«ئالتۇن كېپىنەك»شىركىتى چولپانلارنى قاراقاش ناھىيەسىگە تەكلىپ قىلىپ خەلقىگە شادلىق بېغىشلىدى

قۇرۇلغان بىر يىلدىن بۇيان ئالتۇن زىبۇ-زىننەت بۇيۇملىرىنى ئىشلەپچىقىرىپ،110 نەپەر ياشنى ئىشقا ئورۇنلاشتۇرۇپ ،جەمىيەتتە بەلگىلىك تەسىرگە ئىگە بولۇۋاتقان قاراقاش ناھىيەسىدىكى شىنجاڭ «ئالتۇن كېپىنەك» خەلقئارا سودا چەكلىك شىركىتى ئۆزلىرىنى قوللىغان خەلق ئاممىسىغا جاۋاپ قايتۇرۇش ئۈچۈن 5-ئاينىڭ 21-كۈنى چۈشتىن بۇرۇن ئالتۇن يەرمەنكىسى  كەچتە قاراقاش خەلق مەيدانىدا ئەدەبىيات-سەنئەت پائالىيىتى ئۆتكۈزدى. ئالتۇن يەرمەنكىسىدە ئەڭ سۈپەتلىك ئالتۇن زىبۇ-زىننەتلىرىنى ئەڭ تۆۋەن باھادا يەرمەنكىگە قويدى.ئاپتونوم رايونىمىزنىڭ جاي-جايلىرىدىن كەلگەن زەرگەرلەر،سودىگەرلەر 150 توننا ئالتۇن زىبۇ-زىننەت بۇيۇملىرىنى سېتىۋېلىش توختامى تۈزدى.كەچتە ئۆتكۈزۈلگەن ئەدەبىيات-سەنئەت پائالىيىتىدە ئاتاقلىق سەنئەتكارلاردىن ئابدۇللا ئابدۇرېھىم،نۇرنىسە ئابباس،نادىرە شاۋكەت قاتارلىقلار پائالىيەتكە قاتنىشىپ ،ئۆزلىرىنىڭ نادىر ناخشىلىرىنى خەلق ئاممىسىغا تەقدىم قىلدى.10 مىڭدىن ئارتۇق ئامما چولپانلارنىڭ ناخشىسىنى نەق مەيداندا ئاڭلاپ بەك خۇشال بولدى.چولپانلار ئامما بىلەن بىرلىكتە ناخشا ئوقۇپ ئۇلارغا شادلىق ئاتا قىلدى،ئالقىش سادالىرى پەلەككە يەتتى.پائالىيەتتە يەنە شىنجاڭ «ئالتۇن كېپىنەك» خەلقئارا سودا چەكلىك شىركىتى نەمۇنىلىك مۇھىت تازىلىقى ئىشچىلىرى،ئوقۇتقۇچى-ئوقۇغۇچىلار ھەم مەدەنىيەت باشلامچىلىرىدىن بولۇپ 30 نەپەر كىشىنى ماددى جەھەتتىن مۇكاپاتلاپ ئۇلارنىڭ جەمىيەت ئۈچۈن قوشقان تۆھپىسىگە ئاپىرىن ئوقۇدى.