جىيەن فىڭ
تەرجىمە قىلغۇچى: روشەنگۈل قادىر
www.iz.la
مەن تۇيۇقسىز ئىلگىرى يۈزلىرىمدە دائىم جىلۋىلىنىپ تۇرىدىغان تەبەسسۇملىرىمنى ئويلاپ قالدىم. بىلمىدىم، قاچاندىن بۇيان بۇ خىل تەبەسسۇملىرىم يوقاپ كەتتىكىن؟ ئېنىق ئېسىمدە، ئىلگىرى بۇ خىل كۈلكە-تەبەسسۇم كىشىنىڭ زوقىنى كەلتۈرۈپ، بەختكە تولغان يۈزلىرىمدە دائىم جىلۋىلىنىپ تۇراتتى، ماڭىمۇ ھەم باشقىلارغىمۇ چەكسىز خۇشاللىق ئاتا قىلاتتى. مېنىڭ تەبەسسۇمىم نۇرغۇن زىددىيەتلىك مۇناسىۋەتلەرنى ھەل قىلغان، نۇرغۇن دوستلارنى كۈلدۈرگەن، ياردەمگە مۇھتاج كىشىلەرنى شادلاندۇرغان، يۈرىكى قېتىپ كەتكەن كىشىلەرنى تەسىرلەندۈرگەن. قەسەم قىلىمەنكى، مېنى تاشلاپم كەتكەن تەبەسسۇمىمنى چوقۇم قايتۇرۇپ كېلىمەن.
تور دۇنياسىدىكى چاقنىغان يۇلتۇز - ئىز تورى!
يولدا، بىر نەچچە كىچىك بالىلار قۇشقاچلاردەك ۋىچىرلىشىپ كېتىۋاتاتتى. مەن بالىلارنىڭ ئالدىغا كېلىپ ئۇلاردىن ئەھۋال سورىدىم:
ــــ خەيرىلىك سەھەر، كىچىك دوستلار!
ئاۋازىمدىن چۆچۆپ كەتكەن بىر نەچچە كىچىك دوست يەر تېگىدىن قاراپ قويۇپ، بۇرۇلۇپلا قىچىپ كەتتى. مەن كىچىك دوستلارنىڭ يېقىلىپ يارىلىنىپ قېلىشىدىن ئەنسىرەپ كەينىدىن قوغلاپ ماڭمىدىم. بەلكىم ئۇلار ئاتا ئانىسى ۋە ئوقۇتقۇچىسىنىڭ ‹‹ناتونۇش كىشىلەرگە گەپ قىلماڭلار›› دېگەن تەلىمىنى ئېسىدە چىڭ ساقلىغان بولسا كېرەك. شۇڭا مېنىڭ ئۇلارغا كۈلۈمسىرەپ قىلغان سالام-سائىتىم ئۇلارنىڭ ھۇشيارلىقىنى ئاشۇرۇپلا قالماي، ھەتتا مېنى ‹‹يامان ئەبلەخ››دەپ ئويلاپ قالغان بولۇشى مۇمكىن. ئۇلارنىڭ يىراقلاپ كەتكەن سايسىغا قاراپ، ئاچچىق كۈلگىنىمچە بېشىمنى چايقاپ تۇرۇپ قالدىم. ئىز تورى بەك ياخشى
مەن ئاران تەستە ئاپتوبۇسقا قىسىلىپ چىقىپ، ئەمدىلا بىر ئورۇن تېپىپ ئولتۇرۇپ بېشىمنى كۆتۈرسەم، بىر ياشانغان بوۋاي تۇتقۇچقا ئېسىلىپ دەلدەڭشگىنىچە ئارانلا تۇرۇپتۇ. بۇنى كۆرۈپ كۈلۈمسىرگىنىمچە ئورنۇمدىن تۇرۇپ:
ـــ بوۋا بۇ يەردە ئولتۇرۇڭ، ــــ دەپ بوۋاينى يۆلىۋالدىم.
