NBA ۋاقتىنچە توختاپ قالدى،ئۇنىڭ ئۈستىگە نۇرغۇن NBA لىق چولپانلار جۇڭگوغا كەلگەن بولغاچقا CBAنىڭ كۆرۈلۈش نېسبىتى كۆرىنەرلىك دەرىجىدە ئاشىدىكەن،تۈنۈگۈن دۆلەتلىك تەنتەربىيە ئىدارىسى ۋاسكىتبول ئىشلىرى بۆلۈمىنىڭ مۇدىرى بەيشىلىن CBAنىڭ كىلەر يىلنىڭ بېشىدىن باشلاپ مەركىزى تېلېۋىزىيە ئىستانزىسىنىڭ ۋاسكىتبول مۇسابىقىسىنى تارقىتىشتىكى ئەڭ مۇھىم ئوبىكتىغا ئايلىنىدىغانلىقىنى ئېيىتتى. مەركىزى تېلېۋىزىيە ئىستانزىسىＣＢＡ نىڭ بۇ پەسىللىك مۇسابىقىلىرىنى ھەپتىسىگە بەش ياكى ئالتە مەيدان تارقىتىدىكەن.

بەيشىلىن:«CBAنىڭ بۇ پەسىللىك مۇسابىقىسى 11-ئاينىڭ 20-كۈنى رەسمى باشلىنىدۇ،قائىدە بۇيىچە ئېيىتقاندا  مۇسابىقىلارنىڭ مەيدان تەرتىپى ئاللىبۇرۇن چىقىپ بولدى .لېكىن ھازىر سىرتقا ئاشكارلىماسلىقنىڭ سەۋەبى شۇكى؛ ھازىر ۋاسكىتبول بىرلەشمىسى مەركىزى تېلېۋىزىيە ئىستانزىسى بىلەن مۇسابىقىلارنىڭ تەپسىلى ئەھۋالى ۋە ئۇلاپ تارقىتىشتىكى تەرتىپلىرىنى مەسلەھەتلىشىۋاتىدۇ دېدى.»

ئالدىنقى بىر نەچچە يىلدا مەركىزى تېلېۋىزىيە ئىستانزىسى ھەر ھەپتىنىڭ چارشەنبە،جۈمە ۋە يەكشەنبە كۈنلىرى كەچ سائەت7:30دا بىر مەيداندىن ＣＢＡنىڭ مۇسابىقىلىرىنى ئۇلاپ تارقاتقان.شۇنداق بولغاندا ئۇلار ھەپتىدەＣＢＡ نىڭ مۇسابىقىلىرىنى ئۈچ مەيدانلا تارقاتقان بۇلىدۇ،بۇ يىللىق مۇسابىقە پەسىلىدە مەركىزى تېلېۋىزىيە ئىستانزىسىＣＢＡ نىڭ مۇسابىقىلىرىنى ئۇلاپ تارقىتىشنى ھەپتىدە بەش ياكى ئالتە مەيدانغا كۆپەيتىشنى قارار قىلدى.

ئىگەللەشلەرگە قارىغاندا بۇ يىل ＮＢＡتوختاپ قالغانلىق سەۋەبى مەركىزى تېلېۋىزىيە ئىستانزىسىنىڭ ۋاسكىتبول مۇسابىقىلىرىنى ئۇلاپ تارقىتىدىغان مەنبەسى ئازلاپ قالغان،ئۇنىڭ ئۈستىگە كېنيان –مارتىن،سېمىتز،تايسېن-چاندېلر،گېرىن قاتارلىق ＮＢＡدىن كەلگەن چولپانلار ＣＢＡنىڭ مۇسابىقىلىرىگە قاتنىشىدىغان بولغاچقا مەركىزى تېلېۋىزىيە ئىستانزىسىمۇＣＢＡ نىڭ مۇسابىقىلىرىنى كۆپرەك تارقىتىشنى قارار قىلغان.