تۆۋەن باھالىق iPhone 5C گە 8 مىليون پىكسىللىق كامېرا سەپلىنىشى مۇمكىن-ئاقيول ئۇيغۇر تور بىكىتى

تۆۋەن باھالىق iPhone 5C گە 8 مىليون پىكسىللىق كامېرا سەپلىنىشى مۇمكىن

يوللانغان ۋاقىت : 2013-08-06 10:45:14

تەھرىر : admin






: چوڭ; ئوتتۇرا; كىچىك; خەت چوڭ - كىچىكلىكى >>

ئامېرىكا MacRumors تور بېكىتىنىڭ خەۋەر قىلىشىچە، ئالما شىركىتىنىڭ تۆۋەن باھالىق يانفونىiPhone 5C گە 8 مىليون پىكسىللىق كامېرا سەپلىنىدىكەن. پات-ئارىدا ئېلان قىلىنماقچى بولغان تۆۋەن باھالىق ئايفونغا خەۋەرلەردە دىيىلگەندەك iPhone 5C دەپ نام بىرىلىش-بىرىلمەسلىكى تېخى ئېنىق ئەمەس، تۈنۈگۈن، IT168 تور بېكىتىدەiPhone 5C نىڭ كامېراسى ئاشكارىلانغان بولۇپ، قارىغاندا ئۇنىڭغا iPhone 5 بىلەن ئوخشاش تىپتىكى 8 مىليون پىكسىللىق كامېرا سەپلىنىدىكەن.

بۇندىن باشقا، تورلاردا تارقالغان بەزى خەۋەرلەردە iPhone 5S يانفونىغا 12 مىليون پىكسىللىق كامېرا سەپلىنىدىغانلىقى، ئۇنىڭ ئاجىز يورۇقلۇق ئاستىدىكى سۈرەتكە تارتىش ئۈنۈمىنىڭ ئالاھىدە ياخشىلانغانلىقى تىلغا ئىلىنغان.
گەرچە iPhone 5C يانفونىغا تۆۋەن باھالىق ئايفون دىگەن نام بىرىلگەن بولسىمۇ، بىراق، ئۇنىڭ ئاساسلىق سەپلىمىسى ئەمەلىيەتتە iPhone 5 ۋە iPhone 5S بىلەن ناھايىتى يىقىنلىىشپ قالىدۇ، پەقەت ئۇنىڭغا ئىشلىتىلگىنى بولسا كۆپ خىل رەڭلىك سۇلىياۋ ماتىرىيال. ئاڭلاشلارغا قارىغاندا، iPhone 5CيانفونىiPhone 5 گە قارىغاندا تېخىمۇ يۇمىلاق شەكىلدە لايىھىلەنگەن بولۇپ، سۇلىياۋ ماتىرىيال ئىشلىتىلگەنلىكتىن، يانفون گەۋدىسى تېخىمۇ ئۇزۇن ۋە تېخىمۇ قىلىن چىققان.
ئەمدىiPhone 5C نىڭ تارقىتىلىش ۋاقىتىغا كەلسەك، ئەڭ يېڭى خەۋەرلەردە ئالما شىركىتىنىڭ 9-ئاينىڭ باشلىرىدا تۆۋەن باھالىق ئايفوننى iPhone 5S بىلەن تەڭلا بازارغا سالىدىغانلىقى، سېتىلىش باھاسىنىڭ 450 دوللاردىن 550 دوللارغىچە بولىدىغانلىقى كۆرسىتىلگەن.