2015-يىللىق«نوبېل خېمىيە مۇكاپاتى» تىزىملىكى ئېلان قىلىندى

　　7- ئۆكتەبىر سائەت 5دىن 45مىنۇت ئۆتكەندە شىۋېتسىيە خان جەمەتى پەنلەر ئاكادېمىيىسى بۇ يىلقى «نوبېل خېمىيە مۇكاپاتى» تىزىملىكى ئېلان قىلدى.شىۋېتسىيەدىن كەلگەن توماس لىندال ( Tomas Lindahl)، ئامېرىكىلىق پائول مودىرىچ (Paul Modrich )، تۈركىيىلىك ئەزىز سەنكەر «نوبېل خېمىيە مۇكاپاتى»غا ئېرىشكەن بۇلۇپ، ئۇلارنىڭ DNA رېمونت مېخانىزمى تەتقىقاتى تەقدىرلەندى.

　　ئىگىللىنىشىچە، شىۋېتسىيە خان جەمەتى پەنلەر ئاكادېمىيىسى 1901-يىلىدىن باشلاپ نوبېل خىمىيە مۇكاپاتىنى تارقىتىشقا مەسئۇل بولغان. نوبېلنىڭ ۋەسىيەتنامىسىگە ئاساسەن ، خېمىيە مۇكاپاتى «خىمىيە ساھەسىدىكى ئەڭ مۇھىم بايقىشى ياكى كەشپىياتى بولغان ئادەم»نى تەقدىرلەش ئۈچۈن تارقىتىلىدۇ. نوبېل بـولـسـا خىمىيە ئالىمى، ئۇنىڭ قۇرۇق قول ئىگىلىك تىكلەپ شۇنچە كۆپ بايلىققا ئېرىشىشى خىمىيە بىلەن زىچ مۇناسىۋەتلىك.