بالىلارنىڭ كۆزىدىن نۇر تارايدۇ ئالەمگەئابدۇرېھىم ئابدۇراخمان
بالام دېسەم قەلبىمگە ئىللىق سېزىم تارايدۇ،
بالام ئۈچۈن غەملەرگە چۆكۈپ كەلگەن ئادەممەن.
بالىلارغا ھەر ئىنسان ئۈمۈت بىلەن قارايدۇ،
بالىلارنى قەلبىمگە پۈكۈپ كەلگەن ئادەممەن.
بالىلىقنى سېغىنسام ئوماقلارغا قارايمەن،
كۆزلىرىدىن ئۇلارنىڭ نۇر تاريدۇ ئالەمگە.
بالىلارنى ئەڭ نۇرلۇق چولپان يۇلتۇز سانايمەن،
ئايشۇ نۇرلۇق چولپانلار ھوزۇر بېرەر ئادەمگە.
چاقناپ تۇرسا كۆزلەردە ئوماقلارنىڭ سىماسى،
ھەر ئائىلە، ھەر كۆڭۈل خوشاللىققا تولىدۇ.
ئۇلار بىلەن تارىخنىڭ ئۆچمەس مەڭگۈ ئىزناسى،
ئۇلار بىلەن ئەتىمىز گۈزەل، پارلاق بولىدۇ.
ئوماقلارغا كۆيۈنۈپ، كەلگۈسىنى سۆيەيلى،
بالىلار شۇ كەلگۈسى ھاياتلىقنىڭ چىرىقى.
ئۇلار ئۈچۈن مېھرلىك قەلبىمىزنى بېرەيلى،
ئۈزۈلمىسۇن ئىنساننىڭ ھاياتلىقتىن تىنىقى.
ئۇلار دىگەن گۈل-غۇنچە چېچىپ تۇرغان خۇشپۇراق،
غۇنچىلارنى پەرۋىشلەپ گۈل ھىدىنى پۇرايلى.
ئۇلار دىگەن ئۈزۈلمەي ئېقىپ تۇرغان بىر بۇلاق،
شۇ بۇلاقتىن ئاۋامغا تاتلىق شەربەت سۇنايلى.
ئەي ئوماقلار بايرىمىڭلار مۇبارەك.
بۈگۈن بايرام ئوماقلارنىڭ ھۆسنىگە،
گۈل-غۇنچىنىڭ گۈزەل دەۋران، پەسلىگە.
بارچە دىلغا نۇر تاراتقان قوياشنىڭ،
كۈلۈپ چىققان خۇش تەبەسسۇم ۋەسلىگە.
بۈگۈن بايرام، ئاسماندا ئاي، يۇلتۇزغا،
ئاي ھۆسنىنى ئوماقلاردىن كۆرەيلى.
شۇ ئوماقلار بايرىمىنى ئالقىشلاپ،
خوشلىقىغا ھەمدەم بولۇپ كۈلەيلى
ئۇلار دىگەن بىزنىڭ يۈرەك پارىمىز،
شادلىقىغا خۇش بولمىساق بولامدۇ؟
پەرۋىشلەيلى گۈل -غۇنچىمىز ئېچىلسۇن،
باغلىرىمىز گۈل-غۇنچىسىز پۇرامدۇ؟
ئەي ئوماقلار بايرىمىڭلار مۇبارەك!
قەلبىڭلاردىن شادلىق كۈلكە كەتمىسۇن.
سىلەر دىگەن بارچە ئەلنىڭ ئۈمۈدى،
ئەل ئارمىنى سىلەر بىلەن كۆكلىسۇن.
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2015-5-29 14:43:08
ۋاقتى: 2015-5-29 16:05:22
ئىگىسى