دېڭىز شاۋقۇنى قىرغاقتىكى رايونلارنى ۋەيران قىلدى
جۇڭگو ئاخبارات تورى 28-ئۆكتەبىر تېلېگراممىسى : ھىندونېزىيە يېقىنقى كۈنلەردىن بۇيان ، يەر تەۋرەش ، دېڭىز شاۋقۇنى ۋە يانار تاغ پارتىلاش قاتارلىق تەبئىي ئاپەتنىڭ ھۇجۇمىغا ئۇچىرىغان بولۇپ ، 27-ئۆكتەبىرگىچە بۇ ئاپەتلەردە قازا قىلغانلار 341 گە يەتكەن .
شۇ يەر ۋاقتى 25-ئۆكتەبىر كەچ سائەت 9 دىن 42 مىنۇت ئۆتكەندە ، ھىندونېزىيە سۇماتېرا ئۆلكىسىنىڭ مېنتاۋاي تاقىم ئارىلى يېنىدىكى دېڭىز تەۋەلىكىدە 7.2 بال يەر تەۋرىگەنلىكتىن ، دېڭىز شاۋقۇنى كۆتۈرۈلۈپ ، قىرغاقتىكى ئون نەچچە كەنت سۇ ئاستىدا قالغان ، 27-ئۆكتەبىر ، يەر تەۋرەش كەلتۈرۈپ چىقارغان دېڭىز شاۋقۇنى سەۋەبلىك قازا قىلغانلار 311 گە يەتكەن ، يەنە نەچچە يۈز ئادەمنىڭ ئىز دېرىكى بولمىغان ، 20 مىڭدىن كۆپرەك ئادەم ئۆي-ماكانسىز قالغان .
يەر تەۋرەش ۋە دېڭىز شاۋقۇنى يۈز بەرگەندىن كېيىن ، يەر تەۋرەش مەركىزىنىڭ شەرق تەرىپى بىلەن بولغان ئارىلىقى 1300 كىلومېتىر كېلىدىغان جاۋا ئارىلىنىڭ ئوتتۇرا قىسمىغا جايلاشقان مېلاپى يانار تېغى 26-ئۆكتەبىر پارتىلاپ ، 30 ئادەم قازا قىلغان ، 17 ئادەم يارىلانغان .
دېڭىز شاۋقۇنى قىرغاقتىكى رايونلارنى ۋەيران قىلدى
پارتىلىغان يانار تاغ
يانارتاغ ئەتراپىدىكى ئاھالىلەر بىخەتەر جايغا تارقاقلاشتۇرۇلدى
يانار تاغ پارتىلىدىغاندىن كېيىن ئەتراپتىكى كەنتلەر يانارتاغ كۈلى ئاستىدا قالدى
