| باغرىڭغا قاناي
دىلرۇس
مەس- ئەلەسكەن دېمىگىن مېنى،
ئىشقىڭدا يار بولدۇم مەس- ئەلەس.
كۆزلىرىممۇ ئۇيقىدىن بىدار،
يۈرەكتە دەرت لىقمۇ- لىق پەۋەس.
قاچانلاردا تۇتاشتى ماڭا،
بىلمىدىم يار، پىراق ئوتلۇرۇڭ.
شۇندىن بۇيان ئەقىلىمدىن ئازدىم،
كەتمىدى ھېچ سېنىڭ ھېدلىرىڭ.
كۆز ئالدىمدا سېنىڭ سىمايىڭ،
سايىدەكلا ئەگىشەر ماڭا.
چۈشلىرىمدىن كەتمەيسەن نىگار،
خىيالىرىم باغلاندى ساڭا.
ئىسكەنجىڭگە چۈشتۈم تامامەن،
ئەس- ھۇشۇمنى ئالدىڭ قاماللاپ.
روھىم كەتتى سەن بىلەن بىللە،
قالدى جىسمىم سەندىن يىراقلاپ.
ئەكىتەر بولساڭ، ھەممىنى ئەكەت،
كېچە- كۈندۈز يېنڭدا بولاي.
ئەللەيلىنىپ ئالتۇن كوشۈكتە،
ئىپار ھېدلىق باغرىڭغا قاناي.
مەنبە: ئۆز يازمام.
|
باھالاشباھا خاتىرىسى
|
شۆھرەت
تۆھپە
تىللا
قىزغىنلىق
ۋاقتى: 2013-8-16 00:03:14
ۋاقتى: 2013-8-16 00:26:49
ۋاقتى: 2013-8-16 10:07:19
