 |
جۇڭگو پىيونېرلار ئىشلىرى تەرەققىيات مەركىزى ياش-ئۆسمۈرلەر تور ھەرىكىتىنى باشلىدى جۇڭگو پىيونېرلار ئەترىتى ئىشلىرى تەرەققىيات مەركىزى 22-دېكابىر مۇنداق دېدى: «مېھرى-مۇھەببەتلىك سەپەر» ناملىق ياش-ئۆسمۈرلەردە گۈزەل ئەخلاقنى تەشەببۇس قىلىش تورى ئالاھىدە ھەرىكىتى يېقىندا باشلاندى، بۇ-پارتىيە 17-نۆۋەتلىك مەركىزىي كومىتېتى 6-ئومۇمىي يىغىنىنىڭ روھىنى ئىزچىللاشتۇرۇپ، ئۆسمۈرلەر، بالىلارنى مېھرى-مۇھەببەتلىك بولۇشقا يېتەكلەپ، «ۋەتەننى، خەلقنى، ئەمگەكنى، پەننى سۆيۈش، ئومۇمنىڭ مال-مۈلۈكىنى ئاسراش» تەلىپىنى ئەمەلىيەتتىن ئۆتكۈزۈشنى مەقسەت قىلىدۇ. جۇڭگو پىيونېرلار ئەترىتى ئىشلىرى تەرەققىيات مەركىزىنىڭ ئالاقىدار مەسئۇلى تونۇشتۇرۇپ مۇنداق دېدى: بۇ قېتىمقى پائالىيەتتە، ئىنتېر تورى، يانفون ئۇچۇرى قاتارلىق يېڭى تاراتقۇلارنىڭ رولى تولۇق جارى قىلدۇرۇلۇپ، ياش-ئۆسمۈرلەرنىڭ ساغلام ئۆسۈپ يېتىلىشىگە كۆڭۈل بۆلىدىغان بارلىق ئىجتىمائىي كۈچلەرگە تەشەببۇس چىقىرىلىپ، گۈزەل ئەخلاقنى تەشەببۇس قىلىش پائالىيىتى ئورتاق قانات يايدۇرۇلىدۇ. بولۇپمۇ سوتسىيالىستىك شەرەپ-نومۇس قارىشى ۋە جۇڭخۇا ئەنئەنىۋى گۈزەل ئەخلاقىنى نۇرلاندۇرۇش باش مەقسىتى چۆرىدىلىپ، تورداشلارغا ئەتراپىدىكى جەمئىيەت ۋە كۈندىلىك تۇرمۇشتىكى مېھرى-مۇھەببەت ھەرىكەتلىرىگە كۆڭۈل بۆلۈش، بايقاش، تارقىتىش، ئۆگىنىشنى تەشەببۇس قىلىش ئارقىلىق، ۋەتەنپەرۋەرلىك، كەسىپنى ھۆرمەتلەش، سەمىمىي بولۇش، دوستلۇق قاتارلىق ئەخلاق ۋە ھەرىكەت ئادەتلىرى تەشەببۇس قىلىنىپ، ئۆسمۈر-بالىلار ئىتتىپاقلىق، دوستلۇق، مېھرى-مۇھەببەت، ئەخلاقتا ياخشى ئۆسمۈر بولۇشقا يېتەكلىنىدۇ.
|
