ئۈرۈمچى كەچلىك گېزىتى خەۋىرى: دۆلەتلىك 2-دەرىجىلىك ئوزۇقشۇناس ليۇيۈن يېقىندا مۇنداق دېدى:«ھازىر بازاردا ھەرخىل ماركىلىق قوناق ئۇنى پەيدا بولىدۇ، بىراق ئۇلارنى قارا ئاشلىق دېگىلى بولمايدۇ. چۈنكى سودىگەرلەر قوناق ئۇنىڭ ساقلىنىش ۋە پەشتاختىدا تۇرۇش ۋاقتىنى ئۇزارتىش ئۈچۈن، قوناق تۆرەلمىسىنى ئايرىۋېتىپ، ئۇنىڭدىكى ياغ كىسلاتاسىنىڭ چىرىشنى پەيدا قىلىشىنىڭ ئالدىنى ئالىدۇ، بىراق دەل مۇشۇ ئىككىلەمچى ياغ كىسلاتاسى بەدەن ئەڭ ئېھتىياجلىق تەركىب».
ليۇيۈن يەنە مۇنداق دېدى:«ئۇنىڭدىن باشقا، قوناق ئۇنى تارتىشقا قولايلىق بولسۇن ئۈچۈن، كىشىلەر ئۇنىڭ كېپىكىنى بىراقلا تاسقاپ چىقىرىۋېتىدۇ، بىراق دەل مۇشۇ كېپەكتە بەدەنگە كېرەكلىك تالا مول بولىدۇ، ئۇ ئۈچەينىڭ ھەرىكىتىنى جانلاندۇرۇپ، قەۋزىيەت بولۇشنىڭ ئالدىنى ئالىدۇ. شۇڭا بۇنداق بىر قاتار پىششىقلاپ ئىشلەنگەن قوناق ئۇنى ئوزۇقلۇق تەركىبلەر خوراپ كەتكەن پايدىسىز بىر نەرسىگە ئايلىنىدۇ».
