ئاياللار دۇنياسى يانبىلوگى

ئايالىڭىز پەرىشتىمۇ ياكى ئالۋاستىمۇ، ھەممىسى ئەر بولغان سىزگە باغلىق. ئاياللار ياتلىق بولۇشنى قارار قىلغان شۇ مىنۇتتىن باشلاپ ئەر بىلەن ياخشى ئۆتۈشنى ئويلايدۇ. ئۇنىڭ تاللىشى بەزىدە ئۇنى ئۈمىدسىزلەندۈرىدۇ، ئۇ بەلكىم بۇ بىر قېتىملىق تاللاش بىلەن نۇرغۇن نەرسىلەرنى كەتكۈزۈپ قويۇشى مۇمكىن.
گەرچە نىكاھتا، سەۋر قىلىش بىر گۈزەل ئەخلاق بولسىمۇ، لېكىن ئەگەر مۇھەببەت بولسا، سەۋر قىلىش مەۋجۇت بولمايدۇ، پەقەت كەڭ قورساقلىق بولىدۇ. سىز ئايالىڭىزنىڭ بارغانسېرى گۈلدەك رۇخسارىنىڭ سولىشىپ، بارغانسېرى ئالۋاستىغا ئايلىنىپ قالغانلىقىنى بايقىغىنىڭىزدا ئۆزىڭىزدىن سوراپ بېقىڭ. سىزگە ئەگەر بىر پەرىشتە لازىم بولسا، ئالدى بىلەن ئۇنى پەرىشتىنىڭ ئورنىغا قويۇپ مۇئامىلە قىلىڭ. چۈنكى، بۇ دۇنيادا ھەر بىر «ئايال» ئاتالغۇچىلارنىڭ ھەممىسى بۇرۇن پەرىشتىلەردىندۇر.
ئەسلىدە، سىزنىڭ پوزىتسىيەرىڭىزنىڭ ئۆزگىرىشى بىر ھەقىقىي پەرىشتىنى يارىتالايدىكەن.
ئايال دېگەن نېمە؟
بۇرۇنقى ناتونۇش ئادەم...
ئىلگىرىكى دوستىڭىز....
ھازىرقى ھەمراھىڭىز...
تۇرمۇشتىكى شېرىكىڭىز...
ھېسسىياتتىكى سىردىشىڭىز...
ئاياللار پېئانىنوغا ئوخشايدۇ، ئۇستا ئادەم كېلىپ چالسا داڭلىق مۇزىكىلار چىقىدۇ؛ ئەگەر ئادەتتىكى ئادەم كېلىپ چالسا بەلكىم بىر ئادەتتىكى مۇزىكا چىقىشى مۇمكىن؛ ئەگەر ھېچنىمىنى بىلمەيدىغان بىرى كېلىپ چالسا بەلكىم قۇلاقنى ئاغرىتىشى مۇمكىن.
ئاياللارنىڭ مۇھەببىتى ئەرلەرنىڭ كۆيۈنۈشىدىن كېلىدۇ.
ئاياللارنىڭ نەپرىتى ئەرلەرنىڭ ئالدىشىدىن كېلىپ چىقىدۇ.
ئاياللارنىڭ ئاغرىنىشى ئەرلەرنىڭ سوغۇقلۇقىدىن كېلىدۇ.
ئاياللارنىڭ خوشاللىقى ئەرلەرنىڭ ھارارىتىدىن كېلىدۇ.
ئاياللارنىڭ گۈزەللىكى ئەرلەرنىڭ ئەركىلىتىشىدىن كېلىدۇ.