ئەمما، بۇ باي-باياشاتلىق، ئازادىلىككە تولغان تۇرمۇشمۇ ئاسماندىن چۈشمەيدۇ، يەنىلا تىرىشچانلىق كۆرسىتىشكە، جاپاغا چىداپ ئالغا ئىلگىرلەشكە توغرا كېلىدۇ.
جاپالىق مۇھىت ئادەمنىڭ ئىرادىسىنى تاۋلاپ، ئۆز ئۆزىدىن ھالقىش روھىنى ئۇرغۇتىدۇ-دە، تۇرمۇشقا جەڭ ئېلان قىلدۇرىدۇ. مانا بۇنىڭ ئۆزى مۇۋەپپەقىيەت. كىشىلەر دائىم: «كۆپرەك جاپاغا چىداپ تىرىشقانلار باشقىلاردىن ئېشىپ چۈشەلەيدۇ» دېيىشىدۇ. مېنىڭچە، بۇ ناھايىتى توغرا ئېيتىلغان سۆز.
بىرىنچى نامرات بالىنىڭ ئائىلىسى ئىنتايىن نامرات بولۇپ، ئۇ ھەر كۈنى سەھەردە سېۋىتىنى كۆتۈرۈپ، ئاپتوموبىللاردىن چۈشۈپ قالغان كۆمۈر پارچىلىرىنى تېرىيدىكەن، بىر بولكىغا ئېرىشىش ئۈچۈن، خوجايىنىدىن ئۆزىنى بولكىخانا دېرىزىسىنى سۈرتكۈزۈشنى تەلەپ قىلاتتىكەن. ھەر شەنبە كۈنى سەھەردە گېزىت ساتىدىكەن، چۈشتىن كېيىن ۋە يەكشەنبە كۈنى ساياھەتچىلەرگە مۇز سۈيى ۋە لىمون سۈيى ساتىدىكەن، يەكشەنبە كۈنى كەچتە بولسا گېزىتخانا ئۈچۈن جايلاردا ئۆتكۈزۈلگەن تۇغۇلغان كۈن ۋە ئولتۇرۇشلار توغرىسىدا خەۋەر يازىدىكەن. مانا مۇشۇ تەرۇزدە بۇ بالا 13 ياشقا كىرگەن يىلى مەكتەپتىن ئايرىلىپ، مەلۈم شىركەتتە تازىلىق ئىشچىسى بولۇپ ئىشلەيدىكەن. بۇ جەرياندا ئۇ بىر قىسىم داڭلىق شەخسلەر بىلەن تونۇشۇپ، ئۆزىدە ئىشەنچ ۋە جاسارەت يېتىلدۈرۈپتۇ. ئۇنداقتا، بۇ بالا كىم؟ بۇ بالا دەل ئامېرىكا ئاخبارات ساھەسىدە زور مۇۋەپپەقىيەت قازانغان ژورنال مۇھەررىرى، دۇنيادا تارقىلىش مىقدارى ئەڭ كۆپ بولغان «ئائىلە ۋە ئاياللار» ژورنىلىنىڭ قۇرغۇچىسى بوك.
