مال-دۇنيانى جېنىدىنمۇ ئەزىز كۆرىدىغان بىر باي سەكراتقا چۈشۈپ قالغان بولسىمۇ، بىراق ھەر قانچە قىپمۇ مال-دۇنيالىرىنى تاشلاپ قويۇپ كېتىشكە كۆز قىيماپتۇ.
تەڭرى بۇ باينىڭ يېنىغا تېزرەك كىلىپ ئۆزىنى دوكلات قىلمىغانلىقىدىن ناھايىتى زېرىكىشلىك ھېس قىلىپ، پەرىشتىنى ئۇنىڭ يېنىغا ئەۋەتىپتۇ. پەرىشتىنىڭ ئالدىرىتىشى بىلەن باي ئۆزىنىڭ مال-دۇنياسىدىن ئايرىلىپ قالىدىغانلىقىنى ئويلاپ قاتتىق ئاھ ئۇرۇپتۇ ھەم پەرىشتىدىن ئۇنىڭ ئۈچۈن تەڭرىدىن مال-دۇنياسىنى جەننەتكە بىللە ئېلىپ كېتىشىگە رۇخسەت قىلىشىنى ئۆتۈنۈپتۇ.
پەرىشتە باينىڭ ئاھۇ-زارىنى ئاڭلاپ:"كەچۈرگىن، بەلگىلىمە بويىچە سەن جەننەتكە ھېچقانداق نەرسىنى ئېلىپ كېتەلمەيسەن!" دەپتۇ. copyright by www.iz.la
باي بۇ گپنى ئاڭلاپ تېخىمۇ ھەسرەت چېكىپتۇ ھەم:" نېمە ئۇ بەلگىلىمە دېگەن؟ جەننەتمۇ يۈز ئابرۇي قوغلىشىدىغان يەر..." دەپتۇ ھەم پەرىشتىگە ئەگەر ئۇنىڭ تەلىپىگە ماقۇل بولمىسا، مەڭگۈ كۆزىنى يۇممايدىغانلىقىنى ئېيتىپ پەرىشتىنى قورقۇتۇپتۇ. پەرىشتە بۇ بايغا تەڭ كېلەلمەي، باينىڭ بۇ تەلىپىنى تەڭرىگە يەتكۈزۈپتۇ.
تەڭرى پەرىشتىنىڭ يۈزىنى قىلىپ، باينىڭ تەلىپىگە ماقۇل بوپتۇ-يۇ، بىراق ئۇنىڭ جەننەتكە پەقەت بىر تاللا قول جامادانىنى ئېلىپ كىرىشگە رۇخسەت قىپتۇ. باي بۇنىڭدىن خەۋەر تېپىپ ناھايىتى خۇشال بوپتۇ ھەم ئۆيىدىكىلەرگە ناھايىتى چوڭ بىر قول چامادانىنى تەييارلاتقۇزۇپ، بۇ چاماداننىڭ ئىچىگە لىق كېسەك ئالتۇننى قاچىلىغاندىن كېيىن، ئاندىن كۆزىنى يۇمۇپتۇ.
ئىز تورىدا ئىزلىرىمىز قالسۇن!
جەننەتكە كىرىش ئېغىزىدىكى قاراۋۇل باي كۆتۈرۈۋالغان چاماداننى كۆرگەندىن كېيىن، ئۇنى توسۇۋېلىپ:"توختاپ تۇر، سەن چوقۇم چامادانىنى بۇ يەرگە قويۇپ قويۇشۇڭ كېرەك! پانىي دۇنيادىكى ھەر قانداق نەرسىنى جەننەتكە ئېلىپ كىرىشكە بولمايدۇ!" دەپتۇ. باي ئۆزىنىڭ بۇ چاماداننى ئېلىۋېلىشىغا تەڭرىنىڭ ئالاھىدە رۇخسەت قىلغانلىقىنى، ئەگەر بۇنىڭغا ئىشەنمىسە ، تەڭرىدىن سوراپ باقسا بولىدىغانلىقىنى ئېيتىپتۇ. شۇنىڭ بىلەن قاراۋۇلدا بۇ ساندۇققا زادى قانداق قىممەتلىك نەرسىنىڭ قاچىلانغانلىقىنى كۆرۈپ بېقىش ئىستىكى پەيدا بوپتۇ ھەم: " تەڭرى سېنىڭ بۇ چاماداننى ئېلىۋېلىشىڭغا رۇخسەت قىلغان بولسا، بىخەتەرلىك ئۈچۈن، سەن جەننەتكە كىرىشتىن بۇرۇن مەن چوقۇم سېنىڭ چامادانىڭغا زادى نېمە قاچىلانغانلىقىنى تەكشۈرۈپ بېقىشىم كېرەك!" دەپتۇ.
باي ئامالسىز چامادىنىنى قاراۋۇلغا تەكشۈرتكۈزۈپتۇ. قاراۋۇل چاماداننى ئېچىپ، چامادانىدىكى لىق كېسەك ئالتۇننى كۆرۈپ ھەيران قاپتۇ ھەم ھەيران قالغان ھالدا: "سەن جەننەتنىڭ يولىغا يېيىتىلىدىغان كېسەكلەرنىمۇ ئېلىپ كەلدىڭمۇ؟" دەپتۇ. ى ئىز تورى ئىز تورى ئىز تورى ئىز تورى
ئۈرۈمچى كەچلىك گېزىتىدىن ئېلىندى ئىز تورىدا ئىزلىرىمىز قالسۇن!
