سامسۇڭ شىركىتى بۈگۈن دۇنياغا داڭلىق ۋىدىيو ئورتاقلىشىش تورى YouTube  دا ئۆزىنىڭ ئەڭ يېڭى مەھسۇلاتى تونۇشتۇرۇلغان ئىككى پارچە ۋىدىيونى ئېلان قىلغان بولۇپ، بۇنىڭدا سامسۇڭنىڭGALAXY S5  يانفونى، ئەقلىي ئىقتىدارلىق قول سائىتى GEAR 2  ۋە GEAR Fit  ناملىق تەنھەرىكەتچىلەر ئۈچۈن لايىھەلەنگەن بىلەيزۈك قاتارلىقلار باركەن.
بۇ ئۈچ خىل مەھسۇلاتنىڭ ھەممىسى ئالدىنقى ھەپتە ئېچىلغان MWC  چوڭ يىغىنىدا ئېلان قىلىنغان بولۇپ، GALAXY S5 يانفونىدىكى Home  كۇنۇپكىسىنىڭ سول تەرىپىدىكى كۇنۇپكىنى كۆپ خىل ۋەزىپە باشقۇرۇش كۇنۇپكىسىغا ئايلاندۇرۇلغان بولۇپ، ئۇنىڭغا يەنە ئۈچتىن مۇداپىئەلىنىش ئىقتىدارىنى قوشقان؛ GEAR 2  ناملىق ئەقلىي ئىقتىدارلىق قول سائىتىگە 1.63 دىيۇملۇق ئىكران سەپلەنگەن بولۇپ، ئېنىقلىق دەرىجىسى 320*320  گە يېتىدىكەن، چاستوتىسى1GHz بولغان قوش يادرولۇق بىر تەرەپ قىلغۇچ، 512MB  لىق ئىچكى ساقلىغۇچ،4GB  لىق ساقلاش بوشلۇقى ۋە300 مىللىيئامپېرلىق باتارىيە ئىشلىتىلگەن، شۇنداقلا سۇ ۋە چاڭ-توزاندىن ساقلىنىش ئىقتىدارى قوشۇلغان؛ GEAR Fit ناملىق تەنھەرىكەتچىلەر ئۈچۈن لايىھەلەنگەن بىلەيزۈكنىڭ ئېغىرلىقى 27 گىرام كىلىدىغان بولۇپ، ئەگمە يۈزلۈك ئىكران سەپلەنگەن.