تارىخى بىلىملەر-ئۇيغۇر دوپپا مەدەنىيەت بايرىمىنىڭ 6 يىللىقىغا مۇبارەك

نۆۋەتتىكى ئورنىڭىز : باش بەت > ئوقۇتۇش بايلىقى > تارىخى بىلىملەر > تولۇق مەزمۇنى

ئۇيغۇر دوپپا مەدەنىيەت بايرىمىنىڭ 6 يىللىقىغا مۇبارەك

ۋاقىت : 2014-05-05 01:00 | مەنبەسى : بەشتاش تورى | ئاپتۇر : بەشتاش | تەھرىر : بەشتاش | كۆرۇلىشى : قېتىم

ئۇيغۇر دوپپا مەدەنىيەت بايرىمىنىڭ 6 يىللىقىغا مۇبارەك!

2009-يىلى 5-ماي كۈنى ئۈرۈمچى شەھىرىدە ‹‹ئۇيغۇر دوپپا مەدەنىيەت بايرىمى››ئىلتىماس قىلىش سۆھبەت يىغىنى ئۆتكۈزۈلۇپ، ئۇيغۇر دوپپا مەدەنىيەت بايرىمىنى تەشەببۇس قىلغۇچى، ئۇيغۇر مەدەنىيەت-فولكلور تەتقىقاتچىلىرى (تەتقىقاتچى ھەم جامائەت ئەربابى – ]ئىمىن تۇرسۇن[، ژۇرنالست ۋە ئۇيغۇر ئېدىئولوگىيە تەتقىقاتچىسى ئسلامجان شرىپ بەشكىرەمى ،دوكتۇر يىتەكچىسى ۋە ئۇيغۇرشۇناس ئالىم ئابدۇبەسر شۈكۈرى ، يازغۇچى ۋە ئەدەبىيات پىروففىسورى ئابدۇقادىر جالالىدىن ئەپەندى،دوكتۇر، دوتسنېت ھەسەنجان ئابلىز، ئۇيغۇر مەدەنىيەت تەتقىقاتچىسى، قۇتادغۇبىلىك تەتقىقاتچىسى ئالىم يار مۇھەممەد تاھىر تۇغلۇق قاتارلىقلار )، فۇرقان شىركىتىنىڭ سابىق دېرىكتورى (مۇھەممەد ئەمىن)، دەرمان شېركىتى دېرىكتور ئابلاجان ۋە ئىزچىلار شېركىتى ۋەكىللىرى، بىر قىسىم ئوقۇتقۇچىلار ۋە‹‹ئۇيغۇر دوپپا مەدەنىيىتى›› پىدائىيلىرىنىڭ قاتنىشىشى، دوپپا مەدەنىيىتى بايرىمىنى ئۆتكۈزۈشنىڭ مىللىي ھاياتىمىزدىكى ئەھمىيتى ۋە ئۇنى ئۆتكۈزۈش ئۇسۇلى ، تەشۋىقات چارىلىرى ھەققىدە ئېلىپ بىرىلغان قىزغىن سۆھبەت ۋە مۇھاكىمىلەر، ئاپتونوم رايونلۇق غەيرى ماددى مەدەنيەت مىراسلىرىنى قوغداش تەتقىقات ئشىخانىسى ۋە شنجاڭ ئۇنىۋىرسېتىتى فىلولوگىيە ئىنستىتۇتىدىكى مۇناسۋەتلىك رەھبەرلەر ۋە تەتقىقاتچىلارنىڭ قوللىشى ئارقىسىدا ئۇيغۇر دوپپا مەدەنىيەت بايرىمىنىڭ تۇنجى بارلىققا كېلىش قەدىمى بىسىلىپ، مانا بۇگۇن 2014-يىلى 5-ئاينىڭ 5-كۇنى ئۇيغۇر دوپپا مەدەنىيەت بايرىمى 6ياشقا كىرىپ، يالغۇز ئۇيغۇرلارلا ئەمەس بەلكى باشقا مىللەت كىشىلىرىنىڭمۇ ئىتراپ قىلىشقا باشلىغانلىقى بىلەن بىزلەرنى خۇشال قىلسا، دوپپا بايرىمىغا تۇتقان ئايرىم سۇس پوزىتسىيمىز، ئەسلى دوپپا بايرىمىنىڭ بارلىققا كېلىش مەخسىتىدىن چەتنىگەنلىكىمىز كىشىنى ئۈمۈدسىزلەندۇرىدۇ.

