ئابلەت ئابدۇللا ، ئەلى قۇربان ، مۇھەممەد سۇلايمانلار قاراقاشتا ھەقسىز لىكسىيە سۆزلىدى!

تۈرى : شىنجاڭ يوللىغۇچى : ئابلەت نۇرمۇھاممەد ۋاقتى : 2016-03-06 22:34:15

تەكلىپلىك مۇخپىرىمىز غۇجىئابدۇللا مەمىتىمىن خەۋىرى ،فوتوسى :

پۇتبول مەيدانى ناھىيەلىك «بېيجىڭ»ئوتتۇرا مەكتىپى،ناھىيەلىك 5-ئوتتۇرا مەكتىپى ھەم ناھىيەلىك كەسپىي تېخنىكا مەكتىپنىڭ ئوقۇتقۇچى-ئوقۇغۇچىلىرى ۋە ئۇلارنىڭ ئاتا-ئانىلىرىدىن بولۇپ 6000 دىن ئارتۇق كىشى بىلەن ئادەم دېڭىزىغا ئايلانغانىدى. قاراقاش خەلقىنىڭ پەخىرلىك ئوغلانى ،دۆلەتلىك 2-دەرىجىلىك پىسخىك مەسلىھەتچى،شىنجاڭ «ئىنتىل» تىل ۋە كەسپىي تېخنىكا مەكتىپىنىڭ قۇرغۇچىسى ئابلەت ئابدۇللا مۇئەللىمنىڭ تەكلىپى بىلەن تونۇلغان ناتىق،دۆلەتلىك 2-دەرىجىلىك پىسخىك مەسلىھەتچى ئەلى قۇربان مۇئەللىم ھەم تونولغان ئىقتىسادشۇناس،شىنجاڭ «ئىزدەن»كارخانا باشقۇرۇش مەسلىھەتچىلىك ئورنىنىڭ قۇرغۇچىسى مۇھەممەد سۇلايمان قاتارلىق شىنجاڭدىكى تونۇلغان زىيالىلارنىڭ ھەقسىز بولغان بىر قېتىملىق ئەھمىيەتلىك لېكسىيە پائالىيىتى بۇ يەردە قىزغىن كەيپىياتتا ئۆتكۈزۈلدى.

لېكسىيە پائالىيىتىدە مۇھەممەد سۇلايمان مۇئەللىم «بىز قاچانغىچە ئۆگىنىمىز؟» دېگەن تېمىدا لېكسىيە ھازىرقى ئۇچۇر دەۋرىدە ئۆمۈر بويى ئۆگىنىشنىڭ ئىنتايىن مۇھىملىقىنى؛ ئابلەت ئابدۇللا مۇئەللىم «بىزنىڭ نىشانىمىز نىمە؟» دېگەن تېمىدا لېكسىيە سۆزلەپ ھاياتتا نىشانىمىزنى توغرا تاللاپ،نىشاننى مەركەز قىلىپ ،تىرىشىپ ئۆگىنىپ ،بىلىم-ماھارەت ئىگىلەپ،ئۆزىمىنى مۇكەممەللەشتۈرۈشنىڭ ھازىرقى دەۋرىنىڭ تەقەززاسى ئىكەنلىكىنى؛ ئەلى قۇربان مۇئەللىم« قانداق ياشىشىمىز كېرەك» دېگەن تېمىدا لېكسىيە سۆزلەپ،ھەر ۋاقىت روھى جەھەتتىن ساغلام بولۇپ ،كىشىلەرگە،تەبىئەتكە مېھىر-مۇھەببەت بىلەن مۇئامىلە قىلىپ،ئۆزىمىزگە ۋە باشقىلارغا خۇشاللىق ئاتا قىلىپ،ھاياتنى مەنىلىك ئۆتكۈزۈشنىڭ مۇھىملىقىنى ئاممىباپ تىلدا، قايىل قىلارلىق سۆزلەپ،ئوقۇتقۇچى-ئوقۇغۇچىلارنىڭ ،ئاتا-ئانىلارنىڭ يۈكسەك ھۆرمىتىگە نائىل بولدى.تۆت سائەت داۋاملاشقان لېكسىيە باشتىن ئاخىرى ئالقىش-سادالار ئىچىدە تولىمۇ قىزغىن داۋاملىشىپ،مۇۋەپپىقىيەتلىك ئاخىرلاشتى.

سۈرەتتە: ئابلەت ئابدۇللا مۇئەللىم لېكسىيە سۆزلىمەكتە