1 - ئاۋغۇست ئاپتونوم رايونلۇق سودا نازارىتىدىن ئىگىلىشىمچە، روزا ھېيتنىڭ كېلىشى بىلەن، ئاپتونوم رايونىمىزدا قوي گۆشى ئىستېمالى كۆرۈنەرلىك ئاشقاچقا، ئاپتونوم رايونلۇق سودا نازارىتى بىلەن مالىيە نازارىتى 3 - ئاۋغۇستتىن 7 - ئاۋغۇستقىچە ئاپتونوم رايوننىڭ قوي زاپىسى گۆشلىرىنى ئۈرۈمچى شەھىرى، تۇرپان شەھىرى، سانجى شەھىرى، غۇلجا شەھىرى، كورلا شەھىرى، لوپنۇر ناھىيەسى، ئاقسۇ شەھىرى، كۇچا ناھىيەسى، ئاتۇش شەھىرى، قەشقەر شەھىرى، يەكەن ناھىيەسى، قەشقەر يېڭىشەھەر ناھىيەسى، خوتەن شەھىرى، لوپ ناھىيەسى، قاراقاش ناھىيەسى، گۇما ناھىيەسى ۋە كېرىيە ناھىيەسىدىن ئىبارەت 17 شەھەر (ناھىيە) دە بازارغا سالىدىكەن، گۆشنىڭ باھاسى رايونلارغا قاراپ 44 يۈەندىن 52 يۈەنگىچە بولىدىكەن.YUDئاقيول ئۇيغۇر تور بىكىتى

ئاپتونوم رايوننىڭ يەرلىك گۆش زاپىسى ئاپتونوم رايوننىڭ تاسادىپىي ۋەقەلەر، زور تەبىئەت ئاپەتلىرى، جامائەت ساغلاملىقىغا دائىر ۋەقەلەر، ھايۋانلاردا يۇقۇملۇق كېسەل تارقىلىش قاتارلىقلار تۈپەيلىدىن پەيدا بولغان بازاردىكى داۋالغۇشقا تاقابىل تۇرۇش ئۈچۈن زاپاس ساقلىغان گۆش مەھسۇلاتلىرىنى كۆرسىتىدۇ، ئۇ چارۋا زاپىسى ۋە توڭلىتىلغان گۆش زاپىسىنى ئۆز ئىچىگە ئالىدۇ. ئاپتونوم رايون يېقىنقى يىللاردا خەلق تۇرمۇشى قۇرۇلۇشىغا زور كۈچ سەرپ قىلدى، نۇقتىلىق خەلق تۇرمۇشى قۇرۇلۇشلىرى ئارقىلىق، ئاممىنىڭ بەخت كۆرسەتكۈچىنى ئۈزلۈكسىز ئاشۇردى، گۆشنى زاپاس ساقلاش تۈزۈمىنى بەرپا قىلىش، گۆش زاپىسىنى بازارغا سېلىش سالمىقىنى ئاشۇرۇش ئاپتونوم رايون بېكىتكەن بۇ يىللىق 25 تۈردىكى 100 نۇقتىلىق خەلق تۇرمۇشى قۇرۇلۇشىنىڭ بىر مەزمۇنى، شۇنداقلا ھەر دەرىجىلىك سودا تارماقلىرىنىڭ تەمىنلەشكە، خەلق تۇرمۇشىغا كاپالەتلىك قىلىش ھەمدە بازار باھاسى ۋە تەمىناتنى مۇقىملاشتۇرۇشىدىكى مۇھىم تەدبىرى.YUDئاقيول ئۇيغۇر تور بىكىتى

YUDئاقيول ئۇيغۇر تور بىكىتى
YUDئاقيول ئۇيغۇر تور بىكىتى