تۆۋەندىكىسى 2010-يىلىدىكى ئۇيغۇر دوپپا مەدەنىيەت بايرىمىغا دائىر پىلانلانغان بىر قىسىم پائالىيەت ۋە مەزمۇنلار:

دوپپا بايرىمى كۇنى ئۆتكۇزۇلىدىغان پائالىيەتلەر:

1-<<دوپپا بايرىمى >>كۇنى پۇتۇن دۇنيادىكى،جۇملىدىن مەملىكىتمىزدىكى دوپپا كىيشنى خالايدىغان بارچە خەلقلەر دوپپا كىيىشكە سەپەرۋەر قىلىنىدۇ.دوپپا-ئىتتىپاقلىق،مەدەنىيەت ۋە خۇشاللىقنىڭ سىمۋولى سۇپىتىدە رايۇنىمىزدىكى مىللەتلەرنىڭ مەدەنىيەت يىلتىزى ۋە تەرەققىيات ئارزۇسىنىڭ ئورتاق ئىكەنلىكىنى نامايىش قىلىدۇ.رادىئۇ ،تىلىۋىزىيە ۋە ئىنىتىرنىت ئارقىلىق مەدەنىيەت بايرىمى كۈنى پائالىيەتلىرى تارقىتىلىدۇ.
2-ئاپتونۇم رايونىمىزنىڭ مەركىزى بولغان ئۇرۇمچى ،مەدەنىيەت شەھەرلىرىدىن بولغان قەشقەر،تۇرپان ،غۇلجا ،خوتەن قاتارلىق شەھەرلەرنىڭ ئاساسلىق ئاممىۋى پائالىيەت سورۇنىدا دوپپا كىيىش مۇراسىمى ئۆتكۇزۇلىدۇ.
3- 100 ئۇيغۇر يىگىتى ،100ئۇيغۇر قىزى دوپپا بايرىمى ئوبراز ئەلچسى سۇپىتىدە ئۇرۇمچىىدە ئۆتكۇزۇلىدىغان ئاخبارات ئىلان قىلىش يىغىنىغا قاتنىشىدۇ.
4-ئۇيغۇر مەدەنىيتى ھەققىدە تونۇشتۇرۇش بىرىدىغان ئۇنىۋىرسال سەنئەت پائالىيتى ئىلىپ بىرىلىدۇ.باشقا ھىيت- بايرام كۇنلىرىگە ئوخشاش بۇ كۇندە ئۇرۇق-تۇققان،دوسىت-يارانلار ئۆز-ئارا ھال-ئەھۋال سورىشىدىغان،جەم بولىدىغان بىر خۇشاللىق كۈنىگە،جانلىنىش كۈنىگە ئايلىنىدۇ.
5-ئۇيغۇر ئىقتىسات مەدەنىيتى ئىلمى مۇھاكىمە يىغىنى ئورۇنلاشتۇرۇلىدۇ.
6-ئۇيغۇر دوپپىلىرى ۋە باشقا مەدەنىيەت بۇيۇملىرى سىتىلىدۇ.
7- دوپپا بايرىمى كۈنى 1000دانە دوپپا سىتىۋىلنىپ خاتىرە بۇيۇم سۈپىتىدە ساقلاشقا ھەقسىز سوۋغا قىلىش ئىلىپ بارىدۇ!
8- مەزكۇر پائالىيەتكە يۇزمىڭ كىشى ئىمزا قويىدۇ.

