◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

مىسىرلىقلار ھېلىھەم ئىشلىتىۋاتقان كەشپىياتلار

ئەمەلىيەتتە بىز ھازىر ئىشلىتىۋاتقان چىش چوتكىسى، چىش پاستىسى، قۇلۇپ ۋە ئاچقۇچ، گىرىم بۇيۇملىرى، تارغاق، سېسىق پۇراقنى يوقىتىش سۇيۇقلىقى ۋە قايچىلارنى ئەڭ بۇرۇن قەدىمقى مىسىرلىقلار ئىجاد قىلىپ ئىشلەتكەن. تۆۋەندە بىز يېقىندا بايقالغان بەزى بايقاشلارنى كىشىلەرنىڭ ھۇزۇرىغا سۇنىمىز. بۇمۇ قەدىمقى مىسىرلىقلارنىڭ ئىجادىيىتى.

ئېگىز پاشنىلىق ئاياغ. ئاياللارنى جەلپ قىلىدىغان ئېگىز پاشنىلىق ئاياغ ئەڭ بۇرۇن قەدىمكى مىسىرلىق ئاياللارنىڭ پۇتىدا پەيدا بولغان. مىلادىدىن 3500 يىل بۇرۇنلار مىسىردىكى ئاقسۆڭەكلەرنىڭ ئاياللىرى ئېگىز پاشنىلىق ئاياغ كىيىشكە باشلىغان. بىراق بۇنداق قىممەتلىك سەنئەت بۇيۇمنى ھەممە ئايال كىيەلمەيدىغان بولغاچقا، ئاددىي خەلقنىڭ نەزىرىدە ئېگىز پاشنىلىق ئاياغ مەلۇم خىل شان-شەرەپنىڭ سىمۋولىغا ئايلانغان. ئەلۋەتتە، بۇ چاغدىكى ئېگىز پاشنىلىق ئاياغ بۈگۈنكى ئېگىز پاشنىلىق ئاياغتەك راھەت ۋە كۆركەم ئەمەس ئىدى.

قەلەم. قەغەر بولمىغان دەۋردە قەلەمنىڭ كارغا كەلمەيدىغان ئارتۇقچە نەرسە ئىكەنلىكى ھەممىگە ئايان. بىراق ئوت-چۆپتە ئىشلىنىدىغان قەغەز ۋۇجۇدقا كەلگەندىن كېيىن، كىشىلەر سۆڭەك يىڭنە، مېتال پارچىسى ياكى تاش پارچىسى بىلەن خەت يېزىش ئىمكانىيىتىدىن مەھرۇم بولۇپ، قەغەزگە خەت يېزىشقا بولىدىغان بىر خىل يېڭى تىپتىكى قورالغا مۇھتاج بولدى، ئۇنىڭ ئۈستىگە بۇ نەرسە قىممەتلىك قەغەزگە زىيان سالماسلىقى كېرەك ئىدى. ئاخىرى قەدىمقى مىسىرلىقلار بىز ھازىر كۆرۈپ تۇرغان قەلەمنىڭ ئەڭ قەدىمقى نۇسخىسىنى ئىجاد قىلىپ، خەت يېزىشقا ئىشلەتكەن.
سۇ سائەت. سۇ سائەت ھېلىھەم ئىشلىتىلىۋاتىدۇ. مىسىرلىقلارنىڭ قولىدا ئىجاد قىلىنغان بۇ نەرسە　ھازىر ئۆينى زىننەتلەش بۇيۇمىغا ئايلاندى. ھەتتا تارىخى نىسبەتەن ئۇزاقلىرى يىغىپ ساقلىغۇچىلارنىڭ ئەتىۋارلىق بۇيۇمى بولۇپ قالدى. بىراق بۇ سۇ سائەتلەر ھېلىھەم ۋاقىتتىن توغرا مەلۇمات بېرەلەيدۇ.

مەنبە-جۇڭگۇ رادىئو ئۇيغۇر تورى