يېقىنقى يىللاردىن بۇيان سودا سۈيىنى ياقتۇرۇپ ئىچىدىغان كىشىلەر بارغانسېرى كۆپەيمەكتە. بەزىلەر سودا سۈيى ئىچىشنىڭ پايدىسى ناھايىتى كۆپ، ئۇ بەدەندىكى كىسلاتالىقنى نېيتراللاشتۇرۇپلا قالماستىن، يەنە راكنىڭ ئالدىنى ئالىدۇ، شۇڭا سودا سۈيىنى كۆپ ئىچىش كېرەك، دەپ قارايدۇ. بۇ توغرا ئەمەس.

ئەمەلىيەتتە، سودا سۈيى تەركىبىدە ناترىي ھىدروكاربونات (ئىچىملىك سودا) بولغان بىر خىل ئاجىز ئىشقارلىق سۇ بولۇپ، تەبىئىي سودا سۈيى ۋە سۈنئىي سودا سۈيى، دەپ ئىككى خىلغا بۆلۈنىدۇ. تەبىئىي سودا سۈيىدە ناترىي ھىدروكاربونات بولغاندىن سىرت، يەنە كۆپ خىل مىنېرال ماددىلار بولىدۇ. سۈنئىي سودا سۈيى ساپ سۇغا ناترىي ھىدروكاربونات ۋە باشقا خۇرۇچلارنى قوشۇش ئارقىلىق ئىشلەپچىقىرىلىدۇ.
نورمال كىشىلەر قېنىنىڭ PH قىممىتى ئادەتتە 7.35 بىلەن 7.45 ئارىلىقىدا بولىدۇ، ئاسانلىقچە  يېمەك - ئىچمەك قاتارلىق تاشقى ئامىللارنىڭ سەۋەبىدىن ئۆزگىرىپ كەتمەيدۇ. سودا سۈيىدە ناترىي بولغاچقا، كۆپ ئىچىۋەتسە يۇقىرى قان بېسىم كېسىلىگە گىرىپتار بولۇش خەۋپى ئېشىپ كېتىدۇ.
بۇنىڭدىن باشقا، بەزى سۈنئىي سودا سۇلىرىغا يەنە شېكەر ۋە باشقا مېۋە قەنتى قىياملىرى قوشۇلىدىغان بولغاچقا، ئۇزۇن مەزگىل كۆپ مىقداردا ئىچسە، سېمىزلىك، زىيابىتۇس (دىيابېت) كېسىلى ۋە يەللىك بوغۇم ئاغرىقى قاتارلىق كېسەللەرنىڭ پەيدا بولۇش خەۋپى ئېشىپ كېتىدۇ. شۇڭا سودا سۈيىنى مۇۋاپىق ئىچىش لازىم.