ئوتتۇرا پۇرچاقچى كەنتىگە چۈشكەن خىزمەت گۇرۇپپىسى مول مەزمۇنلۇق پائالىيەتلەرنى ئۆتكۈزۈپ «1-ئىيۇن خەلقئارا بالىلار بايرىمى»نى تەبرىكلىدى

تۈرى : شىنجاڭ يوللىغۇچى : ئابلەت نۇرمۇھاممەد ۋاقتى : 2016-06-01 10:20:15

خوتەن ۋىلايەتلىك «يېڭى قاشتېشى» سەنئەت ئۆمىكىدىن قاراقاش ناھىيەسىنىڭ پۇرچاقچى يېزا ئوتتۇرا پۇرچاقچى كەنتىگە چۈشكەن «ئۈچ ئەل» پائالىيىتى خىزمەت گۇرۇپپىسى كەنت قوروسىدا مول مەزمۇنلۇق پائالىيەتلەرنى ئۆتكۈزۈپ «1-ئىيۇن خەلقئارا بالىلار بايرىمى»نى تەبرىكلىدى. بۇ كەنتىدىكى باشلانغۇچ مەكتەپ ئوقۇغۇچىلىرى،ئاتا-ئانىلار ھەم يېزا،كەنت كادىرلىرىدىن بولۇپ 1000 دىن ئارتۇق ئادەم پائالىيەتكە قاتناشتى.پائالىيەتتە ۋىلايەتلىك «يېڭى قاشتېشى» سەنئەت ئۆمىكىنىڭ ئارتىستلىرى سەرخىل سەنئەت نومۇرلىرىنى كۆرسىتىپ بالىلارغا ھەم چوڭلارغا خوشاللىق بېغىشلىدى.پائالىيەتتە خىزمەت گۇرۇپپىسىدىكىلەر مۇنەۋۋەر ئوقۇغچىلارنى مۇكاپاتلاپ ئۇلارنىڭ ئۆگىنىش قىزغىنلىقىغا مەدەت بەردى.پائالىيەتتە ئوقۇغۇچىلارمۇ ئۆزلىرىنىڭ سەنئەت نومۇرلىرىنى كۆرسىتىپ ئۆزلىرىنىڭ خۇشاللىق ھىسسىياتىغا چۆمدى.
ۋىلايەتلىك پارتكومنىڭ ئەزاسى،قاراقاش ناھىيەلىك پارتكومنىڭ شۇجىسى خې جۈن پائالىيەتكە قاتنىشىپ بالىلارنىڭ خۇشاللىقىغا ئورتاقلاشتى.
سۈرەتتە: پائالىيەتتىن كۆرۈنۈش