ياشلار دوپپا مەدەنىيەت بايرىمى كۈنى تۆۋەندىكىدەك ئشلارنى قىلىشقا سەپەرۋەر قىلىنىدۇ:

بۇ كۈنى بارلىق دوستلار ئۇيغۇر دوپپسىنى كىيىش ۋە ئۇيغۇر دوپپا مەدەنىيەت بايرىمىنى تەشۋىق قىلشقا سەپەرۋەر قىلىنغاندىن باشقا :
1)-ئەتتىگەندە ئاتا-ئانىسغا بىر قىتىم سالامغا بىرش،ھال سوراش ۋە سوۋغا سۇنۇش (بىۋاستە ياكى تىلىفۇن قاتارلىق ۋاستىلەر بىلەن)
2)-ئۆزىنىڭ نۆۋەتتە قىلىۋاتقان ئشى ھەققىدە مەخسۇس ئويلىنىش،ئۇتۇق قازىنىش ھەققىدە خۇلاسە چىقىرىش ۋە پىلان تۈزۈش
3)-مەخسۇس <<ئۇيغۇر روھى>>پائالىيىتگە قاتنىشىپ كەم دىگەندە 3 تۈرلۈك ياخشى ئش قىلىش .مەسىلەن چوڭ-كىچىكلەرگە،ياشانغانلارغا ،ئاجىزلارغا ياردەم قولىنى سۇنۇش،تازىلىق قىلىش،يول ئاسراش،باشقا مللەت قىرىنداشلارغا ياخشى ئش قىلىپ بىرىش ۋە ئۇلارغا ئۆزىنى كىملىكىنى پەزىلەت ئارقىلىق نامايان قىلىش.
4)-بۇ كۈنى بارلىق ئوغرىلىق،قىمارۋازلىق،ئەيش-ئشرەت،ئۇرۇش-تاللىشش،ئۆز-ئارا ئازار بىرىش،ئىچكى بۆلۇنۇش ،ئەيىپ كولاش ،زەربە بىرىش،بىكار-تەلەپلىك قاتارلىق قانۇنغا ،ئەخلاقى مىزانغا خىلاپ ئشلار نى قىلماسلىق تەلەپ قىلىنىدۇ .ۋە قىلغانلارنى توسۇش تەشەببۇس قىلىنىدۇ.
5)-بۇ كۇنى ئۇيغۇر تىلىدا سۆزلەش ،ئۇيغۇر تىلىدا يىزىلغان كىتاب ۋە ئەسەرلەردىن كەم دىگەندە بىر سائەت ئوقۇش ،ئۇيغۇر مەدەنى مەۋجۇتلۇقى ئۈچۈن باش قاتۇرۇش ۋە ئەمەلى كۈچ چىقىرىش تەلەپ قىلىنىدۇ.

تەشۋىقات تىمىلىرى

    1-دوپپا بايرىمى ھەققىدە (20 بەتلىك ئاساسى تونۇشتۇرۇش ماتىرىيالى3خىل تىلدا)
    2-ئۇيغۇرشۇناسلىقتىكى يىڭى نەتىجە –دوپپا بايرىمى
    1-    ئۇيغۇردوپپا بايرىمىنى قىزغىن تەبرىكلەيمىز(ئاممىباب رەڭلىك تەشۋىقات ماتىرىيالى) تەشۋىق قىلىڭ!
    2-    ئۇيغۇرلار دوپپا بايرىمى تەسس قىلماقچى!   تەشۋىق قىلىڭ!
    3-    ئۇيغۇرلارنىڭ مەدەنىيەت كەشپىياتى –دوپپا بايرىمى ! تەشۋىق قىلىڭ!
    4-    ئۇيغۇر دوپپا مەدەنىيتى ھەققىدە(ئاساسلىق تور پونكىتلىرىدا) !تەشۋىق قىلىڭ!
    5-    دوپپنڭ كىرىكى يوقمۇ؟ تەشۋىق قىلىڭ!
    6-    دوپپا بايرىمى ھەققىدە سۆزلەنگەن ئۇنئالغۇ نۇتۇقى تەشۋىق قىلىڭ!
    7-    ئورتاق مەدەنىيەت،ئورتاق خۇشاللىق !تەشۋىق قىلىڭ!
    8-    ئۇيغۇر مەدەنىيتىگە خالس تۆھپە قوشقىڭىز بارمۇ؟     تەشۋىق قىلىڭ!
    9-    سىزنىڭچە ئۇيغۇر قىزلىرىغا دوپپايارىشارمۇ؟                  تەشۋىق قىلىڭ!
    10-    مەۋجۇتلۇق تەدبىرى-مەدەنىيەت مىللىتى بولۇش تەشۋىق قىلىڭ!
    11-    -دوپپىنىڭ ئۇيغۇر مەدەنىيتىدىكى ئەھمىيتى      تەشۋىق قىلىڭ!
    12-    100مىڭ ئادەم بىركۇندە دوپپا كەيمەكچى!!      تەشۋىق قىلىڭ!
    13-    ئۇيغۇر مەدەنىيتى ئۆلمەيدۇ!!!                         تەشۋىق قىلىڭ!
    14-      مەۋجۇتلۇقىمىز –مەدەنىيتىمىزگە باغلىق                     تەشۋىق قىلىڭ!

