋىتى ناھايىتى ياخشى بولۇپ، بىر ئائىلە كىشىلىرىگە ئوخشايدىكەن.

      2015-يىلى 5-ئايدا، بىئۇ بايدىن مېڭە راكىس كېسىلى بىلەن 46 يېشىدا ئالەمدىن ئۆتتى. 2015-يىلى 10-ئايدا، 73 ياشقا كىرگەن جوۋ بايدىن 2016-يىللىق ئامېرىكا پرېزىدېنت سايلىمىغا قاتناشمايدىغانلىقىنى جاكارلىدى.