[باشقا نامى]  苄青霉素 پېنىتسىللىن Penicillin G  G
[تەسىرى ۋە ئىشلىتىلىشى] گرام مۇسپىي شارچە باكتىرىيە ۋە بەزى گرام مەنپىي باكتىرىيىلەرگە ئۈنۈم بېرىدۇ.
(1) قان ئېرىتكۈچى زەنجىرسىمان شارچە باكتىرىيە، ئۆپكە ياللۇغى قوش شارچە باكتىرىيىسى، ئۈزۈمسىمان شارچە باكتىرىيە، سۆزنەك شارچە باكتىرىيىسى ۋە مېڭە پەردە ياللۇغى قوش شارچە باكتىرىيىلىرىگە تەسىر قىلىدۇ؛

(2) كۆيدۈرگە تاياقچە باكتىرىيىسى ۋە بۇغماتاياقچە باكتىرىيىلىرىگە ئىنتايىن سەزگۈر؛

(3)بۇرغىسىمان تەنچە ۋە نۇر چاچقۇچى زەمبۇرۇغلارغىمۇ سەزگۈر؛
(4)دورىغا كۆنىۋالغان ئالتۇن رەڭلىك ئۈزۈمسىمان شارچە باكتىرىيە باشقا گرام مەنپىي باكتىرىيە، زەمبۇرۇغ، پلازمودىيە، رىكىتسىيە ۋە ۋىرۇسلارغا ئۈنۈم كۆرسەتمەيدۇ. باكتىرىيىلەرنى ئۆلتۈرۈش رولىغا ئىگە، كۆپىيىپ جانلىنىۋاتقان دەۋردىكى باكتىرىيىلەرگە كۈچلۈك، تېنچ دەۋردىكى باكتىرىيىلەرگە ئاجىز تەسىر قىلىدۇ، نەپەس سىستىمىسدىكى يۇقۇملىنىشلار، مېڭە پەردە ياللۇغى، ئوتتۇرا قۇلاق ياللۇغى، بادامسىمان بەز ياللۇغى، سكارلاتىنا، تىلما، سېپتىتسېمىيە، سۆزنەك، ئىلمە ئۇچلۇق بۇرغىسىمان تەنچە كىسىلى، سىفلىس، بوغما، كۆيدۈرگە، يېڭى تۇغۇلغان بالىلار قاتمىسى، نۇر چاچقۇچى زەمبۇرۇغ كېسىلى ۋە چۇما قىزىتمىسى قاتارلىقلارغا ئشلىتىلىدۇ.

[ناچار تەسىرى] زىيادە سەزگۈرلۈك رېئاكسىيىسى، يەنى تېرە ئەسۋىسى، قان زەردابى كېسىلى تىپلىق رېئاكسىيە ۋە زىيادە سىزىمچانلىقتىن بولغان شوك قاتارلىقلار كورۈلىدۇ.
 

دىققەت قىلىشقا تېگىشلىك ئىشلار ھەققىدە كېيىنكى بەتتە!