دېڭىزىيا زەھەر قايتۇرۇش دورىسى رېتسىپلىق دورا تىپىغا كىرىدۇ، چوقۇم دوختۇرنىڭ يىتەكچىلىكىدە ئىشلىتىش كېرەك
دېڭىزىيا زەھەر قايتۇرۇش دورىسى كلىنىكىدا دائىم ئىشلىتىلىدىغان جۇڭيى دورىسى بولۇپ، ئاساسلىقى ئىسسىقى ئېشىپ كېتىش، گال ئاغىرىش، چىش ئىششىپ ئاغىرىش، تىلىغا جاراھەت چىقىپ قېلىش، كۆزىگە قان تولۇپ ئىششىش قاتارلىقلارغا ئىشلىتىلىدۇ.
يېقىندا كلىنىكىدا يەنە ئۇرۇقدان خالتىسى ھۆل تەمرەتكىسى، بەلۋاغسىمان قاپارتما، دورىلۇق ئەسۋە (药物疹) قاتارلىق تېرە كېسەللىكلىرى ۋە ئاستا خاراكتېرلىك دانىچە ھۈجەيرىلىك ئاق قان كېسىلى قاتارلىقلارنىمۇ داۋالايدىغانلىقى ئېلان قىلىندى. ئەمما، بۇ ئەھۋاللار چوقۇم دوختۇرنىڭ تەجرىبىسىگە ئاساسەن ئىشلىتىلىشى، ھەرگىزمۇ چوڭ كۆلەمدە قالايمىقان ئىشلىتىشكە بولمايدۇ. دورىنىڭ چۈشەندۈرۈشىگىمۇ تېخى بۇ مەزمۇنلار كىرگۈزۈلمىدى.

دېڭىزىيا زەھەر قايتۇرۇش دورىسى دائىم ئىشلىتىلىدىغان دورا بولىسىمۇ، ئەمما دۆلىتىمىزنىڭ دورىلارنى تۈرلەرگە ئايرىپ باشقۇرۇش بەلگىلىمىسىدە، دېڭىزىيا زەھەر قايتۇرۇش دورىسى رېتسىپلىق دورا تۈرىگە كىرگۈزۈلگەن. شۇڭا چوقۇم دوختۇرنىڭ رېتسېپىغا ئاساسەن دورا سېتىۋېلىش، دورا ئىشلىتىش جەريانىدا، كەسپىي دوختۇرنىڭ نازارەتچىلىكى ۋە يېتەكچىلىكىنى قوبۇل قىلىش، ئۆز بېشىمچە سېتىۋېلىپ ئىشلەتمەسلىك، بولۇپمۇ ئۆز بېشىمچە بالىغا بۇ دورىنى يېگۈزمەسلىك كېرەك.

ئەگەر بۇ دورىنى دوختۇرنىڭ كۆرسەتمىسى بويىچە ئىشلەتمىگەندە قانداق ئاقىۋەتلەر كېلىپ چىقىشى مۇمكىن؟