لى مىن

    بىرىنچى، يۆتكەپ ئامانەت قويۇشقا كېلىشىش

    مائاش كارتىسىدىكى ئېشىنچا پۇلنىڭ ئۆسۈم نىسبىتى %0.36 بولسا، ئۇنداقتا يۆتكەپ ئامانەت قويۇشقا كېلىشىش كەسپىنى بېجىرسە ئۆسۈمى قەرەلسىز ئامانەتنىڭ ئۆسۈمىدىن يۇقىرى بولىدۇ. بۇنىڭدا ئالدى بىلەن قەرەلسىز ئامانەت ھېساباتىنىڭ سومما چېكى بېكىتىلىدۇ، مەسىلەن: بۇ چەك 2000 يۈەن قىلىپ بېكىتىلسە مائاش كارتىسىدىكى پۇل 2000 يۈەندىن ئاشقان ھامان بانكا ئاپتوماتىك ھالدا بۇ پۇلنىڭ 2000 يۈەندىن ئاشقان قىسمىنى قەرەللىك ئامانەت ھېساباتىغا يۆتكەپ بېرىدۇ. بۇنداق بولغاندا بىر قىسىم ئامانەت پۇل قەرەللىك ئامانەت ئۆسۈمىنىڭ %1.71لىك ئۆسۈم نىسبىتى بويىچە ئۆسۈمگە ئېرىشىدۇ.

    ئىككىنچى، پايدىسى كاپالەتكە ئىگە پۇل فوندى سېتىۋېلىش

    ئەگەر مائاش كارتىسىدىكى ئېشىنچا پۇللارنى قەرەللىك ئامانەت ھېساباتىغا يۆتكىسە پۇلغا جىددىي ئېھتىياجلىق بولغاندا ئىشلىتىشكە قولايسىز بولۇپ قالىدۇ، دەپ قارىسىڭىز، ئۇنداقتا پۇل فوندى سېتىۋالسىڭىز بولىدۇ، ئادەتتە بۇنىڭ پايدىسى %1تىن %2كىچە بولۇپ، قەرەلسىز ئامانەتنىڭ% 0.36لىك ئۆسۈمىنىڭ ئۈچ ھەسسىسىدىن بەش ھەسسىسىگىچە توغرا كېلىدۇ. فوندنى قايتۇرۇپ سېتىپ بەرگەندە مەبلەغ ئۈچ خىزمەت كۈنى ئىچىدە ھېساباتىڭىزغا ئۇرۇپ بېرىلىدۇ.

    ئۈچىنچى، ئېشىنچا پۇل بىلەن ئۆي قەرزىنى قايتۇرۇش

    ئەگەر قەرز ئېلىپ ئۆي سېتىۋالغان بولسىڭىز كۆپلىگەن بانكىلار ئوتتۇرىغا قويغان ‹‹ئامانەت ئارقىلىق قەرز قايتۇرۇش›› كەسپىنى ئويلىشىپ باقسىڭىز بولىدۇ. ئەگەر بۇ كەسىپنى بېجىرسىڭىز مائاش كارتىڭىزدىكى ئېشىنچا پۇللار مەلۇم سوممىغا يەتكەندە ئۆزلۈكىدىن ‹‹ئامانەت ئارقىلىق قەرز قايتۇرۇش›› ھېساباتىڭىزغا يۆتكىلىدۇ، بۇ پۇل مۇددەتتىن بۇرۇن قايتۇرۇلغان قەرزگە ھېسابلىنىپ ئۆسۈم چىقىمىنى ئازايتىش مەقسىتىگە يەتكىلى بولىدۇ. مائاش كارتىسى ئارقىلىق بۇنداق كەسىپنى بېجىرىش ھەم قولايلىق ھەم پايدىلىق.

    تۆتىنچى، مائاش كارتىسىنى پۇل تۆلەش كارتىسىغا ئۆزگەرتىش

    كونىلاردا ‹‹پۇل تېجەش پۇل تاپقانغا باراۋەر›› دەيدىغان گەپ بار، ئەگەر خىزمەت ئالدىراشچىلىقى سەۋەبىدىن ئىناۋەتلىك كارتىنىڭ قەرزىنى ۋاقتىدا تۆلەشنى، سۇ، توك، پار، پۇلىنى تاپشۇرۇشنى ئۇنتۇپ قالسىڭىز جەرىمانىنى كۆپ تۆلەيسىز. ئەگەر مائاش كارتىڭىز بىلەن ئىناۋەتلىك كارتىڭىز باغلىنىدىغان قەرز قايتۇرۇش كەسپىنى بېجىرىۋالسىڭىز مائاش كارتىڭىزدىكى پۇل ئاپتوماتىك ھالدا ئىناۋەتلىك كارتىغا ئۇرۇلۇپ سىزنى نۇرغۇن ئاۋارىچىلىكتىن خالاس قىلىدۇ

(تەھرىر : سەپەر)

• ئايلىق مائاشى 4000 يۈەن بولغان خىزمەتچىلە
• مائاش كارتىسىدىكى ئېشىنچا پۇلنىڭ قىممى
• ئۆسمۈرلەر تەرەققىيات بانكىسى
• بالىلار ئۇنىۋېرسىتېتى
• چەتئەللىك بالىلارنىڭ تەتىل ئۆتكۈزۈشى
• 2014 – يىللىق ئادەتتىكى ئالىي مەكتەپ ئىم
• ئىمپورت يېمەكلىك بىخەتەرلىكى تۆت جەھەت
• 2014-يىللىق يەسلى ئوقۇتقۇچى ئىمتىھانىغا م
• بىر كېچىدىكى خىزمەت
• مەھەللەمنىڭ بالىلىرى
• تاتلىق ئىچىملىك كۆپ ئىچىش سالامەتلىككە
• يورۇقلۇق يىلى
• دۇنيا لوڭقىسى تارىخىدىكى سا
• ئادەم بەدىنىنىڭ ئەڭ ياقتۇرىدىغان يىمەك
• 2014-يىللىق ئالاھىدە مائارىپ ئوقۇتقۇچى ئى
• 2014-يىللىق تولۇق ئوتتۇرا ئوقۇتقۇچى ئىمتى