بوۋاي گۈلدەك ئىچىلىپ كەتكەن چىرايىمغا گۇمانىي نەزەردە قاراپ قويۇپ، قولۇمنى سىلكىۋېتىپ، ھاسسىسىنى توكۇلداتقىنىچە ماشىنىنىڭ ئالدىغا سۈرۈلۈپ كەتتى.
ــ بۇنداق قېرىغا ئورۇن بوشىتىپ بېرىپ نېمىمۇ قىلاي!
ماشىنىدىكى كىشىلەر ماڭا نارازى بولغاندەك قارىشىپ قويدى. بەلكىم ئۇلار مېنى ئاپتوبۇسقا ئادەتلەنگەن ئوغرى، دەپ خاتا تونۇپ قالغان بولسا كېرەك. بىردىنلا چېھرىمدىكى تەبەسسۇم يوقالغاندەك بىر تۇيغۇغا كېلىپ قالدىم. copyright by www.iz.la
ئاپتوبۇستىن چۈشۈشۈمگە بىر سەرگەردان ماڭا قولىنى ئۇزاتتى. مەن ئۇنىڭغا پۇل بېرىشكە ئالدىرمىدىم. چۈنكى ئۆزۈمنى ئۇنىڭدىن يۇقىرى تۇتۇپ، ئۇنىڭغا دەرھاللا پۇل بېرىشنى توغرا تاپمىدىم. مەن كۈلۈمسىرگىنىمچە ئاستا زوڭزىيىپ، بىر تەرەپتىن گەپ سورىغاچ، بىر تەرەپتىن 20 يۈەن پۇلنى چىقىرىپ، ناھايىتى ئەدەپ بىلەن ئۇنىڭغا ئۇزاتتىم. ئۇ ھەيران قالغان ھالدا ماڭا بىر مىنوتچە تىكىلىپ تۇرغاندىن كېيىن، ئالدىراپ-تېنەپ پۇلنى ئۆرۈپ - چۆرۈپ پۇلنىڭ راست-يالغانلىقىنى تەكشۈرۈپ كەتتى. ئۇ مېنىڭ بۇنچە سېخىيلارچە ئۇنىڭغا راست پۇل بېرىشىمگە ئىشەنمىگەندەك قىلاتتى.
شىركەتكە كېلىپ يولدا يۈز بەرگەن كۆڭۈلسىزلىكلەرنى زورىغا ئۇنتۇپ، چېھرىمدە تەبەسسۇم قۇياشىنى پارلاتتىم ھەم بۇ قۇياشنىڭ نۇرلىرىدىن خىزمەتداشلىرىمنىمۇ بەرىمەن قىلىشنى ئويلىدىم-دە: بۇ مەزمۇن ئىز تورىدىن كۆچۈرۈلگەن
ــ ياخشىمۇ سىلەر! ـــ دېگىنىمچە ئىشخانىغا كىرىپ، بۇرۇندىن ئادەتلىنىپ كەتكەن كەسكىن چىراي ئىپادەمنىڭ ئورنىغا ئىللىق تەبەسسۇم بىلەن ئازادە كەيپىياتقا ئالماشتۇردۇم. ئۈچ نەپەر خىزمەتدىشىم خۇددى قورقۇپ كەتكەن كىچىك بۇغىدەك ئورنىدىن چاچراپ تۇرۇپ ماڭا توپتوغرا 10 مىنوتتەك قاراپ تۇرۇپ قالدى. جاڭ ھەدە ناھايىتى مېھرىبانلىق بىلەن:
ــ شياۋ شياۋ، ئايالىڭىز بىلەن بىر نەرسە دېيىشىپ قالدىڭىزمۇ-قانداق؟ ھېچقىسى يوق، ئىشتىن چۈشكەندىن كېيىن مەن سىز ئۈچۈن ئۇنىڭغا ئوبدان بىر سۆزلەپ قوياي، ـــ دېدى.
