NBA تارىخىدىكى ئەڭ ئۇلۇغ ۋاسكېتبولچى مايكىل جورداننىڭ كەسپىي ھاياتى ناھايىتى كۆڭۈلدىكىدەك تاماملاندى، ئۇنىڭ بىردىنىبر خاتالىقى دېيىشكە توغرا كەلسە، ۋاشېنگىتون ۋىزاردىس كوماندىسىغا قايتا قايتىپ كەلگەن كەچمىشىدۇر. ئالدىنقى كۈنى ئامېرىكا سىملىق تېلېۋىزىيە ئاخبارات تورى (CNN)نىڭ ئاشكارىلىشىچە، جورداننىڭ قايتا ۋاسكېتبول سەھنىسىگە قايتىپ كېلىشى ئۇنىڭ بىر قېتىملىق زىيارىتى بىلەن بىۋاستە مۇناسىۋەتلىك ئىكەن. »

         جۇرداننىڭ كەسپىي ھاياتى ناھايىتى پارلاق ئۆتتى، بىراق «ۋىزاردىس» ئۇ تىلغا ئېلىشنى خالىمايدىغان بىردىنبىر ئاچقۇچلۇق سۆز، مەيلى ۋاسكېتبولچى سۈپىتىدە بولسۇن مەيلى باشقۇرغۇچى سۈپىتىدە بولسۇن، جوردان ۋىزاردىس كوماندىسىدا ھىچقانداق نەتىجە يارىتالمىدى.  NBA تارىخىدىكى بۇ ئۇلۇغ توپچى نىمە ئۈچۈن ۋىزاردىستا قايتا مەيدانغا چۈشۈشنى تاللايدۇ؟  بۇ ئىزچى سىر بولۇپ كەلمەكتە.

       «مېنىڭچە، مايكىل چوقۇم ئۆزىنىڭ كەسپىي ھاياتىدىكى ئەڭ ئاخىرقى ئىككى مۇسابىقە پەسلىدىن تازا رازى ئەمەس» جۇرداننىڭ ۋىزاردىستىكى ئىشەنچلىك ئادىمى بوك جورداننىڭ قايتىپ كېلىشى توغرىسىدا توختىتىلىپ شۇنداق دەيدۇ: «ئۇ بۇ يەردىن ئايرىلىشنى خالىغان ئەمەس  بەلكى بۇ يەردە  تارىخى سەۋەب بار». جوردان ئۆزىمۇ بۇ ئىككى مۇسابىقە پەسلىنى ئىنتايىن ئاز تىلغا ئالىدۇ، ئۇنىڭ ئۈستىگە بۇ جەھەتتىكى زىيارەتلەرنى ئاساسەن قوبۇل قىلمايدۇ. ھەمدە ۋىزاردىس كۇلۇبىنىڭ خوجايىنى لىئونسى قاتارلىق كىشىلەرمۇ بۇ ئىشقا باھا بېرىشنى ھەمىشە رەت قىلىدۇ. بىراق ئالدىنقى كۈنى CNN نىڭ داڭلىق دېكتورى بولىزېر جورداننىڭ قايتا مەيدانغا چىقىشىدىكى مەخپىيەتلىكنى ئاشكارىلىدى. بولىزېرنىڭ نوپۇزى ۋە ئابرويىنى ئويلاشقاندا، كىشىلەرنىڭ ئۇنىڭ سۆزلىرىگە ئىشەنمەي باشقا ئامالى يوق. 

            بولىزېرنىڭ دېيىشىچە، ئۇ ئىلگىرى جورداننى زىيارەت قىلغاندا ئۇنىڭغا نورغۇن ياغلىما گەپلەرنى قىلىپ، جورداننى ماختاپ ئۇچۇرۇپ، كۆڭلىدىكى ئىشەنچ ئوتىنى ئۇلغايتقان، جورداننىڭ قايتا مۇسابىقە مەيدانىغا قايتىپ كېلىش ئارزۇسىنى قوزغاتقان:« بىر قېتىم مەن جوردانغا ‹ئەگەر سىز راستتىنلا مۇسابىقە كىيىمىنى كىيىپ، ۋاسكېتكبول ساھەسىگە قايتسىڭىز، كۈچىمەي ئازراقلا مۇسابىقە ئويناپ قويسىڭىز، بۇ شەھەر تەلۋىلىشىپ پارتلاپ كېتىدۇ› دىگەنىدىم، جوردان بۇنى ئاڭلىغاندىن كېيىن قاقاقلاپ كۈلۈپ كەتكەن، ئاندىن مەن ئىزچىل بۇ ئىشنى چىڭ تۇتۇپ، بۇنى چۆرىدىگەن ھالدا زىيارەتنى داۋاملاشتۇردۇم، بۇ  قېتىمىلىق سۆھبەتتىن كېيىن، جوردان مۇسابىقە مەيدانىغا قايتىپ كەلدى، بىراق ئۇنىڭ نىمە ئۈچۈن ۋېزاردىس كوماندىسىنى تاللىغانلىقىنى تازا ئېنىق بىلمەيمەن»