2016-يىلى دېھقانلار كالىندارى بويىچە مايمۇن يىلى ھېسابلىنىدۇ. مايمۇن زېرەك، شوخ، ئوماقلىقى بىلەن نۇرغۇن كىشىلەرنىڭ ئامراقلىقىنى كەلتۈرىدۇ. نۇرغۇن ئەر-خوتۇنلار مايمۇن يىلىدا بالىلىق بولۇشنى ئارزۇ قىلىدۇ. تاماشا چەمبىرىكىدىمۇ بۇيىل ئانا بولىدىغان چولپانلارمۇ ئاز ئەمەس.

توڭ لىيا

توڭ لىيانىڭ مۆلچەر تۇغۇت ۋاقتى: 2015 -يىلى 12-ئاينىڭ 31-كۈنى

      2015-يىلى 10-ئاينىڭ 21-كۈنى، چېن سىچېڭ ئۆزىنىڭ مىكرو بىلوگىغا مەن دادا بولىدىغان بولدۇم،  رەھمەت سىزگە! دەپ يازغان. ئىشەنچلىك خەۋەرلەرگە ئاساسلانغاندا، توڭ لىيانىڭ تۇغۇت مۆلچەر كۈنى 2015-يىلى 12-ئاينىڭ 31-كۈنى ئەتراپىدا بولىدۇ دېگەن، بىراق ھازىرغىچە توڭ لىيادىن ھېچ خەۋەر يوق، قارىغاندا 2016-يىلدىكى تۇنجى بوۋاق ئۇلارنىڭ بالىسى بولىدىغان ئوخشايدۇ.

چۈەن جىشىيەن

چۈەن جىشىيەننىڭ مۆلچەر تۇغۇت ۋاقتى: 2016-يىلى 2-ئاي

2015-يىلى 7-ئايدا، چۈەن جىشىيەن ئۆزىنىڭ ھامىلدار بولغانلىق خەۋىرىنى ئاشكارىلىغان، شۇنىڭدىن ئېتىبارەن ئۇ كۈتۈنۈپ، ياخشى بىر ئانا بولۇشقا تەييارلىق قىلىۋاتىدۇ، ھازىر ئۇنىڭ قورسىقىغىمۇ 8 ئايلىق بولۇپ قالدى. ئۇ نەچچە كۈن بۇرۇن مەخسۇس ھامىلە كۈتۈنۈش ئورنىغا كىرىپ ئارام ئېلىۋاتىدۇ.

جاڭ زېتىيەن

جاڭ زېتىيەننىڭ تۇغۇت مۆلچەر كۈنى: 2016-يىلى 3-ئاي

2015-يىلى 11-ئاينىڭ 1-كۈنى، بىر تورداش جاڭ زېتىيەننىڭ رېستۇراندا غىزالىنىپ چىققان ۋاقىتتىكى رەسىمىنى تارتىۋېلىپ تورغا يوللىغان. رەسىمدە جاڭ زېتىيەننىڭ قورسىقى كۆرۈنەرلىك دەرىجىدە تومپىيىپ چىققان بولۇپ، ھامىلدار بولغانلىقى ئېنىق بىلىنىپ قالغان. جاڭ زېتىيەنمۇ تورداشلارغا ئۆزىنىڭ راستىنلا ھامىلدار ئىكەنلىكىنى ئېتراپ قىلغان.

خەن جىيارېن

خەن جىيارىننىڭ تۇغۇت مۆلچەر ۋاقتى: 2016-يىلى 4-ئاي

      كورىيە چولپىنى خەن جىيارىن ھەممىمىزگە تونۇش چولپان، ئۇنىڭ بەش ئەزايى قاملاشقان بولۇپ كىشىلەر ئۇنىڭغا «تەبىئي گۈزەل» دەپ نام بەرگەن. ئۇ يولدىشى بىلەن توي قىلغىلى 10 يىل بولدى، بىراق ئىزچىل بالىلىق بولالمىغان. 2014-يىلى ئۇ ئۆزىنىڭ ھامىلدار ئىكەنلىكىنى ئېلان قىلغان، بىراق كېيىن يەنە بويىدىن ئاجراپ كەتكەن، بۇ ئۇنىڭغا تولىمۇ ئېغىر كەلگەن. ئالدىنقى يىلى ئۇ يەنە ھامىلدار ئىكەنلىكىنى جاكارلىغان، ھازىر قورسىقىغا 6 ئايلىق بولدى.