ياپونىيەنىڭ باش ۋەزىرى نائوتوكان تۈنۈگۈن ئۆزىنىڭ ئۆتكەن يىلى 6-ئايدا باش ۋەزىرلىككە تەيىنلەنگەندىن كېيىن، ھاكىمىيەت بېشىدىكى دېموكراتلار پارتىيەسى كېڭەش پالاتاسىنىڭ سايلىمىدا مەغلۇپ بولغانلىقىنى، بۇنىڭ بىلەن پارلامېنت ئالمىشىش ۋەزىيىتى كېلىپ چىققانلىقىنى بىلدۈردى. پايدىسىز بولغان شارائىتتىمۇ ئۇ رەھبەرلىك قىلغان ھۆكۈمەتنىڭ قىلىشقا تېگىشلىك ئىشلارنى قىلغانلىقىنى، جۈملىدىن ئاپەتتىن كېيىنكى قايتا قۇرۇش، يادرو ئېلېكتىر ئىستانسىسى ۋەقەسىنى بىر تەرەپ قىلىش، ئىجتىمائىي كاپالەت ۋە باج تۈزۈمىنى بىر گەۋدىلەشتۈرۈش ئىسلاھاتىغا تۈرتكە بولۇشنى ئۆز ئىچىگە ئالغان خىزمەتلەردە ئىلگىرىلەشلەرنى قولغا كەلتۈرگەنلىكىنى، ئۆزىنىڭ مەلۇم نەتىجىلەرگە ئېرىشكەنلىكىدىن پەخىرلىنىدىغانلىقىنى بىلدۈردى.
 

نائوتوكان مۇنداق دېدى: مەن بىر سىياسىيون بولۇش سۈپىتىم بىلەن باش ۋەزىرلىك ۋەزىپىسىدىن ئىستىپا بەرگەندىن كېيىن يەر تەۋرەش ئاپىتىگە ئۇچرىغان رايونىدىكى خەلقنىڭ پىكىرگە داۋاملىق قۇلاق سېلىپ، يادرو بۇلغىمىلىرىنى تۈگىتىش، ياپونىيە جەمئىيىتىنىڭ يادرو ئېلېكتىر ئىستانىسىسىغا تايىنىشىنى ئازايتىش يولدا ئەڭ زور تىرىشچانلىقلارنى كۆرسىتىمەن.