تولۇق مەزمۇنىنى تۆۋەندىكى تېمىلاردىن كۆرۇڭ:

ئۇيغۇر دوپپا مەدەنىيەت بايرىمى-2
ئۇيغۇر دوپپا مەدەنىيەت بايرىمى-1
دوپپا ھەققىدە ئاساسى چۈشەنچە
دوپپىنىڭ ئۇيغۇر مەدەنىيتىدە تۇتقان ئورنى
دوپپا كىيش ئۇسۇلى ھەققىدە
دوپپىنڭ تۈرلىرى ئۇيغۇرلارقەدىمكى ئەسىرلەردىن بېرى مۇقى
5-ئاينىڭ 5-كۈنى «ئۇيغۇر دوپپا مەدەنىيەت بايرىمى»
دوپپا بايرىمىنىڭ بارلىققا كېلىشىدىكى سەۋەپ نىمە؟
دوپپا ۋە دوپپا مەدەنىيىتىمىز

ئۇيغۇر دوپپا مەدەنىيەت بايرىمى ئۇ يالغۇز ئېغىزدا ئېيتىلىدىغان ، دوپپا كىيىپ قويۇش بىلەن چەكلىنىدىغان بايرام ئەمەس، ئۇ مەدەنىيەت بايرىمى، ئۇيغۇر مەدەنىيتىنى ھەقىقى تونۇش، تەشۋىق قىلىش، ئەسلەش،ۋارسلىق قىلىش بايرىمى ، قېنى مەن،سىز، ئۇ ... بىز بۇيىلقى بايرامنى قانداق ئۆتكۇزىمىز.

قوشۇمچە:

دوپپىغا دائىر بىر قىسىم ئۇن-سىن ماتېرىياللار:

بالىلار ناخشىسى: چىمەن دوپپا

بالىلار ناخشىسى: دوپپام چىرايلىق

بادام دوپپا - ئابدۇللا ئابدۇرىھىم

چىمەن دوپپا： تاھىرجان مۇھەممەت

مەدەنىيەت بەلگىسى _دوپپا

ئىتوت: دوپپا (ئادىل مىجىت)

دوپپا - بالىلار ھېكايىسى

ئۇيغۇر بادام دوپپا تارىخى

ئاخىرىدا بارلىق قېرىنداشلارنىڭ 6-قېتىملىق ئۇيغۇر دوپپا مەدەنىيەت بايرىمىنى قىزغىن تەبرىكلەيمەن. دوپپا بايرىمڭىزغا مۇبارەك بولسۇن.

(تەھرىر : بەشتاش)

ئېسىلكەن

(7)

100%

ناچاركەن

(0)

«ئۇيغۇر دوپپا مەدەنىيەت بايرىمىنىڭ 6 يىللىقىغا مۇبارەك»گە دائىر تېخىمۇ كۆپ ئۇچۇر

ئالدىنقىسى:ياركەنت خانلىقى دەۋرىدىكى جەمئىيەت
كېيىنكىسى: ئۇيغۇر دوپپىلىرىنىڭ مەدەنىيەت قاتلىمى ھەققىدە

مۇناسىۋەتلىك تېمىلار