ئەيدىز كېسىلى بولسا بىرخىل ئىنسانلارغا بولغان زىيىنى ئىنتايىن زور بولغان يۇقۇملۇق كېسەللىك. بۇ ئەيدىز ۋىرۇسى(HIVۋىرۇسى)يۇقۇملىنىشتىن كېلىپ چىقىدىغان بولۇپ، ئادەمنىڭ ئىممۇنىتېت ئىقتىدارىنى تۆۋەنلىتىپ ئۆلۈپ كېتىشىنى كەلتۈرۈپ چىقىرىدۇ.

Timothy Ray Brownبولسا ئامېرىكىدا تۇغۇلغان، ئىلگىرى ئاق قان كېسىلىگە گىرىپتار بولغان. شۇ چاغدا گېرمانىيە بېرلىن شەھىرىدە داۋالىنىۋاتقاندا ئەيدىز كېسىلىگىمۇ گىرىپتار بولغانلىقى بايقالغان.

Timothy Ray Brownئەھۋالنى بىلگەندىن كېيىن كەيپىياتى ناھايىتى ناچار بولۇپ كەتكەن، كېسەل ئەھۋالىمۇ ئۈزلۈكسىز ئېغىرلىشىپ ئۆلۈمنىڭ ئۆزىگە بارغانسېرى يېقىنلىشىپ كېلىۋاتقاندەك ھېس قىلغان.

لېكىن دوختۇرنىڭ ئىلھام ۋە مەدەت بېرىشى بىلەن، يىلىك كۆچۈرۈشنى قارار قىلىپ ئاق قان كېسىلىنى داۋالاشنى داۋاملىق ئېلىپ بارغان.

يىلىك كۆچۈرۈش ئاخىرلاشقاندىن كېيىن، ئادەمنى ھەيرانلىق ۋە ھاياجانغا سالىدىغان ئۈنۈم كۆرۈلگەن. يىلىك كۆچۈرۈش ئوڭۇشلۇق بولغاندىن سىرت ئەيدىز كېسىلىمۇ داۋالىنىپ ساقايغان.

ئەسلىدە، ئۇ قۇبۇل قىلغان يىلىكنى تەقدىم قىلغۇچىنىڭ بەدىنىدە بىرخىل ئەيدىز ۋىرۇسىغا قارشى تۇرىدىغان ئۆزگىرىشچان گېن بار بولۇپ، بۇ خىل ئۆزگىرىشچان گېن پەقەت ئاز بىر قىسىم شىمالىي ياۋروپا ئادەملىرىنىڭ تېنىدە مەۋجۈت ئىكەن.

بۇ قېتىملىق يىلىك يۆتكەش ئوپىراتسىيەسى ئۇنى قايتىدىن ھاياتلىققا ئېرىشتۈرۈپلا قالماي يەنە مېدىتسىنا ساھەسىنىڭ ئەيدىز كېسىلىنى داۋالاش سەھىپىسنى يېڭىلىدى.

ئۇ ناھايىتى ئۇزاق مەزگىل ئۆزىنىڭ كېسىلىنىڭ پۈتۈنلەي ساقايغانلىقىغا قەتئىي ئىشەنگۈسى كەلمەي ھاياجانلىق ئىلكىدە توختىماي كۆز يېشى قىلاتتى.

ئۇ بىر تېببىي ژورنالغا ئۆزىنىڭ ئاق قان كېسىلى ۋە ئەيدىز كېسىلىنى داۋالىغاندىكى تەپسىلىي جەرياننى ئېلان قىلىپ پۈتۈن دۇنيانى بىردىنلا زىلزىلىگە كەلتۈرۋەتتى.

ئۇ ھازىرقى ساغلام ھالىتى بىلەن تېببىي ئالىملار بىلەن ھەمكارلىشىپ ئەيدىز  كېسىلىنى داۋالاشقا كۆڭۈل بۆلمەكتە. ۋە Timothy Ray Brownفوندىنى قۇرۇپ، دۇنيا .ئەيدىز كېسىلىنى تەتقىق قىلىش ئورنىنىڭ بىرىگە ئايلاندى. ھەمدە:" بىر كۈنلەردە ئەيدىز كېسىلىنىڭ تەلتۆكۈس مەغلۇب بولۇپ ئادەملەرنى قىينىماسلىقىنى ئۈمىد قىلىمەن" دېدى.