ئامېرىكا كەسپىي پۇتبول بىرلەشمىسى (ＭＬＳ) غەربىي رايون يېرىم ھەل قىلغۇچ مۇسابىقىسى 3- نويابىر ئاياغلاشتى، 36 ياشلىق بېكخام مۇسابىقىدە بىر ياردەمچى پاس بەردى ۋە بىر نوقتا توپ پۇرسىتى يارىتىپ، لوس ئانژېلىس سامانيولى كوماندىسىنىڭ 2-1 نەتىجە بىلەن ھېنرىنىڭ يېتەكچىلىكىدىكى نىيويورىك قىزىل بۇقا كوماندىسىنى يەڭدى، شۇنىڭ بىلەن ئومۇمىي نەتىجىدە 3-1 نەتىجە بىلەن رەقىبىنى شاللاپ غەربىي رايون ھەل قىلغۇچ مۇسابىقىسىگە كىردى.

       ئىككى تەرەپ تۇنجى كونتورىدىكى ئۇچرىشىشتا، بېكخام بەلگە خاراكتېرلىك ئۇزۇن ياردەمچى پاس بېرىپ، سەپدىشىنىڭ پۈتۈن مەيداندىكى بىردىنبىر توپنى كىرگۈزۈشىگە ياردەم قىلغان ئىدى. بۇ مەيدان مۇسابىقىدە ساھىبخان مەيدانغا قايتىپ، داۋاملىق ئۆز رولىنى ياخشى جارى قىلدۇردى.

        مۇسابىقە باشلىنىپ پەقەت 4 مىنۇت بولغاندا فرانسىيىلىك ھېنرىنىڭ ياردەمچى پاس بېرىشى بىلەن سەپدىشى روجېس توپ ئۇرۇپ، قىزىل بۇقا كوماندىسى ۋاقتىنچە ئالدىغا ئۆتىۋالدى. شۇنىڭدىن كېيىنكى مۇسابىقە خۇددى بېكخامنىڭ ماھارەت كۆرسىتىش مۇسابىقىسىگىلا ئايلىنىپ قالدى، 42-مىنۇتتا بېكخام بۇلۇڭ توپ چىقىرىپ، سەپدىشىغا ياردەمچى پاس بەردى، سەپدىشى توپنى تېپىپ كىرگۈزدى. 74-مىنۇتتا ئەنگلىيە كوماندىسىنىڭ بۇ سابىق كاپىتانى چەكلەنگەن رايوندا قارشى تەرەپنىڭ بېكى تەرىپىدىن يىقىتىۋېتىلىپ، نوقتا توپ پۇرسىتىگە ئېرىشتى. ئاخىرىدا مۇسابىقە نەتىجىسى ئۆزگەرمەي بۇ قېتىملىق مۇسابىقىدە سامانيولى كوماندىسى 2-1 نەتىجە بىلەن قىزىل بۇقا كوماندىسىنى يەڭدى.

         ئەڭ ئاخىرىدا، لوس ئانژېلىس سامانيولى كوماندىسى ئىككى كونتوردا جەمئىي 3-1 نەتىجە بىلەن قىزىل بۇقا كوماندىسىنى شاللىۋەتتى، غەربىي رايون ھەل قىلغۇچ مۇسابىقىسىدە تۇز كۆلى شەھرى خان جەمەتى كوماندىسى بىلەن تۇتۇشىدۇ. ئەگەر دەرىجە ئۆرلىشى مۇۋاپىقىيەتلىك بولسا، ئۇلار شەرقىي رايوننىڭ چېمپىيونى بىلەن باش چېمپىيونلۇقنى تالىشىدۇ.