بۇ يازمىنى ئاخىرىدا pari تەھرىرلىگەن. ۋاقتى 2013-7-9 10:55
قىينالمىسۇن دەرتتە جانانىم
دوۋزاق ئوتىدىن، دېسە كونىلار،
بەكلا يامان، پىراق ئوتىنى.
ئۆز بېشىمغا كەلگەندە بىلدىم،
ئاشىقلىقنىڭ چەكسىز دەردىنى.
يېقىلدىمۇ كۇل قىلاركەن ئۇ،
ئوت ئەمەسكەن ئەسلى بىر ۋولقان.
ئۆچمىگىمۇ شۇنداق قېيىنكەن،
ھەممە كۆيۈپ بولاركەن تالقان.
كۈل قىلسىغۇ مەيلى ئىدىغۇ،
ئېغىر ئىكەن قىسمەت- ئازابى.
شۇ كۇيلارغا سالغان جاناننىڭ،
قىلىنارمۇ سوراق- ھېسابى.
پىراق ئوتى ياققان ئىگىسى،
ھېساب بولسا ئۆزۇملا بېرەي.
جانانىمدا زەرچە گۇناھ يوق،
يەنە بولسا شۇنچىلىك كۆيەي.
ماڭا كەلگەن شۇ ئېغىر كۈنلەر،
مېنىڭ بىلەن تۈگەپلا كەتسۇن.
قىينالمىسۇن دەرتتە جانانىم،
كۈنلىرى شاد- بەختتە ئۆتسۇن.
مەنبە: ئۆز قەلىمىم | 
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2013-7-9 03:43:24
ۋاقتى: 2013-7-9 16:44:50
ۋاقتى: 2013-7-9 21:54:20