ئەلداۋادىن تېببىي ساۋات:   جىنسىي كېسەللىككە گىرىپتار بولۇپ قالغانلىقىدىن گۇمانلانسا :

 

1. دەرھال مۇنتىزىم دوختۇرخانىلارنىڭ تېرە- تاناسىل كېسەللىكلەر بۆلۈمىگە ياكى جىنسىي كېسەللىكلەرنىڭ ئالدىنى ئېلىش، داۋالاش پونكىتى ( مەركىزى ) گە بېرىپ دىياگنوز قويدۇرۇش ۋە داۋالىنىش كېرەك. 

2. ھەرگىز ئۆزى خالىغانچە دورا ئېلىپ يېمەسلىك، كوچىلاردىكى سەييارە تېۋىپ، تېۋىپ، قانۇنسىز شەخسىي ئامبۇلاتورىيەلەردە داۋالانماسلىق كېرەك.

3. ئالامەتلىرى يوقىلىش بىلەنلا دورىنى ئۆزلۈكىدىن ئازايتماسلىق ياكى توختاتماسلىق كېرەك. دوختۇرنىڭ كۆرسەتمىسى بويىچە ئۈزۈل- كېسىل داۋالانغاندىلا ئاندىن كېسەلنى ساقايتقىلى ياكى ئەگەشمە كېسەللىكلەرنىڭ پەيدا بولۇشىدىن ساقلانغىلى بولىدۇ. داۋالانغاندىن كېيىن چوقۇم قەرەللىك ھالدا قايتا تەكشۈرتۈش لازىم. 

4. بەزى جىنسىي كېسەللىكلەرنىڭ ئاياللارنىڭ بەدىنىدە كۆرۈنەرلىك ئالامىتىنى كۆرگىلى بولمايدۇ. شۇڭا، ئايال بىمارلار قەرەللىك ھالدا مۇنتىزىم دوختۇرخانىلارغا بېرىپ تەكشۈرتۈشى لازىم.