جۇ فۇ ھەر ھالدا ئادەمنىڭ كۆڭلىنى چۈشىنىدىغان ئادەمدەك قىلاتتى. ئىز تورى بەك ياخشى
ـــ شياۋ شياۋ خىزمەتتە خاتالىقتىن خالىي بولغىلى بولمايدۇ، باشلىقلاردىن تەنقىد ئاڭلاش نورمال ئەھۋال. بىزنى ئۇرۇپ تىللىسىڭىزمۇ مەيلى، بۇنداق ئىچىڭىزگە ئېلىپ، قەستەن خۇشال بولۇۋالسىڭىز ئادەم بىئارام بولىدىكەن، ـــ دەۋەتتى ئۇ.
بۇلارنى ئاڭلاپ تۇيۇقسىز ئۆكسۈپ–ئۆكسۈپ يىغلىغۇم كېلىپ كەتتى.
ئۆيگە قايتىپ كېلىپ بۈگۈن كۈندۈزدە بولغان كۆڭۈلسىزلىك ۋە تېڭىرقاشلارنى ئۇنتۇپ، ئۆيگە قايتىپ ئايالىمغا تەبەسسۇم قىلىشنى ئويلىدىم. بەلكىم، ئايالىمدىن ئازراق بولسىمۇ تەسەللىي ۋە ئىلھام تېپىپ قالارمەن. ئايالىمنى قورقۇتىۋەتمەسلىك ئۈچۈن، ئالايىتەن تازىلىق ئۆيىگە كىرىپ كۈلۈمسىرەشنى ئانچە–مۇنچە مەشىق قىلىۋالدىم.
بىز ھەممىمىز ئىز تورىنى ياخشى كۆرىمىز!
ـــ خوتۇن، بۈگۈن نېمە تاماق ئەتتىڭىز؟ ـــ مەن تولۇپ تاشقان مېھرىبانلىق بىلەن ئۇنىڭغا كۈلۈمسىرىدىم.
ئايالىم ئالدىراش قولىنى پەرتۇققا سۈرتۈپ پېشانەمنى تۇتۇپ بېقىپ، ماڭا بىر مىنوتچە ھاڭۋىقىپ قارىۋەتكەندىن كىيىن ، دەرھال جىددىي قىياپەتتە:
ـــ قارتا ئويناپ ئۇتتۇرۇۋەتتىڭىزما؟ سىرتتا ئىش تېرىپ قويمىغانسىز؟ شىركەت ئىشتىن بوشاتتىمۇ-يە ؟ ياكى ... ـــ دېدى.
مەن تازلىق ئۆيىگە ئۇچقاندەك يۈگۈرۈپ كىرىپ ئەينەككە قارىدىم. ھەرخىل ھەر ياڭزا كۈلۈپ باقتىم. ئەپسۇس، مەن ئازابلانغان ھالدا شۇنى بايقىدىمكى، ئۇ خىل تەبەسسۇم مەندىن ئاللىبۇرۇن يىراقلاپ كەتكەن ئىكەن. مەن ھەرقانچە قىلىپمۇ ئۇ خىل ھېسسىيات، ئۇ خىل كەيپىياتنى تاپالمىدىم. يۈزلىرىم خۇددى قۇرۇپ قاغجىرىغان تۇپراقتەك جانسىز ھەم ئۆلۈك. مەن يوقالغان تەبەسسۇملىرىمنى قايتا تېپىۋېلىشقا ئاجىزلىق قىلاتتىم.
بۇ مەزمۇن ئىز تورىدىن كۆچۈرۈلگەن
تەرجىمان: پىچان ناھىيە لۈكچۈن بازارلىق قوراللىق قىسىم ئىشخانىسىدا ئىز تورىدا ئىزلىرىمىز قالسۇن!
خەتكۈچلەر:
