ياپونىيە تارىخىدا، شىمالدىكى 4 ئارال ئالاھىدە ھەربىي رول ئوينىغان. 1941-يىلى 11-ئايدا، ياپونىيە ئارمىيەسى ئۆزلىرىنىڭ يادرولۇق دېڭىز كۈچىنى ئىتۇرۇپ ئارىلىغا توپلىغان، ئاندىن كېيىن بۇ يەردىن ئامېرىكا دېڭىز ئارمىيەسىنىڭ ھاۋايدىكى پىيورىل خاربور ھەربىي بازىسىغا ھۇجۇم قىلغان. سوغۇق مۇناسىۋەتلەر ئۇرۇشى مەزگىلىدە سابىق سوۋېت ئىتتىپاقى شىمالدىكى 4 ئارالدا ھاۋا ئارمىيە بازىسى قۇرغان. ئامېرىكا بىلەن رۇسىيەنىڭ شىمالدىكى 4 ئارالنىڭ يېقىن ئەتراپىدىكى كەسكىن تىركىشىشى شىمالدىكى 4 ئارالنىڭ ھەربىي قىممىتىدىن ئايرىلالمايدۇ.

ياپونىيەنىڭ شىمالدىكى 4 ئارالغا بولغان ئىگىلىك مۇناسىۋىتى 1855-يىلى بېكىتىلگەن. ياپونىيە رۇسىيە ئۇرۇشىدىن كېيىن، ياپونىيە رۇسىيەنىڭ ساخارىن ئارىلىنىڭ جەنۇبىنى ئىشغال قىلغان، 1945-يىلى ئامېرىكا، ئەنگلىيە، سوۋېت ئىتتىپاقى «يالتا كېلىشىمى»دە مۇنداق دەپ كۆرسەتكەن: ساخارىن ئارىلىنىڭ جەنۇبى ۋە ئۇنىڭ يېقىن ئەتراپىدىكى بارلىق ئاراللارنى سوۋېت ئىتتىپاقىغا قايتۇرۇپ بېرىش كېرەك. جەنۇبىي كۇرىل ئارىلىنى سوۋېت ئىتتىپاقىغا قايتۇرۇپ بېرىش لازىم. شۇ يىلى 8-ئايدا، سوۋېت ئىتتىپاقى ئەسكەر ئەۋەتىپ　يۇقىرىقى 4 ئارالنى ئىشغال قىلدى. 1946-يىلى 2-ئايدا، سوۋېت ئىتتىپاقى ئۆز ئالدىغا كۇرىل ئارىلى، جەنۇبىي ساخارىن ئارىلى، خابوماي ئارىلى، شىكوتان ئارىلىنىڭ سوۋېت ئىتتىپاقىنىڭ خەرىتىسىگە كىرگۈزۈلگەنلىكىنى جاكارلىدى، ياپونىيەنىڭ ھاكىمىيەت بېشى ۋە سىرتىدىكىلەر بۇنى ئېتىراپ قىلمىدى. 1956-يىلى 10-ئايىنىڭ 19-كۈنى　سوۋېت ئىتتىپاقى بىلەن ياپونىيە موسكۋادا بىرلەشمە بايانات ئىمزالىدى، سوۋېت ئىتتىپاقى تىنچلىق شەرتنامىسى ئىمزالاپ، شىمالدىكى 4 ئارال ئىچىدىكى خابوماي ئارىلى بىلەن شىكوتان ئارىلىنى ياپونىيەگە قايتۇرۇپ بېرىشكە قوشۇلدى. سوۋېت ئىتتىپاقى پارچىلانغاندىن كېيىن، رۇسىيە سوۋېت ئىتتىپاقىنىڭ سىياسىي مىراسىغا ۋارىسلىق قىلدى.

ياپونىيە مۇنداق دەپ قارىدى: رۇسىيەنىڭ ياپونىيە ئۇرۇشتا مەغلۇپ بولغانلىقىدىن پايدىلىنىپ، 4 ئارالنى زورلۇق بىلەن ئىگىلىۋېلىشى قانۇنسىز ئىگىلىۋېلىش. 4 ئارال ياپونىيەگە قايتۇرۇپ بېرىلگەندىن كېيىنلا، ئاندىن ياپونىيە رۇسىيە بىلەن تىنچلىق شەرتنامىسى تۈزۈشكە قوشۇلىدۇ. رۇسىيە بولسا 4 ئارالنى ئىشغال قىلىش 2-دۇنيا ئۇرۇشىنىڭ نەتىجىسى، بۇ نەتىجىنى ئۆزگەرتىش- 2-دۇنيا ئۇرۇشىنى ئىنكار قىلغانلىق دەپ قارىدى. رۇسىيە سوۋېت ئىتتىپاقى بىلەن ياپونىيە 1956-يىلى ئىمزالىغان « ياپونىيە سوۋېت ئىتتىپاقى بىرلەشمە خىتابنامىسى»غا ئاساسەن، رۇسىيە تىنچلىق شەرتنامىسى ئىمزالانغان ئەھۋالدىلا ئاندىن خابوماي ئارىلى بىلەن شىكوتان ئارىلىنى ياپونىيەگە قايتۇرۇپ بېرىدۇ، دېگەننى تەشەببۇس قىلدى، ئىككى تەرەپ بىر-بىرىگە يول قويمىغانلىقتىن، ئىككى دۆلەت ھازىرغىچە ئىككى دۆلەت مۇناسىۋىتىنىڭ ئاساسى بولغان تىنچلىق شەرتنامىسىنى ئىمزالىيالمىدى.

2009-يىلى 7-ئاينىڭ 3-كۈنى ياپونىيە پارلامېنتى بىر تۈزىتىلگەن قانۇن لايىھەسى ماقۇللاش ئارقىلىق، تۇنجى قېتىم شىمالدىكى تۆت ئارالنى ياپونىيەنىڭ ئۆزىگە خاس زېمىنى دەپ بېكىتتى، بۇ لايىھە ئوتتۇرغا چىققاندىن كېيىن، رۇسىيە بۇنىڭغا دەرھال كۈچلۈك ئىنكاس بىلدۈردى.

2010-يىلى 11-ئاينىڭ 1-كۈنى رۇسىيە پىرېزىدېنتى مېدۋېدېۋ جەنۇبىي كۇرىل　ئارىلىدىكى كۇناشىر ئارىلىغا چىقتى. بۇ رۇسىيە دۆلەت باشلىقىنىڭ رۇسىيە بىلەن ياپونىيە ئارىسىدا ماجىرا بولىۋاتقان ئارالنى تۇنجى قېتىم تەكشۈرۈشى. ياپونىيە بۇنىڭدىن كۈچلۈك نارازى بولدى. ياپونىيەنىڭ تاشقى ئىشلار ۋەزىرى 12-ئاينىڭ 4-كۈنى دېڭىز قوغدىنىش ۋازارىتىنىڭ ئايروپىلانىدا ئولتۇرۇپ، ماجىرا بولىۋاتقان بۇ ئارالنى ھاۋادىن تەكشۈردى. 13- دېكابىر رۇسىيە ھۆكۈمىتىنىڭ 1-مۇئاۋىن زۇڭلىسى شۇۋاروف ياپونىيە بىلەن ماجىرا بولىۋاتقان جەنۇبىي كۇرىل ئارىلىدىكى ئىتۇرۇپ ئارىلى ۋە كۇناشىر ئارىلىنى تەكشۈردى. شۇ كۈنى كەچتە ياپونىيەنىڭ باش ۋەزىرى بۇنىڭدىن ئەپسۇسلىنىدىغانلىقىنى بىلدۈردى.

2011-يىلى 2-ئايدا، رۇسىيەنىڭ دىپلوماتىيە مىنىستىرى لاۋروۋ زىيارەتكە بارغان ياپونىيەنىڭ دىپلوماتىيە مىنىستىرى مائېخارا بىلەن موسكۋادا سۆھبەتلەشتى. ئىككى تەرەپ مۇنداق دېدى: ئىككى دۆلەتنىڭ جەنۇبىي كۇرىل ئارىلىنىڭ تەۋەلىك مەسىلىسىدە زور ئىختىلاپى بولسىمۇ، لېكىن ئىككى تەرەپ بۇندىن كېيىن داۋاملىق سۆھبەتلىشىپ، زېمىن مەسىلىسىنى ئۆز-ئارا قوبۇل قىلىشقا بولىدىغان ئۇسۇل ئارقىلىق ھەل قىلىشقا قوشۇلدى.

شۇ يىلى 2-ئاينىڭ 19-كۈنى ياپونىيە كابىنېتىنىڭ باشلىقى دېڭىز قوغدىنىش ۋازارىتىنىڭ ئايروپىلانىدا ئولتۇرۇپ شىمالدىكى 4 ئارالنى ھاۋادىن تەكشۈردى، شۇندىن كېيىن يەنە خوككايدودىكى نېموروشى شەھىرىدىن شىمالدىكى 4 ئارالنى كۆزەتتى.