14 ــ فېۋرال ، كەچ سائەت 20 دىن 20 ئەتراپىدا ، شىخۇ شەھەرلىك ئوت ئۆچۈرۈش ئوتتۇرا ئەترىتى ئەسلىدىكى 312 ــ دۆلەت يولى 267 كېلومېتىرلىق جايىدا بىر كارىۋاتلىق يولۇچىلار ئاپتوبۇسىغا ئوت كەتكەنلىك مەلۇماتىنى تاپشۇرىۋالغان بولۇپ ، شىخۇ شەھەرلىك ئوت ئۆچۈرۈش ئوتتۇرا ئەترىتىدىكى ئون ئوت ئۆچۈرۈش ئوفېتسېر جەڭچىسى ئىككى ئوت ئۆچۈرۈش ئاپتوموبىلى بىلەن نەق مەيدانغا يېتىپ بېرىپ ئوتنى ئۆچۈرگەن .
20 مىنۇتتىن كېيىن ، ئوت ئۆچۈرۈش ئوفېتسېر جەڭچىلىرى ۋەقە يۈز بەرگەن نەق مەيدانغا يىتىپ بارغاندا يولۇچىلار ئاپتوبۇسى دەھشەتلىك كۆيۈۋاتقان بولۇپ ، ئوفېتسېر جەڭچىلەر ئاپتوبۇسنىڭ ماي باكىنىڭ يۇقىرى تېمپېراتۇرانىڭ تەسىرىدە ھەر ۋاقىت پارتلاش ئېھتىماللىقىنىڭ بارلىقىنى بايقىغان .
ئۇلار ئاپتوبۇستىكى يولۇچىلارنىڭ ساق ــ سالامەت ئاپتوبۇستىن ئايرىلغانلىقىنى جەزىملەشتۈرگەندىن كېيىن ، نەق مەيداننىڭ ئىككى تەرىپىدىكى 50 مېتىر كېلىدىغان جايدا ئېھتىيات سىزىقى تەسىس قىلىپ ئوتنى ئۆچۈرگەن . سائەت 21 دىن 30 دا ، ئوت پۈتۈنلەي ئۆچۈرىۋېلىنغان ھەمدە ئادەم ئۆلۈش ــ يارىلىنىش ئەھۋاللىرى كۆرۈلمىگەن .
ئىگىلنىشىچە ، بۇ يولۇچىلار ئاپتوبۇسى كۈيتۈندىن غۇلجىغا قاراپ ماڭغان بولۇپ ، شىخۇ تەۋەسىگە كەلگەندە ئاپتوبۇسقا ئوت كەتكەن . شوپۇر بىرىنچى بولۇپ ئاپتوبۇستىكى 19 نەپەر يولۇچىنى تارقاقلاشتۇرغان ئارقىدىن ‹‹ 119 ›› غا تېلېفون قىلغان .
نۆۋەتتە ، ۋەقەنىڭ سەۋەبى يەنىمۇ ئىلگىرلىگەن ھالدا تەكشۈرۈلۈۋېتىپتۇ .
