بەزى تورداشلار مازاق قىلىشىپ، «دۇنيادا ئىككى خىل تىپىلىدىغان تەنھەركەت
تۈرى بار،بىرى پۇتبۇل،يەنە بىرى جوڭگۇ پۇتبۇلى» دىيشىدۇ.ئەلۋەتتە ئۆز
كوماندىمىزنىڭ تۆۋەن سەۋيىدىن يەنىمۇ تۆۋەن سەۋيىگە قاراپ مىڭىشى بىزنى
تولىمۇ بىئارام قىلىدۇ.بىراق كىشىنى خۇشال قىلدىغىنى شۇكى دۆلىتىمىز ھازىر
سىياسەت،ھەركەت ۋە تەشۋىقات قاتارلىق ئۈچ تەرەپتىن جوڭگۇ پۇتبۇلچىلىغىنىڭ
تەرەققىياتىنى قوللايدىغانلىغىنى ئوتتۇرىغا قويدى.
بۇ ئۈچ چوڭ تەدبىرنىڭ ئىچىدە ئەڭ ئاۋال سىياسەت جەھەتتىن قوللاش خىلى
بۇرۇنلا باشلانغان.2009-يىلى 10-ئايدا،ج ك پ مەركىزى كومتېتى سىياسى
بىيروسىنىڭ ئەزاسى، دۆلەت ئىشلىرى كوممىسارى لىيۇ يەندوڭ،مەكتەپ پۇتبۇلىنى
تەرەققى قىلدۇرۇش توغرىسىدىكى سۆھبەت يىغىنىدا: «دۆلەت ئەھۋالىغا قاراپ ئىش
كۆرۈش،پۇتبۇلدا كۈچلۈك دۆلەتلەرنىڭ ئىلغار تەجىربىللىرىنى
ئۈگۈنۈش،دۆلىتىمىزنىڭ باشقا كۈچلۈك تەنھەركەت تۈرلىرىنى تەرەققى
قىلدۇرۇشتىكى موۋەپپىقىيەتلىك تەجىربىلەرنى ئۆرنەك قىلىپ،دۆلەت ئىگىلىكى ۋە
بازار مىخاينىزىمىنى بىرلەشتۈرۈش شەكلى ئۈستىدە پائال ئىزدىنىپ،جوڭگۇچە
ئالاھدىلىككە ئىگە پۇتبۇل باشقۇرۇش،مەشىقلەندۈرۈش،مۇسابىقىلىشىش
تۈزۈلمىسىنى بەرپا قىلىش ،نازارەت قىلىشنى كۈچەيتىش، پۇتبۇل
ئىختىساسلىقلىرىنى تەربىيلەشنى كۈچەيتىش،پۇتبۇل تەنھەركىتىنى ساغلام
تەرەققى قىلدۇرۇپ،ياش ئۆسمۈرلەرنى تەربىيلەش سىسىتىمىسىنى ئۈزلۈكسىز
موكەممەللەشتۈرۈپ،جوڭگۇدا پۇتبۇل ھەركىتىنىڭ ئومۇملىشىشىنى تېزلىتىش كىرەك»
دەپ كۆرسەتمە بەرگەن.
ھەركەت جەھەتتە 2010-يىلدىن باشلاپ،ئالاقىدار تارماقلار ئەمەلى خىزمەت
ئىشلەشكە كىرىشكەن،دۆلەت نۇرغۇن تەكشۈرۈپ تەتقىق قىلىش گۇرۇپىسى
تەشكىللەپ،جوڭگۇ پۇتبۇلچىلغىنىڭ ھەر قايسى تەرەپلىرىنى ۋە چەتئەللەرنىڭ
پۇتبۇلچىلىق ئەھۋالىنى كەڭ كۆلەمدە تەكشۈرۈپ تەتقىق قىلدى.
بۇ يىل دۆلەتنىڭ موئاۋىن رەئىسى جوڭگۇ پۇتبۇلىدىن كۈتىدىغان «دۇنيا
لوڭقىسىغا قاتنىش سالاھىتىنى قولغا كەلتۈرۈش،دۇنيا لوڭقىسى مۇسابىقىسى
ئۆتكۈزۈش،دۇنيا لوڭقىسىدا چىمپىئۇن بولۇش» تىن ئىبارەت ئۈچ تۈرلۈك ئۈمىدىنى
ئوتتۇرىغا قويدى.نۆۋەتتە ئالاقىدار ئورۇنلار گوۋۇيۈنگە تەرەققىيات
ئىسلاھات كومتېتى،مالىيە مىنىستېرلىكى،دۆلەت باش باج ئىدارىسى،جوڭگۇ خەلق
بانكىسى قاتارلىق ئالاقىدار تارماقلارنىڭ موناسىۋەتلىك خادىملىرىدىن تەشكىل
تاپقان دەرىجىسى تېخمۇ يۇقىرى پۇتبۇل خىزمىتى ئىشخانىسى قۇرۇش توغرىسىدا
تەكلىپ بەرگەن.
دۆلەتنىڭ سىياسەت جەھەتتىن يىتەكچىلىك قىلىشى ئارقىسىدا،جوڭگۇ
پۇتبۇلچىلىقنى تەرەققى قىلدۇرۇشتا ئىشنى ئاساستىن باشلاش،ياش-ئۆسمۈرلەردىن
باشلاپ تەربىيلەش،مەكتەپ پۇتبۇلىنى تەرەققى قىلدۇرۇش جەھەتتە بەلگىلىك
ئەمەلى ئۈنۈمنى قولغا كەلتۈردى.نۆۋەتتە شەندۇڭ ۋە چىڭداۋدا قاتارلىق
جايلاردا »جوڭگۇ پۇتبۇل ئۇنۋېرېستىتى» قۇرۇش ئىشلىرى جىددى ئىشلەنمەكتە.بۇ
تۈر ئاللىقاچان تەستىققا ئىرىشكەن.بۇنىڭدىن باشقا نۇرغۇنلىغان شەھەرلەردە
پۇتبۇل مەشىق بازىسى قۇرۇلماقچى.
تەشۋىقات جەھەتتە،دۆلەتلىك تەنتەربىيە باش ئىدارىسى مەركىزى تېلۋىزىيە
ئىستانسىسى ئالاقىلىشىپ،ئالاقىدار ئىشلارنى كىڭشىۋاتقان بولۇپ،مەركىزى
تېلۋىزيە ئىستانسىسى 2012-يىلدىن باشلاپ،جوڭگۇ بىرلەشمىسىنى بىۋاستە،ئۇلاپ
تارقىتىشنى ئەسلىگە كەلتۈردىكەن.نۆۋەتتە مەركىزى تېلۋىزىيە ئىستانسىسى
كونكىرېت تارقىتىش پىلانىنى تۈزىۋاتقان بولۇپ،بۇ پىلاندا جوڭگۇ
بىرلەشمىسى،پۇتبۇلچىلار لوڭقىسىنى تالىشىش مۇسابىقىسى،ياش-ئۆسمۈرلەر
بىرلەشمە مۇسابىقىسى،ھەر قايسى دەرىجىدىكى دۆلەت كوماندىسىنىڭ مۇسابىقە
ئىشلىرى،مەكتەپ پۇتبۇلى قاتارلىقلارنى بىۋاستە،ئۇلاپ تارقىتىشنى ئۆز ئىچىگە
ئالىدىكەن.
