يەر شارى تورىنىڭ 11-دېكابر خەۋىرى: روسىيە ئىچكى ئىشلار مىنىستېرلىكى 12-ئاينىڭ 10-كۈنى ئېلان قىلغان ئۇچۇرغا ئاساسلانغاندا، تەخمىنەن 25 مىڭ كىشى شۇ كۈنى چۈشتىن كېيىن موسكىۋا شەھىرىنىڭ مەركىزىدە يىغىلىش قىلىپ، روسىيە دۆلەت دۇما سايلىمىدىكى كۆز بويامچىلىق قىلمىشىغا قارشىلىق كۆرسەتكەن.

نامايىش 12-ئاينىڭ 10-كۈنى چۈشتىن كېيىن سائەت 14 دە باشلانغان. نامايىشچىلار پىلاكاتلارنى لەپىلدىتىپ، شوئار توۋلاشقان. نۇرغۇن ساقچىلار نامايىشچىلار ئەتراپىدا ھوشيار ھالەتتە تۇرغان. نامايىشچىلار دۆلەت دۇماسى سايلىمىدىكى كۆز بويامچىلىققا ئېتراز بىلدۈرۈپ، قايتىدىن ھەقىقىي سايلام ئۆتكۈزۈشنى تەلەپ قىلغان. سائەت 18 ئۆتكەندە نامايىشچ تىنچ ئاخىرلاشقان.

نامايىش ئورنى كېرمىل سارىيىغا يېقىن جاي بولۇپ، موسكىۋا شەھەرلىك ھۆكۈمەت بۇ جايدا ئەڭ كۆپ بولغاندا 30 مىڭ كىشىلىك نامايىش ئۆتكۈزۈشنى تەستىقلىغان.

ئىگىلىنىشچە، سانكىت پېتۇربۇرگ، ۋىلادىۋىستوك قاتارلىق شەھەرلەردىمۇ 10-دېكابر نامايىش بولغان. (نەپرەت)