◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

تارىم دەرياسى

تارىم دەرياسىنىڭ ئومومىي ئۇزۇنلۇقى 2179 كىلومېتىر (بۇنىڭ ئىچىدە غول ئېقىننىڭ ئۇزۇنلۇقى 1321 كىلومېتىر) بولۇپ، زەرەپشان دەرياسى، خوتەن دەرياسى، قەشقەر دەرياسى، ئاقسۇ دەرياسىنىڭ قوشۇلۇشىدىن ھاسىل بولغان، دەريا سۈيى مۇزلۇقلارنىڭ ئېرىشىدىن ھاسىل بولغاچقا تەركىبىدىكى قۇمنىڭ مىقتارى يۇقۇرى، شۇڭا دەريا قېنى مۇقىم ئەمەس. تارىم دەرياسى مەملىكىتىمىزدىكى ئەڭ چوڭ ئىچكى قۇرۇقلۇق دەرياسى ھىساپلىنىدۇ، تارىم دوريا ۋادىسى تارىم ئويمانلىقىنى چۆرىدىگەن 114 ئېقىنى ۋە تارىم غول ئېقىنى ۋادىسىنى كۆرسىتىدۇ، ئومومىي كۆلىمى 1مىليون 20 مىڭ كۋادرات كىلومېتىر كېلىدۇ. ۋادىنىڭ كۆپ يىللىق ئوتتۇرچە تەبىئىي ئېقىن مىقتارى 39 مىليارد 830 مىڭ كۇپ مېتىر ئەتراپىدا. دەريا سۇيىنىڭ مەنبەسى قار - مۇزدىن ئېرىگەن سۇنى ئاساس قىلىدۇ.
قايتىلانماس يەر ئاستى سۈيى مىقتارى 3مىليارد 70 مىليون كۇب مېتىر، ئەمەلىي سۇ بايلىقى ئومومىي زاپاس مىقتارى 42 مىليارد 830 مىڭ كۇب مېتىر، دەريا ۋادىسى بەش ۋىلايەت، ئوبلاست، 42 ناھىيە -شەھەر، تۆت دىۋىزىيەگە قاراشلىق 55 تۇەننى ئۆز ئىچىگە ئالىدۇ. دەريا ۋادىسىدا ياشايدىغان نوپۇس 10 مىليوندىن ئاشىدۇ. دەريا سۈيى ئېقىن مىقتارىنىڭ پەسىللىك ئۆزگۈرۈش پەرقى ئىنتايىن چوڭ. ھەر يىلى ھەر يىلى ياز پەسلىدە قار-مۇزلار ئېرىگەچ سۇ مىقتارى جىددىي كۆپىيىدۇ. قىش پەسلىدە دەريا سۈيى ئازلاپ كېتىدۇ.

مەنبە:مۇناسىۋەتلىك ماتىرياللار