12-دېكابىر، سائەت 17دىن 40 مىنۇتلار ئۆتكەندە، جياڭسۇ ئۆلكىسى شۈجۇ شەھىرىنىڭ فېڭشيەن ناھىيەسى شۇشيەن بازىرىدا باشلانغۇچ مەكتەپ ئوقۇغۇچىلىرىنى توشۇيدىغان ئاپتوبۇس ئۆرۈلۈپ كېتىش ۋەقەسى يۈز بەردى. دەسلەپكى قەدەمدە ئېنىقلىنىشىچە، 13-دېكابىر سەھەر سائەت 2دىن 30 مىنۇت ئۆتكەنگە قەدەر، ۋەقەدە قازا قىلغانلار 15 ئادەمگە يەتكەن.

ئۇندىن باشقا فېڭشيەن ناھىيەلىك پارتكوم تەشۋىقات بۆلۈمىنىڭ تونۇشتۇرىشىچە، شۇ كۈنى چۈشتىن كېيىن، شۇشيەن بازارلىق مەركىزىي باشلانغۇچ مەكتەپنىڭ 52 كىشىلىك مەخسۇس مەكتەپ ئاپتوبۇسى 47 ئوقۇغۇچىنى ئۆيىگە ئېلىپ ماڭغان. سائەت 17دىن 50 مىنۇتلار ئۆتكەندە، ماشىنا جاڭخۇتۈن كەنتى ئەتراپىغا كەلگەندە، 29 ئوقۇغۇچى ئولتۇرغان بۇ ماشىنا بىر ئۈچ چاقلىق موتوسېكلىتتىن ئۆزىنى قاچۇرىمەن دەپ، يول بويىدىكى پاتقاقلىققا ئۆرۈلۈپ كەتكەن، 23 ئوقۇغۇچى دوختۇرخانىغا ئېلىپ بېرىلىپ داۋالىتىلغان. سائەت 21 ئەتراپىدا، 2 ئوقۇغۇچى داۋالاش ئۈنۈم بەرمەي قازا قىلغان؛ سائەت 22 دىن 30 مىنۇت ئەتراپىدا، قازا قىلغانلار 12 گە يەتكەن.

ھازىر، ۋەقەنىڭ سەۋەبى يەنىمۇ تەكشۈرۈلمەكتە. قازا قىلغان ئوقۇغۇچىلارنىڭ ئائىلە تەۋەلىرىگە تەسەللىي بېرىش قاتارلىق ئاخىرەتلىك ئىشلار تەرتىپلىك ئىشلەنمەكتە.