جامائەت خەۋىپسىزلىك مىنىستىرلىكى تۇتۇش بۇيرۇقى
 

ئەتىگەنلىك خەۋەر، 2-ئاينىڭ13-كۈنى، جامائەت خەۋىپسىزلىك مىنىستىرلىكى جىنايى ئىشلار رازىۋېتكا ئىدارىسى مىكرو بىلوگدا« جامائەت خەۋىپسىزلىك مىنىستىرلىكى جىنايى ئىشلار رازىۋىدكا قىلىش ئىدارىسى» نامىدىكى ئورگان تەرەپ مىكرو بىلوگىنى ئاچتى. مىكرو بىلوگ ئېچىلىپ 10 سائەتتىن كىيىن، ئورگان مىكرو بىلوگىدا بىرىنچى يۈرۈش تۇتۇش بۇيرۇقى« خېبىيدىكى بىرلىكتە قوراللىق ئادەم ئۆلتۈرۈش دىلوسىدىكى جىنايەت گۇماندارى لى جىنبونى تۇتۇش بۇيرۇقى» چىقارغانلىقىنى ئېلان قىلدى.
تۇتۇش بۇيرۇقىدا قوشۇمچە قىلىپ لى جىنبونىڭ خۇسۇسىي ئەھۋالى ۋە خۇسۇسىي كىنشكا سۈرەتلىرىمۇ بار. لى جىنبو، ئەر، خەنزۇ، 1973-يىلى 9-ئاينىڭ 17-كۈنى تۇغۇلغان، بوي ئېگىزلىكى 1.7مېتىر، چېچى ئاز، بەدىنى ئورۇق، خېبىي فۇنىڭ تەلەپپۇزىدا سۆزلەيدۇ. جامائەت خەۋىپسىزلىك مىنىستىرلىكى جىنايى ئىشلار رازىۋىدكا قىلىش ئىدارىسى ھەرقايسى رايونلۇق جامائەت خەۋىپسىزلىك ئورگانلىرى مەزكۈر تۇتۇش بۇيرۇقىنى تاپشۇرىۋالغاندىن كىيىن، دەرھال تەكشۈرۈش خىزمىتى ئورۇنلاشتۇرۇشنى، جىنايەت گۇماندارى بايقالغاندا قولغا ئېلىپ، تېزلىكتە جامائەت خەۋىپسىزلىك مىنىستىرلىكى جىنايى ئىشلار رازىۋىدكا قىلىش ئىدارىسىغا ئۇقتۇرۇش قىلىشنى ئۈمىد قىلىدىغانلىقىنى بىلدۈرگەن. تۇتۇش بۇيرۇقى ئېلان قىلىنغاندىن كىيىن، توردا بەس بەستە تارقىتىلىپ، جامائەت خەۋىپسىزلىك ئورگانلىرىنىڭ مەزكۇر دىلونى ئېنىقلاپ چىقىشىنى ئۈمىد قىلىدىغانلىقىنى بىلدۈرگەن، تۈنۈگۈن كەچ بېيجىڭ ۋاقتى 6:00گىچە، بۇ مىكرو بىلوگ ئۇچۇرى ئاللىقاچان توردا 500 قېتىمدىن ئارتۇق تارقىتىلغان.