سەنشىڭ GALAXY Mega 6.3/5.8يانفۇنى ئېلان قىلىندى

سەنشىڭ GALAXY Mega 6.3/5.8 رەسمىي ئېلان قىلىندى

 
       ئاقيول تورى ئۈمىد 12-كۈنى خەۋىرى :ئالدىنقى كۈنى سەنشىڭ ئۆزىنىڭ ئىككى خىل يىڭى تىپتىكى يانفونى GALAXY Mega 6.3/5.8 نى ئېلان قىلدى . بۇ ئىككى خىل يانفۇننىڭ سىرىتقى شەكلىنىڭ لايىھىلىنىشى سەنشىڭ GALAXY S4 گە ئوخشاپ كېتىدۇ ، بىراق سەنشىڭ GALAXY Mega تۈرىدىكى يانفۇنلارغا تېخىمۇ چوڭ ئېكران سەپلەنگەن بولۇپ ، ئاساسلىقى ئوتتۇرا قاتلامدىكى بازارلارغا نىسبەتەن لايىھىلەنگەن ئىكەن . 
      سەنشىڭ GALAXY Mega 6.3 گە 1280×720ئىنىقلىقتىكى 6.3سۇڭلۇق LCD چوڭ ئېكران ، سەنشىڭنىڭ Exynos 5250 قوش يادرولۇق 1.7GHz لىق مەركىزى بىرتەرەپ قىلغۇچ ۋە 1.5GB لىق ئىچكى ساقلىغۇچ(RAM) سەپلەنگەن بولۇپ ، يانفون سىغىمى جەھەتتە ، 8GBلىق ۋە 16GB لىق ئىككى خىل نۇسخىسى بار . باشقا سەپلىمىلەر جەھەتتە GALAXY Mega 6.3 گە 8مىليۇن پىكسېللىق ۋە 1مىليۇن 200مىڭ پىكسېللىق كامېرا ،3200mAh لىق باتارېيە سەپلەنگەن ، GALAXY Mega 6.3 گە ئاندىرويىد 4.2مەشغۇلات سىستېمىسى ئىشلىتىلگەن بولۇپ ، Note2 بىلەن سىلىشتۇرغاندا بۇيانفۇنغا S-Pen قولدا يېزىش قەلىمى سەپلەنمىگەن . 

      سەنشىڭ GALAXY Mega 5.8 بولسا GALAXY Mega 6.3 سىلىشتۇرغاندا سەل تۆۋەن قاتلامدىكى بازارغا قارىتا لايىھىلەنگەن بولۇپ ،بۇ يانفۇنغا 540x960 ئېنىقلىقتىكى 5.8سۇڭلۇق ئېكران ، 1.4GHz لىق قوش يادرولۇق مەركىزى بىرتەرەپ قىلغۇچ ، 2600mAh باتارېيە سەپلەنگەن بولۇپ ، كامېرا جەھەتتە GALAXY Mega 6.3 بىلەن ئوخشاش بولۇپ ، بەزى بىر ئالاھىدە ئىقتىدارلىرى قىسقارتىۋېتىلگەن .
      سەنشىڭ بۇ ئىككى يانفۇننى ئاساسلىقى ئوتتۇرا قاتلامدىكى بازارغا نىسبەتەن ئوتتۇرىغا چىقارغان بولۇپ ، 5-ئايدا ياۋروپانىڭ بىرقىسىم جايلىرى ۋە روسىيەدە ئالدى بىلەن بازارغا سېلىنىدىكەن ،سەنشىڭ تەرەپ بۇ يانفۇننىڭ باھاسى توغرىلىق ئېنىق ئۇچۇرنى ئاشكارىلىمىدى ، بىراق GALAXY Mega 6.3 نىڭ باھاسى 4500يۈەن ئەتىراپىدا ، GALAXY Mega 5.8 نىڭ باھاسى 3000يۈەندىن تۆۋەن بولۇشى پەرەز قىلىنىۋاتىدۇ .

( تەھرىر : ئاقيول تورى )