بۇ مەزمۇن ئىز تورىدىن كۆچۈرۈلگەن
دېمەك، جاپالىق مۇھىت ئۇنى ئاخىرى داڭلىق ئاخباراتچى قىلىپ تەربىيىلەپ چىقتى. ئەمدى ئىككىنچى نامرات بولسا شوتلاندىيەدە تۇغۇلغان. ئۇنىڭ دادىسى زىغىر تالاسىدىن كاناپ رەخت توقۇپ ساتاتتى. ئاپىسى ئاياغ كىيىم تىكەتتى. كېيىن بىر ئائىلە كىشىلىرى بۇ يەردە كۈنىنى ئالالماي ئامالسىز ئامېرىكىغا كۆچۈپ كەتتى. ئامېرىكىغا كەلگەندىن كېيىن، ئۇ توقۇمىچىلىق زاۋۇتىغا بېرىپ، بالا ئىشچى بولۇپ ئىشلەش، پار قازانغا ئوت قالاش، ماي پونكىتىدا ماي قاچىلاش، پوچتىكەشلىك قىلىش قاتارلىق ئىشلارنى قىلدى. پوچىتىكەشلىك قىلىش جەريانىدا، ئۇ تېلېگىرامما يوللاشنى تىرىشىپ ئۆگىنىۋالغاچقا، مەلۈم بىر تۆمۈر يول شىركىتى ئۇنى تەكلىپ قىلىپ ئىشلەتتى. ئۇ دەسلەپ پاي چېكى ساھەسىگە كىرگەندە ئائىلىسىنىڭ بارلىق بىساتى ئاران 60 دوللاردىن ئاشمايتتى. ئۇ ئاپىسى بىلەن مەسلىھەتلىشىپ ئۆيىنى رەنىگە قويۇپ، 600دوللارلىق پاي سېتىۋالدى. ئۇ دەل دۇنياغا داڭلىق پولات - تۆمۈر ماگناتى كارنېگ ئىدى. ئۇ ئەينى ۋاقىتتىكى روكفېللىر، مورگانلار بىلەن بىر قاتاردا تۇرىدىغان، ئامېرىكا ئىقتىساد ساھەسىدىكى ئۈچ كاتتىبېشىنىڭ بىرىدۇر. ئىز تورىدا ئىزلىرىمىز قالسۇن!
مېنىڭچە، بۇ نامرات بالىنىڭ ھېكايىسىدىن شۇنى بېلىۋېلىش تەس ئەمەسكى، تۇرمۇشتا قىيىنچىلىققا بەرداشلىق بېرىشتىن سىرت، يەنە تۇرمۇشتا تەۋەككۈلچى بولۇشمۇ بەك مۇھىم. بەزى ئىشلاردا قورقۇمسىز ھەم تەۋەككۇلچى بولسىڭىز، زىيىنىڭىزدىن كۆرگەن پايدىڭىز كۆپرەك بولۇشى مۇمكىن.
ئۈچىنچى نامرات بالىنىڭ ھېكايىسى مۇنداق.
بۇ بالا ۋېنگىرىيەدىكى بىر كىچىك بازاردا تۇغۇلغان. ئۇ كىچىك ۋاقتىدا دادىسى ئالەمدىن ئۆتۈپ، ئاپىسى قايتا ياتلىق بولغان. ئۇ ئۆگەي دادىسى بىلەن چىقىشالمايتتى. ئۇ 17ياش ۋاقتىدا ئوغۇرلىقچە پاراخوت بىلەن ئامېرىكىغا باردى. دەسلەپ ئۇنىڭ ھەربىي بولغۇسى بار ئىدى. لېكىن، ئىشلىرى ئوڭغا تارتمىدى. كېيىن ئۇ ئامېرىكىنىڭ غەربىگە باردى. ئۇ قېچىر باققۇچى، ماتروس، قۇرۇلۇش ئىشچىسى بولدى. پورتتا مەدىكار، ئاشخانا خىزمەتچىسى، رېكشىچى بولۇپ ئىشلىدى. كېيىن ئۇ كۈتۈپخانىدا خىزمەت تاپتى. شۇنىڭ بىلەن، ئۇ ھەر كۈنى كۈتۈپخانىدا ئىككى سائەت ئىشلەپ، خالىغان كىتابنى ئارىيەت ئېلىش پۇرسىتىگە ئېرىشتى. بۇ بالا دەل ئامېرىكا ئاخباراتچىلىقىنىڭ بايراقدارى پۇلىستېر. ئۇنىڭ ئىسمى بىلەن نام بېرىلگەن «پۇلىستېر ئاخبارات مۇكاپاتى» ھازىرغىچە ئامېرىكا ئاخبارات ساھەسىدىكى يۇقىرى شان - شەرەپ بولۇپ كەلمەكتە.
www.iz.la
دېمەك، قەدىرلىك دوستلار، ھاياتلىق بىزدىن ئەنە شۇنداق جاسارەت ۋە پەم - پاراسەتنى تەلەپ قىلىدۇ. ھاياتلىقتا مۇۋەپپەقىيەتنىڭ يولىمۇ ئەنە شۇنىڭدىن ئىبارەت.
خەتكۈچلەر:
