◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

كىشىلەرنىڭ تۇرمۇشىغا ئالاھىدە تەسىر كۆرسەتكەن كەشپىياتلار

دۇنيادا ھەر يىلى نۇرغۇن كەشپىيات بارلىققا كېلىدۇ. ئالىملار كىشىلەرنىڭ تۇرمۇشىغا زور تەسىر كۆرسەتكەن ئۆتكەن يىللىق يېڭى كەشپىياتلارنى باھالاپ چىققان.
1. مېڭىنى ئىشلەتسىلا بلوگ (توربەت) يازغىلى بولىدۇ
تورغا چىقىپ بلوگ يازغاندا قول بىلەن بېسىشقا توغرا كېلىدۇ. ئۇنداقتا، كاللىڭىزدا ئويلىغانلىرىڭىزنى بلوگقا بىۋاسىتە كىرگۈزگىلى بولارمۇ، دېگەنلەرنى ئويلاپ باقتىڭىزمۇ؟
ئامېرىكا ۋىسكونسىن ئۇنىۋېرسىتېتىنىڭ بىر ئوقۇغۇچىسى بىر قىسىم ‹‹ھۇرۇن››لارنىڭ بۇ خىيالىنى رېئاللاشتۇرغان. ئۇ كومپيۇتېر دولقۇنىنى ئوقۇيالايدىغان بىر خىل دوپپىنى كەشىپ قىلغان، بۇ دوپپىنى توك ۋە كومپيۇتېرغا ئۇلىسىڭىزلا، ئۇ ئويلىغانلىرىڭىزنى بىۋاسىتە بلوگ مەزمۇنىغا ئايلاندۇرالايدىكەن.
2. قايتىدىن يورۇقلۇق ئاتا قىلالايدىغان ئېلېكتىرونلۇق كۆزەينەك
يىراقنى كۆرەلمەيدىغانلارنىڭ كۆپىنچىسى كۈنلەرنىڭ بىرىدە تۇيۇقسىز ھېچنېمىنى كۆرەلمەيدىغان بولۇپ قېلىشىدىن ئەندىشە قىلىدۇ. ئامېرىكا ماسساچۇستىس تەبىئىي پەن ۋە سانائەت پەنلىرى ئىنستىتۇتىدىكى ئالىملار بىر خىل ئېلېكتىرونلۇق كۆزەينەكنى كەشىپ قىلىپ، ئەمالارنىڭ يورۇق دۇنيانى كۆرۈش ئۈمىدىنى رېئاللاشتۇردى. كۆزىمىز بىر خىل تەبىئىي تېلېكامېرا، ئېلېكتىرونلۇقكۆزەينەكنىڭ ئاساسلىق زاپچىسىمۇ بىر تېلېكامېرا بولۇپ، بۇ قوبۇل قىلغان سۈرەتلەر ۋە ئۇچۇرلار ئېلېكتىرونلۇق كۆزەينەكنىڭ مىكرو كومپيۇتېرىغا يوللىنىدۇ، ئاندىن بۇ كومپيۇتېر تېلېكامېرا ‹‹قوبۇل قىلغان›› ئۇچۇرلارنى ئەمالارنىڭ چوڭمېڭىسىگە يەتكۈزۈپ بېرىدۇ، شۇنىڭ بىلەن ئۇلارمۇ نورمال ئادەملەرگە ئوخشاش ئەتراپىدىكى مۇھىتنى كۆرەلەيدۇ.
3. قاتلىنىشچان كىچىك ئېلېكتىرلىك ۋېلىسىپىت
ئادەتتىكى ۋېلىسىپىت قوپال ھەم ئەپسىز بولغاچقا، بەزىلەر كىچىك ۋېلىسىپىت مىنىشنى ياخشى كۆرىدۇ. يېڭى زېلاندىيەدىكى بىر ۋېلىسىپىت ھەۋەسكارى كىچىك تىپتىكى قاتلىنىشچان ئېلېكتىرلىك ۋېلىسىپىتنى كەشىپ قىلغان بولۇپ، ئۇنىڭ ئېغىرلىقى ئون كىلوگىراملا كېلىدىكەن،بۇنداق ۋېلىسىپىتنى قاتلاپ سومكىغا سېلىۋالغىلى، ئاپتوبۇس ياكى مېتروغا ئېلىپ چىققىلى بولىدىكەن.
4. يەلپۈگۈچ ياپراقچىسى بولمىغان ئېلېكتىرونلۇق شامالدۇرغۇچ
ئىلگىرى بالىلار قولىنى چۆرگىلەۋاتقان ئېلېكتىرونلۇق شامالدۇرغۇچ ئىچىگە تىقىپ، قولىنى يارىلاندۇرۇۋالىدىغانئەھۋاللار كۆرۈلەتتى، ئەنگلىيەلىك بىر كەشپىياتچى يەلپۈگۈچ ياپراقچىسى بولمىغان بىر خىل ئېلېكتىرونلۇقشامالدۇرغۇچنى كەشىپ قىلغان، ئۇنىڭ بىرلا چوڭ ھالقىسى بار بولۇپ، ئۇ شامالدۇرغۇچ تەگلىك قىسمىدىكى شامال سۈمۈرۈش تۆشۈكى ئارقىلىقلا ھاۋا سۈمۈرىدىكەن، ئاندىن ھالقا ئۈستىدىكى كىچىك ئېغىزلار ئارقىلىق شامال چىقىرىدىكەن، ئېغىزنىڭ دىيامېتىرى 3.1 مىللىمېتىر بولسىمۇ، چىقارغان شامال خېلىلا كۈچلۈك ئىكەن. ئۇنىڭ يەلپۈگۈچ ياپراقچىسى بولمىغاچقا بىخەتەر ئىكەن.
5. قولايلىق مال سېتىش ماشىنىسى
كوچىدىكى مال سېتىش ماشىنىلىرىغا پۇل سالسىڭىزلا، ئۆزىڭىزگە كېرەكلىك نەرسە – كېرەكلەرنى سېتىۋالالايسىز.لېكىن، بۇنداق مال سېتىش ماشىنىسىغا توك بولمىسا، مەشغۇلات قىلغىلى بولمايدۇ. ئىسپانىيەدىكى بىر كەشپىياتچى توك ئىشلەتمىسىمۇ بولىدىغان مال سېتىشماشىنىسىنى كەشىپ قىلغان، ئۇ ئاپتوماتىك مال سېتىش ماشىنىسىنىڭ تۈزۈلۈشىنى ئۆزگەرتىپ، ئۇنىڭغا بىر ۋېلىسىپىتنى ئورۇنلاشتۇرغان، يەنى كىم نەرسە سېتىۋالماقچى بولسا پۇل تاپشۇرۇپ، ئاندىن ۋېلىسىپىتنى نەچچە قېتىم ھەرىكەتلەندۈرسىلا، بۇ مال سېتىش ماشىنىسى سېتىۋالماقچى بولغان مالنى چىقىرىپ بېرىدىكەن.
6. ئىستېرېئولۇق فىلىم ئالغىلى بولىدىغان تېلېكامېرا
كىنوخانىلاردا ئىستېرېئولۇق كىنو كۆرسە خېلى مەنىلىك بولىدۇ، لېكىن ئۆزىڭىز ئىستېرېئولۇق كىنودىن بىرنى سۈرەتكە ئېلىشنى ئويلاپ باقتىڭىزمۇ؟ ئەنگلىيەدىكى بىر فوتو ئاپپارات شىركىتى بۇنداق ئىستېرېئولۇق تېلېكامېرانى تەتقىق قىلىپ چىققان. بۇ دۇنيادىكى تۇنجى ئىستېرېئولۇق تېلېكامېرا بولۇپ، ئۇنىڭدا ئېنىقلىق دەرىجىسى يۇقىرى ۋە يۇقىرى نۇر ئىلمى خۇسۇسىيىتىگە ئىگە تېلېكامېرا بېشى بولغاچقا، ئوخشاش ۋاقىتتا ئىككى خىل نۇقتىدىن سۈرەتكەئالغىلى بولىدىكەن، سۈرەتكە ئېلىنغان كۆرۈنۈشلەر تېلېكامېرانىڭ ئۆزىدىكى ئالاھىدە يۇمشاق دېتال بىلەن بىر تەرەپ قىلىنغاندىن كېيىن، ئىستېرېئولۇق كۆزەينەك تاقىمىسىمۇ، ئۆزى تارتقان ئىستېرېئولۇق فىلىملەرنى كۆرگىلى بولىدىكەن.
7. ئەركىن ھەرىكەتلىنەلەيدىغان بىر چاقلىق ئېلېكتىرلىك ۋېلىسىپىت
ياپونىيەلىك كەشپىياتچىلار يېقىندا بىر چاقلىق ئېلېكتىرلىك ۋېلىسىپىتنى كەشىپ قىلغان بولۇپ، ئۇنى ئادەتتىكى كىشىلەرمۇ سېركچىلەرگە ئوخشاش شەھەر كوچىلىرىدا مىنىپ يۈرەلەيدىكەن. بۇنىڭغا لىتىيلىق باتارېيە ئىشلىتىلگەن بولۇپ، بەدەننىڭ ئېغىش يۆنىلىشى ئارقىلىق ۋېلىسىپىتنىڭ مېڭىش يۆنىلىشىنى بەلگىلىگىلى بولىدىكەن، ئۇنىڭ ئىچىدە تەڭپۇڭلۇقنى ساقلايدىغان ئەسۋاب بار بولۇپ، ئاسانلىقچە يىقىلىپ كەتمەيدىكەن، ئۇنىڭئېگىزلىكى 56 سانتىمېتىر، ئېغىرلىقى نەچچە كىلوگىرام بولۇپ، ھەر قانداق ئادەم مىنەلەيدىكەن، ھەر قېتىم توك قاچىلاپ بولغاندىن كېيىن ئالتە كىلومېتىر يول يۈرەلەيدىكەن.
