MCmئاقيول تور بىكىتى

ئۈرۈمچى كەچلىك گېزىتى مۇخبىرلىرى گۈلرۇخ يالقۇن خەۋىرى، يۈسۈپجان تۇرسۇن فوتوسى: 16-ئاۋغۇست ئەتىگەن سائەت 10 لاردا ئۈرۈمچى تۇرپان يۇقىرى سۈرئەتلىك تاشيولى ئۇلانباي ھەق ئېلىش پونكىتىدا دەستە-دەستە گۈللەرنى كۆتۈرۈپ تۇرغان كىشىلەر قەشقەر شەھىرى شەرقىي رايونلۇق تولۇقسىز 1-ئوتتۇرا مەكتىپىنىڭ تەنتەربىيە ئوقۇتقۇچىسى تۇردىھاجى ئادىل بىلەن مۇختەرجان موللاياقۇپنىڭ يىراقتىن يۈگۈرۈپ كېلىۋاتقان سىيماسىنى كۆرۈپ، ئۇلارغا ئالقىش ياڭراتتى. ئىككى جەسۇر ئوغلان ئۆزلىرىنىڭ يېرىم ئايدىن بۇيانقى مۇشەققەتلىك سەپىرىنى ئاياغلاشتۇرۇپ ئاخىرقى بېكەتكە قەدەم قويدى.MCmئاقيول تور بىكىتى

MCmئاقيول تور بىكىتى

ئىگىلىنىشىچە، بۇ ئىككى ئەزىمەت باش شۇجى شى جىنپىڭ ئوتتۇرىغا قويغان «تۆتتە ياخشى ئوقۇتقۇچى»لاردىن بولۇش تەلىپىگە يېتىش ئارزۇسىنى ئەمەلىيىتىدە كۆرسىتىش، ياشلارغا خاس غەيرەت-جاسارەتنى نامايان قىلىش مەقسىتىدە 1-ئاۋغۇست ئەتىگەن سائەت 7:30 دا ئۆزلىرى خىزمەت قىلىدىغان مەكتەپ قورۇسىدىن يولغا چىققان. قەشقەر شەھەرلىك مائارىپ ئىدارىسى، مۇناسىۋەتلىك ئورۇنلار ھەمدە ھەر قايسى كارخانا، شىركەتلەر ئۇلارنىڭ 15 كۈنلۈك سەپىرىدىكى بارلىق قىيىنچىلىقلارنى يېڭىشىگە كۈچ تولۇقلاپ بەرگەن. ئۇلار يول باشلىغۇچى ئاپتوموبىلنىڭ ھەمراھلىقىدا يولغا چىققاندىن كېيىن ھەر بىرى كۈنىگە 50 كىلومېتىردىن كۈچ ئۇلاپ يۈگۈرگەن.MCmئاقيول تور بىكىتى

تۇردىھاجى ئادىل بىلەن مۇختەرجان موللاياقۇپنىڭ زامانىمىز ياشلىرىغا خاس جۇشقۇنلۇق ھەم جەڭگىۋارلىققا تولغان جاسارىتى، باشقىلارنى «ئويغىتىش» روھىدىن تەسىرلەنگەن بىر نەچچە مىللىي كارخانا ئىككى ياشنىڭ مۇۋەپپەقىيىتىنى تەبرىكلەپ ئىقتىسادىي جەھەتتە «كۆڭلى» نى بىلدۈرگەن بولۇپ، ئۇلار بۇ ياردەملەرنى ئۆزلىرى خىزمەت قىلىدىغان مەكتەپتىكى ئائىلىسىدە قىيىنچىلىقى بار ئوقۇغۇچىلارغا ھەدىيە قىلىدىكەن.MCmئاقيول تور بىكىتى

MCmئاقيول تور بىكىتى

مەنبە: http://uy.ts.cn/homepage/content/2016-08/17/content_541867.htmMCmئاقيول تور بىكىتى

MCmئاقيول تور بىكىتى