◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

« ئاتۇش » نامىنىڭ كېلىپ چىقىشىنى بىلەمسىز ؟

«تۈركىي تىللار دىۋانى » 1- توم 128 - بەتتە : " ئارتۇچ --- ئارتۇچ دەرىخىنىڭ نامى بولۇپ ، قەشقەردە ئارتۇچ ناملىق ئىككى يۇرت بار ؟ دەپ يېزىلغان . ھازىرمۇ ئارتۇچ نامىدا ئىككى يۇرت بار . بىرسى ، ئۈستۈن ئارتۇچ ، ئىككىنچىسى ، ئالتىن ئارتۇچ . " تۈركىي تىللار دىۋانى " 1 - توم 147 - بەتتە : " ئۈستۈن ، ئاندىن ئالتىن ، ئاستىن دېيىش توغرا ئەمەس ، توغرىسى ئالتىن " دەپ ئىزاھلانغان . ھازىر بەزى كىشىلەر " ئالتىن ئاتۇش " دەپ تەلەپپۇز قىلسىمۇ ، لېكىن جانلىق تىلدا " ئاستىن ئاتۇش " دېيىلىۋاتىدۇ . كېيىنكى دەۋرلەردىكى تۈرلۈك تارىخىي ھۆججەتلەردە " ئارتۇچ " دەپ يېزىلغان . مەسىلەن ، ھىجىرىيىنىڭ 1254 - يىلى ئاتۇش مەشھەدلىك مىرەھمەت شەيىخ ئاخۇنۇمنىڭ خانىقاغا ۋەخپە قىلغان ۋەخپىنامىسىدە " ارتۇچ كەنتى " ؛ ئۈستۈن ئاتۇش دېھقانلار كەنتىدىن ئابدىقادىر باخشى نامىدا ھىجىرىيە يىلى 1315 - يىلى يېزىلغان ۋەخپىنامىسىدە " ئۈستۈن ىرتۇچ كەنتى " دەپ يېزىلغان .

 خۇلاسە شۇكى، ئاتۇش ---- ئارتۇچ دەرىخىنىڭ نامى بولۇپ ، بۇ نام يېقىنقى دەۋرگىچە تارىخىي ھۆججەتلەردە يېزىلىپ كەلگەن .

 مەنبە: ئابدىرىھىم مەشھەدنىڭ «ئاتۇش» ناملىق كىتاۋىدىن ئېلىندى .