جەڭگىۋار يانبىلوگى

رۇبائىيلار
(1)
سۇنغان ئەينەكنى يەملىگەن بىكار،
رەنجىگەن كۆڭۈل شۇنىڭغا  ئوخشار.
ئويلىماي قىلغان ھەرىكەت سۆزلىرىڭ،
پۇشايمان  ئىلكىدە  سېنى   قاقشىتار.
(2)
بەزىلەر  ياشايدۇ   ھايۋاندىن   بەتتەر،
ئازراقلا نەپنى دەپ ۋىجداندىن كېچەر.
چۈشۈپ  قالساڭ  گەر  ئۇنىڭ  دامىغا،
ئۇيالماي  سېنىڭدىن   قېنىڭنى  ئېچەر.

2006-يىلى 5-مارت،  (شەھىرى نەنچاڭ)

ئارزۇ

گۈل ئىشقىدا خەندان ئۇرۇپ كېلەر بۇلبۇل،
قۇلاق سالغىن چىن سۆزۈمگە چېچى سۇمبۇل.

ئوت تۇتاشتى سېنى كۆرگەن شۇ كۈندىن باشلاپ،
يۈرەكلەرنى  پىچاق  تىلدى ،  قىلىپ  چۇلچۇل.

ھەسرەتلىرىم تۈگەپ كەتسۇن مىسكىن دىلدىن،
چىن  سۆيگۈمنى دىلدىن  ئېلىپ قىلغىن  قوبۇل.

چىن   سۆيگۈگە   تولا  سۆزلەش     بىھاجەتتۇر،
سۆزلىرىمنى    پەردازلىماي   قىلدىم    ئۇدۇل.

ئا...

ئازغان روھ

كېيىۋالغان قىزچاق،
قولىغا پايپاق.
يىگىتمۇ ماسلىشىپ،
كېيىۋاپتۇ،
كۆز ياپار قالپاق.
ساپساق،
ساپساق،
ھاسا تۇتقان بىراق.
... ...

2006-يىلى 28-مارت ،(شەھىرى نەنچاڭ)

ھەسرەت

ئۇچۇپ كەتتى بېشىمدىن ئەنقا،
قۇزغۇنلارغا   بېرىپ    قوشۇلۇپ.
تەپەككۇردا  قالمىدى   مادار،
كەتكەنىدۇ   نەگە    توشۇلۇپ.

ھايات   ئۇرار    قامچىلىرىدا،
مەندە يوقتۇر ھېچقانداق قالقان.
گۈزەل  ھېسلار  ئېغىر   تىنىدۇ،
ۋىجدان تاشلار بوپ كەتتى تالقان.

لىغىلدايدۇ    چاناقلىرىمدا،
ھەسرەت پىغان قانلىق ياشلىرىم.
قۇزغۇنلارغا   قالدىم   ئامالسىز،
ئېتىلالماي   ۋىجدان   تاشلىرىم.

مۇھەببەت تېغىغا ياماشقانلارنىڭ،
تولىسى چوققىغا چىقالمايدىكەن.
ساداقەت ، ۋاپادىن سۇغۇرۇلسا دىل،
مۇھەببەت تېغىنى ياشنىتار  ئىكەن.

مۇھەببەت تېغىغا چىقماق بەك قىيىن،
بەزىلەر  بۇ  يولدا  ئەرزىمەس   تىيىن.
كېپىنەك مىسالى ئۇچۇپ يۈرگەننى،
تەنھالىق  ئازابى  قېينايدۇ    كېيىن.

مۇھەببەت ئۇلۇغ بىر  مەڭگۈلۈك تېما،
ھاياتىڭ ياشنىماس ئۇنىڭسىز پەقەت.
مۇھەببەت تېغىغا بەل قويماي چىقساڭ،
ھاياتىڭ  كۆكلەيدۇ   ئەبەدىلئەبەت.

2008-يىلى 3-ماي، شەھىرى نەنچاڭ

ئىچكىرىدىكى بۇ شەھەرلەردە،

يېغىپ تۇرار چەكسىز غېرىبلىق.

يا كۈلەلمەي ئاناڭ تىلىدا،

يۈرەك باغرىڭ دائىم يېرىقلىق .

نەگە بارساڭ ناتونۇش چىراي، 

مىللەتداشمۇ ئاچماس خۇشچىراي.

كەپەڭچىلىك بىلىنمەس ھەرگىز،

بۇ يەردىكى ئەڭ ئېسىل ساراي.

ئاناڭ  ئ...