8. ‹‹ئالتىنچى سەزگۈ›› ئادەم بىلەن كومپيۇتېر ئۆز ئارا ھەرىكەتلىنىدىغان پاسىل
تەسۋىر چۈشۈرۈش ئاپپاراتى، تېلېكامېرا ۋە خاتىرە كومپيۇتېرنى بىرلەشتۈرسەك، سىزنى ئالاھىدە ‹‹ئالتىنچىسەزگۈ››گە ئىگە قىلىدۇ. قولىڭىزنى پۇلاڭلىتىش ئارقىلىقلا كومپيۇتېر مەشغۇلاتلىرىنى تاماملاش، رەسىم تارتىش، تورغا چىقىپ خەۋەر كۆرۈش، ئىلخەت يوللاش، قوبۇل قىلىش، شۇنداقلا كومپيۇتېر ئويۇنلىرىنى ئويناش قاتارلىق ئىشلارنى قىلالايسىز، سىستېمىنى ئۇلىسىڭىز، تېلېكامېرا قول بارماقلىرىڭىزنىڭ ھەرىكىتىنى كومپيۇتېرغا يەتكۈزىدۇ، كومپيۇتېر قوبۇل قىلغان ئۇچۇرلىرىغا ئاساسەن ھەرىكەتلىنىدۇ ھەم تەكشىلىككە تەسۋىر چۈشۈرۈش ئارقىلىق سۈرەتلەرنى ئېكرانغا ياكى تامغا چۈشۈرىدۇ.
9. ئاپەت مەيدانىدىن تېزلىكتە ئايرىلىشقا بولىدىغان قېچىش چاقى
بىز كۆپىنچە ئاپەتنى ئالدىن بىلەلىسەك، دەپ ئۈمىد قىلىمىز، ئەگەر شۇنداق بولسا ئاپەت بولغاندا تېزلىكتە ئاپەترايونىدىن ئايرىلالايمىز. ئامېرىكىلىق تەتقىقاتچىلار يۇقىرى قەۋەتتىن قېچىشقا بولىدىغان لەگلەكنىڭ ئوقىغا ئوخشاپ كېتىدىغان بىر خىل چاقنى كەشىپ قىلغان. كۆپ قەۋەتلىكبىنالاردا ئاپەت كۆرۈلگەندە كىشىلەر تېزلىكتە بۇ چاق بىلەن ئۇ يەردىن ئايرىلالايدىكەن، قاچقان ۋاقتىدا ئارغامچىنىڭ ئىلمىكىنى بىنانىڭ بىخەتەر يېرىگە مۇقىملاشتۇرۇپ، بىخەتەرلىك بەلبېغىنى بېلىگە چىگىپ، قېچىش چاقى ئارقىلىق يەرگە بىخەتەر چۈشەلەيدىكەن، قېچىش چاقى سىيرىلىش سۈرئىتىنى ئاپتوماتىك كونترول قىلىدىكەن، ئۇنى ئۆزىڭىز كونترول قىلسىڭىزمۇ بولىدىكەن، 100قەۋەتلىك بىنادىن تۆت مىنۇتقا يەتمىگەن ۋاقىتتا يەرگە چۈشۈپ بولغىلى بولىدىكەن.
10. ئالاھىدە ئىقتىدارلىق چاپلانما
سۆزلىمەكچى بولغاندا، چوڭ مېڭە نېرۋا سىگناللىرىنى بوغۇزغا يەتكۈزۈپ بېرىدۇ، ئاندىن سۆزلىيەلەيمىز، بەزىدە مەلۇم سەۋەبلەر بىلەن بوغۇزىمىز پۈتۈپ قېلىپ ۋاقىتلىق سۆزلىيەلمەي قالىمىز. ئامېرىكىلىق تەتقىقاتچىلار يۇقىرى تېخنىكىلىق بىر خىل چاپلانمىنى كەشىپ قىلغان، ئۇنىبوغۇزىمىزغا چاپلاپ قويساق، ئۇ بوغۇزىمىزغا يەتكۈزۈلگەن نېرۋا سىگناللىرىنى يېشىپ بېرىدىكەن، ئاندىن ئۇ ئېلېكتىر سىگنالىغا ئايلىنىپ، كومپيۇتېرغا يەتكۈزۈلىدىكەن، كومپيوتېر ‹‹گەپ قىلالمايدىغان››لارنىڭ گېپىنى قىلىپ بېرىدىكەن،بوغۇز نېرۋا سىگنالىغا كومپيۇتېر سىگنالى بويىچە يەتكۈزۈپ بېرىدىكەن، بۇ كەشپىيات تۇغما گاچىلارنىڭ ئەڭ ياخشى ھەمراھى ئىكەن.
 

‹‹بىلىم كۈچ ژۇرنىلى››دىن ئابدۇكېرىم ئابباس تەرجىمىسى
شىنجاڭ گېزىتى